《廉政狙擊》蔡思貝出場勁「搶」 58歲黎燕珊無懼素顏扮黃宗澤阿媽

蔡思貝：「我係負責搞氣氛。」

由邵氏兄弟及優酷出品，樂易玲擔任總製片人的《廉政狙擊》，逢周一至五晚九點半翡翠台播映，由黃宗澤、吳卓羲、王浩信、譚俊彥、胡定欣、蔡思貝、林夏薇、黃智雯領銜主演，主要演員有陳展鵬、黃智賢、郭政鴻、方力申、高鈞賢、黃子恆、蔡潔、傅嘉莉、羅霖、黎燕珊等。

蔡思貝（曉山）於面試片段中化身Rapper，將個人履歷破格地rap出嚟。

曉山嘅面試片仲將自己打造到「女鐵人」咁款。

開槍、跑步、打拳全部有咁型得咁型。

最後連頌缽都玩埋，真係估佢唔到。

蔡思貝2月21日晚的出場方式相當特別，飾演廉政公署調查主任黎曉山的思貝，熱血及正能量指數全線過晒籠，兼且天馬行空，經常激到拘謹又認真的洛子峰（黃宗澤飾）生蝦咁跳。昨晚劇情講述曉山為了由原本的部門調往廉政公署跟隨譚俊彥飾演的章耀祖，竟自導自演一條超騎呢見工片，見工片段中，曉山可謂施展渾身解數，除了要Rap住兼懶型作自我介紹，又要化身運動達人上山下海兼玩埋射擊，最後更連頌缽都玩埋，相當無厘頭，子峰看畢自然頭都大埋。雖然性格像少了一根線，但曉山也相當英勇，且身手不凡，昨晚臨尾勇救黎學勤一幕，揸槍眼神更是狠中有勁。

黃宗澤睇完面試片「黑人問號」咗。

譚俊彥認為蔡思貝夠破格有guts，守舊思想嘅黃宗澤當然唱反調。

2月21日晚一集繼續有精彩槍戰同動作場面，當中呢幕魚缸被射爆，飾演黃宗澤下屬嘅黎學勤被水沖走拍得相當有張力。

黃宗澤千鈞一髮之際捉住黎學勤。

蔡思貝湊巧路過附近，幾下功夫將疑犯控制住。

最終思貝都係成為咗黃宗澤嘅同事，之後兩個人梗係擦出無限火花啦。

思貝受訪時透露自己在劇中動作場面不算多，反而是負責緩和氣氛及搞笑：「啲劇情成日去到我度就會古怪咗，佢哋話我主要就係負責令觀眾放鬆，還有我的出現，就是要令到性格拘謹的洛子峰生命作出改變，希望大家都鍾意啦。」談到Rap住自我介紹的幕後花絮，以及拍攝時是否很尷尬時，她笑言：「因為導演要求我要Rap到懶有自信，但其實係要Rap得唔好，正所謂『認真做無聊事』，所以拍嘅時候要忍笑；還有介紹頌缽那個腔調，也特意是想令人看到噴飯，哈哈！所以這個是一個幾好玩的角色。」

黎燕珊2月21日粉墨登場，飾演黃宗澤媽媽。

平時打扮亮麗嘅黎燕珊，由於保養得宜，完全睇唔出已經58歲。

黎燕珊話今次除咗素顏上陣，仲要再化老啲，咁先似一位經歷過風霜嘅單親媽媽，仲話認為呢啲係做專業演員嘅基本要求。

約埋蔡思貝黃宗澤煮飯仔
黎燕珊亦同樣於2月21日晚粉墨登場，扮演黃宗澤角色子峰媽媽，更激罕地素顏上陣！平日多扮到靚一靚出席活動的珊姐，完全看不出已經58歲，這次「素顏」反差甚大之餘亦見突破，珊姐對此笑言：「我認為作為一個有要求嘅專業演員，造型非常緊要！劇入面我唔止素顏，我仲要再化老啲！因為我飾演單親媽媽，當中經歷咗好多嘢，所以我必須喺造型上花心思，要似佢哋媽咪先得。」談到保養之道，珊姐說：「冇咩特別，我鍾意做運動、少啲夜生活、食嘢都清淡，我認為運動先係我嘅保養重點！」珊姐又大讚劇中兒子黃宗澤與兒子同事蔡思貝很乖：「兩個都好有禮貌，好錫我，我哋閒時仲有約埋一齊煮飯食添！」

