譚永浩同鄭子誠勁有火花！
由陳維冠（Joe）監製、鄭成武編審的《G-NiiB 微生態配方特約：新四十二章》，逢周一至五晚八點半翡翠台播映，主要演員有陳豪、龔嘉欣（Katy）、鄭子誠、江嘉敏（Kaman）、周嘉洛、鄺潔楹（Judy）、譚凱琪（Zoie）、糖妹（黃山怡）、林景程及易宇航等。
點擊看圖輯
施單雖然係反派角色，但因為好易信人又忠心，網民其實都好鍾意佢。
龔嘉欣每次打戲網民都話正。
衛志豪咁樣畀人打飛出去，可想而知呢個威也幾甘。
呢個地裂場面好震撼。
衛志豪今次呢個角色好有發揮。
呢場「暗器VS手槍」嘅亡命追逐戰，獲讚有睇頭兼刺激。
施單最後死於亂槍之下。
無論表情同鏡頭處理，都令人發出會心微笑。
譚永浩同鄭子誠勁有火花，尤其恍如流住瘋狂的血嘅永浩，更加獲網民讚好好笑。
呢單嘢真係夠晒天馬行空。
譚永浩近年演出屢有突破。
施單雖然係反派角色，但因為好易信人又忠心，網民其實都好鍾意佢。
龔嘉欣每次打戲網民都話正。
打戲交足功課
盛傳將每集死一個角色的《新四十二章》，2月24日晚「領便當」角色為施單（衛志豪飾），劇情講述施單因為吃了天山雪蓮、臉上的白蝕Level up，不但全身皮膚變白兼一嘢白髮，功力亦大增。因受Frances（譚凱琪飾）「誤導」找螢嬌（龔嘉欣飾）報仇的他，與阿嬌大打一輪後發現受騙，遂轉移目標找回Frances報仇，其間卻誤傷章經（陳豪飾），並死於Ronald（吳子冲飾）及白衣戰隊亂槍掃射下。衛志豪今次雖然飾演反派，但由於角色性格單純、忠直有義氣兼帶點呆萌，加上每場打戲交足功課，成功吸獲一定正評，昨晚不少網民直呼不捨施單死掉：「咁快死」、「幾好武功都敵唔過子彈」、「施單好傻好可愛好慘」、「我都幾鍾意呢個反派」、「一個可憐可惡又幾可愛的壞人」。
衛志豪咁樣畀人打飛出去，可想而知呢個威也幾甘。
呢個地裂場面好震撼。
衛志豪今次呢個角色好有發揮。
譚凱琪獲讚有型
對於網民正評，衛志豪受訪時直言感激監製Joe賜予角色及網民支持，他說：「好多謝大家鍾意，拍呢套劇係真係辛苦嘅，最後嗰個白化造型，由頭到腳上妝要成三個幾鐘，落妝要係咁捽係咁捽，都係咁甩皮，但就係因為個造型咁突出，觀眾先有記憶點，所以好多謝監製咁有心思。今次真係打得暢快，雖然辛苦受傷在所難免，但出嚟效果好乜都值。」同場做「神槍手」的譚凱琪，則獲讚有型有款，網民更指希望她將來可多向動作戲發展。
呢場「暗器VS手槍」嘅亡命追逐戰，獲讚有睇頭兼刺激。
施單最後死於亂槍之下。
2月24日晚搞笑位落在另一維度身份是公公的一算（鄭子誠飾）身上，為了開啟潛藏武功扭盡六壬的一算，其間遇著醉心研究武術的「電腦奇才」勝基（譚永浩飾），可惜其辛苦得來的武功秘笈原來是假貨，心有不甘的勝基之後帶一算殺上天台「飛越十八層」企圖逼出潛能，結果一算竟得償所願一飛衝天鶴立電橙柱，有樣學樣的勝基則嚴重跌傷送院，劇情貫徹天馬行空作風。由於永浩與子誠演出極有默契兼極度搞笑，不少網民留言指好正，讚子誠之餘還讚永浩有喜劇感：「呢單覺醒好好笑」、「最搞笑係扮東方不敗（譚永浩）嗰個」。
無論表情同鏡頭處理，都令人發出會心微笑。
譚永浩同鄭子誠勁有火花，尤其恍如流住瘋狂的血嘅永浩，更加獲網民讚好好笑。
子誠：我真係搞唔掂
其實2月24日晚一集只是子誠一個開始，他在下周結局周將夥拍江嘉敏及鄺潔楹等打到飛起，更會展示空中翻騰絕技。子誠受訪時透露自《超時空男臣》後，已有多年沒有吊威也，並謂相比起同劇後生女，自己只是小兒科：「江嘉敏、糖妹同龔嘉欣佢哋吊到天花龍鳳，我只係吊上吊落，佢哋又打橫又轉圈又盛，我真係搞唔掂。」子誠續指自己屬手腳唔協調類型，經常氣壞武指：「我冇乜武術根底，如果要打功夫，我次次都係激到啲武指生蝦咁跳，好簡單嘅動作我都冇台型出到嚟。拍動作戲亦算係挑戰我體能極限，年紀大咗個極限真係愈嚟愈低。」
呢單嘢真係夠晒天馬行空。
譚永浩近年演出屢有突破。
