《隱形戰隊》六大視帝視后鑽石級陣容 陳山聰降「槍」神技震撼眼球

鑽石級六大視帝視后陣容：陳山聰

鑽石級六大視帝視后陣容：馬國明

鑽石級六大視帝視后陣容：陳展鵬

鑽石級六大視帝視后陣容：劉佩玥

鑽石級六大視帝視后陣容：唐詩詠

昔日好友反目‧笑中有淚
除了有緊張刺激的個案，劇集角色之間的關係亦錯綜複雜，原本是好友兼CTRU戰友的簡曜洋（簡Sir、Ocean 馬國明飾）、喬寶寶（唐詩詠飾）、顧家強（Cool Sir 陳山聰飾）及喬帶囡（囡囡 林子善飾），因為一顆子彈決裂，四人自始各散東西，及後又因為種種原因再次聚在一起……過程除了充滿對立及火藥味，更充斥著濃濃的人情味，劇情笑中有淚，緊張之餘不失輕鬆。

唐詩詠今次同馬國明嘅感情關係相當複雜。

原本佢哋係熱戀嘅情侶。

但因為發生咗一啲事，佢哋反目成為仇人，仲成日針鋒相對鬥Mean鬥個你死我活。

劉穎鏇（左）同劉佩玥（右）今次喺劇入面不約而同大有睇頭。

馬明詩詠第五度演情侶
是次是馬國明與唐詩詠第五度飾演情侶，但依然勁有新鮮感，皆因劇中二人除了過氣情侶，更是歡氣冤家，鬥嘴鬥惡毒鬥至出神入化，更以「人渣」及「死八婆」相稱，水火不容。二人不但關係與以往有出入，就連角色設定亦是前所未有。予人感覺斯文嫻靜的詩詠，經Jazz打造後角色性格越趨剛烈，繼在《鐵拳英雄》及《超能使者》飾演帶點豪氣的機智正義老千及充滿正能量的「Q姨」後，這次再度跳出框框飾演毒舌頭腦型女警，潑辣倀雞講嘢一輪嘴之餘，性格MEAN得嚟又愛打橫嚟講，相當棘手！至於馬國明這次除了繼續熱血內斂專業外，更多了一份不擇手段，觀眾更可一睹馬明難得一見的「流氓」及無厘貴格面。

劉穎鏇喺劇入面經常要埋身肉搏、打到飛起，難怪佢入劇組之前特登抽咗幾個月時間做Gym。

陳山聰喺劇入面係名副其實硬漢子，體能都係達到屈機級數。

原本是好友兼CTRU戰友的Ocean（馬國明）、寶寶（唐詩詠）、Cool Sir （陳山聰）及囡囡（林子善），因為一顆子彈決裂。

劉佩玥同林子善喺劇入面有唔少對手戲。

《隱形戰隊》以警隊中的反恐特勤隊（Counter Terrorism Response  Unit｜簡稱CTRU）及隱形任務戰略部隊（POTT Phantom Operation and Tactic Team）為故事骨幹。

主角玩槍玩到出神入化
將於3月6日正式開播的《隱形戰隊》，日前釋出官方首輪預告片，片段所見，除了精彩緊湊的槍戰及肉搏場面，眾人的造型亦相當吸睛，「雙劉」劉穎鏇與劉佩玥除了坐擁無敵長腿甚有睇頭，還要相當打得，要再度彈出再成熱話絕非難事。觀乎預告，眾主角玩槍亦玩到出神入化，不但個個都揸得有型有款，陳山聰在預告片尾部分的「秒速撥走心口和背脊前後兩支槍」的神技，亦是驚為天人。想知位位主角是如何練成如此好身手？密切留意之後接連發布的宣傳稿。