黎燕珊在角色造型上花咗唔少心思。

黎燕珊讚黃宗澤及蔡思貝乖巧有禮貌，閒時更會一齊煮飯食。

黎燕珊保養得宜，佢話自己主要靠做運動去保持狀態！

有TVB「御用靚媽」之稱的黎燕珊（珊姐），獲「醫家健康體檢中心」邀請為荃灣南豐中心第四間分店開幕擔任剪綵嘉賓，珊姐在開幕禮上分享個人保健心得，珊姐說：「除了堅持每日運動，我最重視的是定期身體檢查，因為預防勝於治療，透過體檢可以了解『三高』是否超標，或身體是否出現其他潛在問題，提早發現至可以及早預防。」她透露早前曾接受十二指腸及婦科檢查，「現在仔女已長大，是享受人生的時候，如果因為忽略健康而出現問題，就太不值了，所以做體檢主要希望令自己和仔女安心，冇事就安樂哂啦。」

「醫家健康體檢中心」荃灣南豐中心開幕，邀請黎燕珊出席擔任剪綵嘉賓。

黎燕珊與一眾股東為「醫家健康體檢中心」開幕剪綵，場面熱鬧。

黎燕珊忙於拍劇都抽時間出席「醫家健康體檢中心」。

即場體驗「醫家健康體檢中心」檢測設備

「醫家健康體檢中心」創辦人Erwin Lai聽到珊姐分享，即時畀定心丸表示：「珊姐，由依家開始妳嘅體檢就交畀『醫家』就得，我地保證守護妳健康，年年嚟驗身就唔洗擔心啦。」珊姐更參觀體檢中心設施，了解各項先進儀器，還率先進行簡單檢測，對中心的環境與服務感滿意。她說： 「呢度冇嗰種令人緊張嘅消毒藥水味，環境設計好入屋，唔會冷冰冰，就算一個人來做體檢都唔會心驚驚，好有家庭式感覺。」

黎燕珊分享保健心得。

「醫家健康體檢中心」創辦人Erwin Lai表示由依家開始要守護珊姐健康。

逆齡保健秘訣：定期體檢與堅持運動雙管齊下

一般人都最怕做體檢驚聽到壞消息，但珊姐卻好正面，她鼓勵大家以平常心面對，「唔好諱疾忌醫，人生無常，我們要對自己負責，每年進行一次體檢，或做其他檢測都能讓人更安心。如果能夠及早發現問題，便可對症下藥，預防或治療效果會更好。」除了定期體檢，珊姐更有逆齡秘訣，「日常運動同樣重要，即使拍劇工作日夜顛倒，我仍堅持每天早上跑步半個鐘，這個習慣已維持十多年，跑完步整個人氣色都好，健步如飛，感覺非常好，連仔女都讚我有讚我好自律與堅持。」

黎燕珊一向注重健康，所以必會年年驗身。

與汪阿姐首度合作《風華背後》大讚阿姐好貼心

最近珊姐亦忙於開工，身兼兩劇《風華背後》與《璀璨之城》，在《風華背後》與汪阿姐（汪明荃）及蔡少芬首次合作，劇中她飾演大宅管家，拍攝地點徧遠，不時前要到大嶼山拍攝外景，她笑言：「我們拍的大宅位於禁區，出入需申請禁區紙，所以基本上都要等埋大隊出入，但汪阿姐好多時都會關心問其他演員是否有場口再等埋位，如果冇就叮囑安排其他演員先行離開，真的好貼心。」除了拍劇集，談到舞台劇《雷雨》亦開始籌備巡演安排，因為要配合各演員，預計農曆新年前才展開大灣區巡演，屆時將由原班人馬再度登場。

「醫家健康體檢中心」創辦人Erwin Lai感謝珊姐黎燕珊忙於拍劇亦為開幕擔任嘉賓。

「醫家健康體檢中心」進軍內地醫療市場

同時「醫家健康體檢中心」創辦人Erwin Lai開幕致詞更宣布公司將於年底正式進軍內地市場，首間廣州分店即將開幕。他表示：「我們一直秉持『服務市民、預防勝於治療』的理念，希望更多人能夠關注自身健康，活得更安心。廣州分店預計於年尾開業，期望為更多市民提供優質體檢服務。」

黎燕珊即時測血壓正常,果然夠健康。

黎燕珊見到測試指數正常梗係安樂哂。