「東張女神」王嘉慧恨拍劇 最想跟偶像佘詩曼合作

王嘉慧大膽自薦同視后拍劇。

「東張女神」王嘉慧（Cathy）2021年參選港姐成為最後5強，落選後正式入行，去年作為新人已有不少演出機會，除了拍住梁思浩主持靈探節目《通靈之王》，又有機會成為《東張西望》外景主持，因而被封為「東張女神」。對於新一年， Cathy都希望keep住有不少演出機會，最恨就是跟偶像佘詩曼同場演戲。

本身是學霸的Cathy，更寫得一手好書法，手上的揮春正是出自她手筆。

新一年Cathy希望大家都能身體健康。

Cathy開心過一年有不少演出機會，亦令她開始被觀眾認識，「啱啱選完嗰年已經有工作，冇諗過《通靈之王》出街後會有咁大迴響，有次去買衫個sales姐姐問我係咪《通靈之王》其中一個女仔，冇諗過會有人認得出我，第一次真係幾開心入到屋，多啲人認識到我，慶幸之後再加入《東張西望》，每日都可以見到大家，第一年嚟講係幾意想不到。」

桃花代表人緣，Cathy當然希望這年觀眾會愈來愈鍾意她。

Cathy在《愛‧回家之開心速遞》飾演「Gina」一角。

做開主持勝任扮記者

對於去年《東張》女主持收恐嚇訊息，揚言先姦後斬，Cathy承認當時確實好驚，但事過境遷，更有種因禍得福感覺，「新聞出咗後有好多人關心我，有種好被關愛嘅感覺，同埋節目都係為伸張正義幫到更多人，唔應該因為咁嘅事就退縮。」至於被封「東張女神」，她坦承不敢當，「始終我喺《東張》資歷尚淺，我唔話女唔女神，我都係想做主持工作，希望大家留意我哋嘅衣着外表之餘，留意返我哋主持工作都有keep住進步啦！」

Cathy拍住梁思浩主持《通靈之王》，令她成功入屋。

Cathy做《東張西望》外景主持，最近有機會訪問歌神許冠傑。

講到新一年願望，Cathy除了主持工作外，還希望有更多拍劇工作，而最渴望可以跟偶像佘詩曼合作，「其實我有好多前輩都想合作，好似選港姐時都講過，其中一個係佘詩曼前輩，真係好鍾意睇佢演戲。」原來她亦收到風阿佘會返TVB拍劇《新聞女王》，更趁機自薦，「唔好話合作，有機會可以睇到佢演戲，都係件好榮幸好開心嘅事，其實我都做開主持，扮記者應該可以勝任。」

Cathy樣靚身材正兼有高學歷，完全夠晒資格做女神。

Cathy祝大家「心想事成」，自己可順利跟偶像佘詩曼合作。

《逆天奇案2》展開新單元「龍頭棍風暴」。

《逆天奇案2》昨晚（4月4日）一集劇情講述社團洪勝話事人賀堅（姜大衞John哥飾）打算退隱江湖，賀堅兒子賀永權（林景程飾）和韓耀星（翟威廉飾）欲爭話事人之位，兩雄相爭引起警方高度關注。社團準備舉行祭祠儀式，賀堅命令永權負責運送龍頭棍，豈料期間龍頭棍竟不翼而飛！弄失龍頭棍的永權頓失方寸，發晒茅四處尋找龍頭棍下落，就連貼身手下亦懷疑兼打致重傷。此時情婦Jenny（王嘉慧飾）突然來電表示龍頭棍在其手上，可惜只是一場謊言，Jenny欺騙永權是想逼他與大婆（吳沚默飾）離婚。到底龍頭棍在誰手上，仍然是一個謎團！

