陳豪談跟陳茵媺維繫感情秘訣 全靠「透明」兩字

阿Mo在《新四十二章》有場街舞戲，相當搞鬼。

《新四十二章》中，阿Mo跟譚凱琪的裸泳戲，交代他連底褲都除埋，成為熱話。

抗拒同老婆成日合作

入行29年，阿Mo仍想不斷挑戰自己，談到早前夫妻檔合拍新劇《羅密歐與祝英台》，他承認好唔慣亦有點抗拒，「我哋私底下以真實對話去講嘢，角色講嘅嘢唔同我哋平時講嘅嘢，即係帶住面具講嘢，會有少少唔習慣。」雖然過程愉快，但阿Mo唔希望再有下次，「我哋不嬲都冇拗撬，工作更加冇𠻹！但我覺得夠㗎嘞！我同老婆嘅關係比較需要去保護，同埋太多合作觀眾都會膩，亦難分別現實定戲劇世界，Aimee都想追求夢想，應該多啲同其他演員合作會好啲。」阿Mo透露Aimee會放低工作回歸家庭，除非遇到好合適劇本。

阿Mo跟Aimee合作《羅密歐與祝英台》，他承認好唔慣。

阿Mo不介意公開家庭生活情況，反而更得觀眾歡心。

放假至6月的阿Mo，繼早前一家五口去泰國度假後，亦將重啟因疫情冇去4年的二人世界之旅。他承認跟太太單獨相處很重要，「每個家庭父母子女係一個關係，夫婦係另一個關係，要花時間精神先可以維繫到，唔維持會不斷下滑，一定要拍吓拖，令兩個人關係更好。」維繫方法包括過時過節必需互送禮物，「呢個係唔變得，花同禮物係分開㗎，哈哈！唔係禮物貴定平，心意同出發點緊要啲，想感情維繫得好大家都要付出。」

趁住放假，阿Mo即跟家人去泰國享受開心假期。

過時過節阿Mo都必定會跟Aimee去拍拖，情人節當然唔例外。

做返自己活得好開心

除了二人世界及互送禮物外，阿Mo認為維繫夫妻感情，首要切勿破壞關係，「好簡單鬧交受到攻擊，嬲就會反擊，講啲攻擊性說話，向佢弱點係咁『銳』落去，呢啲咪會破壞關係，我同Aimee從來唔會發生呢樣嘢，要冷靜保持溝通，反而站喺對方立場盡量去諒解、包容，溝通就唔可以避免，透明真係一樣好重要嘅嘢，千祈唔好保留任何秘密，所有嘢一定要透明。」他跟Aimee每日都會互相「報告」經歷的大小事，「總之大家愈透明就愈好，等如做藝人都一樣，要快手畀觀眾知道你係一個咩人，自己又覺得開心啲，會free好多，男女朋友關係都一樣，你愈保持秘密，對方同你嘅隔膜會慢慢增加。」

阿Mo提提大家，送花之餘，送禮物都是必須的。

近年阿Mo已成為Aimee的御用攝影師，性感相都由他親自操刀。

阿Mo承認「透明」這一招，是他跟Aimee成功入屋，儲落大量觀眾緣的主因，「我覺得藝人都千祈唔好塑造一個偶像畀觀眾睇，因為偶像係會穿㗎！哈哈！當佢哋發覺偶像同真人唔一樣，仲唔穿崩？！你可以hold得幾耐先，𠵱家觀眾睇藝人要知道晒全部，鏡頭以外係點樣，基本上係睇晒你嘅人生，係冇得避嘅，你愈早做返自己，你咪可以過得好啲囉！我哋free咗好耐，之前我哋好擔心公開細路仔個樣，到我哋拋開呢個思想仲開心。」所以他在街上遇到粉絲求合照，絕對來者不拒，「人哋想同你影相，因為唔知幾時再撞到你！冇乜所謂啫！」

新年期間Aimee跟朱凱婷聚會，已成為老婆御用攝影師的阿Mo教後者老公揸機。

阿Mo爆6歲細女Camilla 比媽咪更貪靚，仲有偶包，影得唔靚會嬲豬。

富有默感的阿Mo，自言最愛演喜劇。