劇情講到社團大佬John哥想退出江湖。

林景程同翟威廉係新一屆話事人嘅頂頭大熱。

林景程同翟威廉係新一屆話事人嘅頂頭大熱。

一個足智多謀，一個就勁出位。

一個足智多謀，一個就勁出位。

林景程奉命運送龍頭棍。

林景程奉命運送龍頭棍。

點知龍頭棍不翼而飛，究竟去咗邊？

點知龍頭棍不翼而飛，究竟去咗邊？

林景程整唔見咗龍頭棍，成個人都慌晒，就連自己貼身下屬都懷疑埋。

林景程整唔見咗龍頭棍，成個人都慌晒，就連自己貼身下屬都懷疑埋。

小三王嘉慧呃林景程話龍頭棍喺自己手上，但其實只係想逼林景程同正印老婆離婚。

小三王嘉慧呃林景程話龍頭棍喺自己手上，但其實只係想逼林景程同正印老婆離婚。

景程受訪時坦言能夠與John哥合作感到好開心，他說：「John哥呢種咁傳奇嘅演員演戲，可以近距離感受佢點樣去演一場戲，呢啲機會真係好難得，覺得對演戲嘅人嚟講，John哥真係可以講得上係活寶藏！」景程透露有向John哥請教演戲心得：「我記得未埋位前請教過佢，會用咩方法投入角色嘅感情同點樣控制淚水，佢真係毫不吝嗇咁分享，仲即場示範點樣控制淚水畀我睇，睇佢做好似好容易咁，但實際真係幾廿年功力嚟！同埋John哥分享期間，咁啱導演叫我埋位拍攝，我諗嗰次係我入行以嚟最唔想埋位嘅一次！」

林景程好感恩可以同John哥合作，仲獲對方傳授喊功，認真難得！

景程早前在《下流上車族》與金像影后鮑起靜結母子緣，如今再與亞洲影帝John哥結父子緣，名副其實「影帝影后御用仔仔」，對此景程直言感到十分榮幸：「兩位都係我以前諗都唔敢諗可以合作到嘅前輩，依家仲可以演到佢哋個仔，坦白講呢啲機會真係可遇不可求，我覺得我比好多演員好彩 ，希望未來仲會有呢啲機會啦！」

林景程分別同過亞洲影帝John同埋金像影后鮑起靜結緣，認真令人羨慕。

林景程分別同過亞洲影帝John同埋金像影后鮑起靜結緣，認真令人羨慕。

飾演小三Jenny的王嘉慧（Cathy）亦備受網友注意，身為「東張女神」之一的Cathy，化身性感尤物上演「小三爭上位實錄」，除了講大話逼林景程離婚外，被大婆吳沚默捉奸時，亦不失霸氣與對方拉扯對罵，與平時斯文形象反差極大。Cathy受訪時自爆是《逆天奇案》粉絲，她說：「第一輯係全部都有追睇晒，覺得自己有份參與《逆天2》好神奇，好開心同埋感恩。」演戲年資尚淺的Cathy續指今次角色很有挑戰性：「始終同平時嘅自己好唔同，都會擔心演唔出嗰種效果，所以都有做好多功課，參考其他劇集、電影類似嘅角色係會點樣去做。」

「東張女神」王嘉慧化身進擊的小三。

王嘉慧喺劇中性感火辣，同現實中斯文形象好唔同。

王嘉慧喺劇中性感火辣，同現實中斯文形象好唔同。

講到與吳沚默（Momo）的拉扯對罵戲，Cathy坦言：「一開始其實有啲唔好意思，驚喺拉扯途中會整親對方，但係Momo佢好好，佢鼓勵我放膽去做，Momo好帶到我入戲令到我好投入，所以拍嗰陣完全係冇呢一方面嘅顧慮。」此外，前港姐冠軍謝嘉怡閃現客串幼兒園老師一角，令人大感驚喜。

嘉慧同吳沚默上演拉扯對罵戲。

王嘉慧好感激吳沚默帶佢入戲。

呢場戲，王嘉慧蛇腰可謂搶盡焦點。

靚女港姐謝嘉怡亦有閃現。

靚女港姐謝嘉怡亦有閃現。