吳兆麟驚女士儀式感多過戴綠帽？Susuca預告白色情人節「兔女郎look」誘男友

大家白色情人節又會點過呢？

J2《不正常愛情研究所》3月9日播出一集的主題是「男士的理想慶祝活動」，今集新加入《CP訓練營》學員伍倩彤（Gillian）做主持，一開場問到各主持，覺得什麼是「男人最痛」？女士普遍認為「戴綠帽」是必然首選，想不到男士卻另有見解，文頌男（Koba）覺得無窮盡的慶祝，先是男人最驚。

（左起）Alan、Gillian、Karen、Jojo、Koba同Susuca擔任主持。

今集新加入主持Gillian。

Gillian透露白色情人節會將合照輯成相冊做禮物。

Gillian認為儀式感重要，但不宜太多。

Gillian同Susuca分別估男人最怕戴綠帽。

Gillian同Susuca分別估男人最怕戴綠帽。

吳兆麟（Alan）則被女士的「儀式感」嚇怕，似乎甚於「戴綠帽」。Alan提到特別是情人節的儀式感，最令人吃不消，他說︰「男仔最怕女仔儀式感，要慶祝呢樣、慶祝嗰樣，我唔係搞活動啲PR，邊度搵個儀式感畀你呀。總之情人節你就要送嘢，就係頭痕嘅地方，都唔知邊度book餐廳、送啲乜嘢。對男人嚟講，情人節好似sem（semester）考試咁。」他笑言爭在未要做annual review，估女朋友想收什麼禮物，他似乎受過其害。

Alan自言最怕女友的儀式感。

Karen在白色情人節會回禮朱古力給男友，被Alan笑「好hea」。

Alan接受訪問時笑言緣於以往情人節都在外國過，他說︰「冇拖拍比較lonely，所以好多時情人節都選擇返工。當有女朋友時情人節要使好多好多錢，你知香港人好似做marketing咁，當business咁做，所以情人節都會大出血。有女朋友銀包出血、冇女朋友就心靈出血。」

Susuca認為送男生驗孕棒或者求婚戒指作禮物，是很得人驚的暗示。

Alan被Susuca送出的兩樣「禮物」，嚇到面青。

節目中話題好快轉到3月14日的白色情人節，估不到一向公主上身的麥惠琪（Susuca），都有自知之明，她說︰「知道平時男朋友湊我都已經好攰，所以嗰日會同佢食餐飯，book間酒店去泳池chill下飲嘢，跟住返房休息。」她透露會準備一件性感衫仔，給男友派福利。她預告會配合今年生肖，化身性感兔女look出現。

Susuca侃侃而談會在白色情人節變裝娛樂男友。

不過，心水清的黃紫恩（Jojo）突破「盲腸」，她問Susuca︰「咁你之前著過啲咩sexy內衣呢，好想知喎 ？」面對Jojo直線抽擊，搞到Susuca面紅口啞不知所措，在連番迫供下，最終被迫含羞回答，想知道答案？當然要留意《不正常愛情研究所》。

Jojo心水清問起Susuca過往穿過什麼款式性感內衣讓男友欣賞。

Susuca面對Jojo尖銳問題，即時變得不知所措。

其實「公主病」的Susuca亦有溫情一面，她話有次情人節，主動提出跟男友媽咪一齊過，她解釋話︰「嗰年情人節前，啱啱男友爹哋唔喺度，所以提出同埋auntie一齊過。男友之後好感動多謝我。」

Susuca

各主持跳出錄影廠，到訪各主持的家居，揭開他們「behind the scene」私人一面。

周四晚10點05 J2（82 台）播映的清談節目《不正常愛情研究所》，已圓滿播映完畢。緊接播出「番外篇」，各主持跳出錄影廠，到訪各主持的家居，揭開他們「behind the scene」私人一面。18日播出《不正常愛情研究所》「番外篇」最後一集，今集黃紫恩（Jojo）與陳國麟（Doniven）將潛入《聲夢傳奇2》出身的主持金永衡（Kim）的豪宅作近距離直擊。Kim家居為一梯一伙設計面積非常大，Doniven與Jojo一踏入家門，就被金碧輝煌的裝修吸引。大廳放滿水晶及古董陳設，天花板一盞豪華水晶燈非常亮麗，Jojo笑言仿如到訪皇宮。Kim帶二人參觀時透露母親喜歡閃亮擺設，所以裝潢都是閃閃發亮，連相架都鋪滿水晶。Kim又爆母親喜歡整潔，搞到自己跟哥哥都不喜歡在大廳逗留，他解釋︰「媽咪要好整齊，出到廳我同哥哥都放鬆唔到，唔係好歎嘅地方。」

Jojo與Doniven到訪Kim家居。

Kim屋企為一梯一伙設計，Jojo形容豪華如皇宮。

Kim屋企裝修豪華。

Kim媽咪喜歡閃亮擺設，所以大廳跟客廳都非常blingbling。

大廳放滿Kim一家人的照片。

Kim在節目中自爆早於半年前已搬走，跟女友Karina在外築愛巢同居，今集女方大方出鏡。不過Kim原先打算分享二人浪漫史，但他「開口夾著脷」，劇情變成大迫供。話題先由Kim飲醉酒跟Karina相識，到二人同居分擔家庭開支、照顧貓咪等逸事開始。之後話題轉到Kim擔任主持工作，Karina直言很少看男友的節目，她解釋說︰「有時會睇到佢預備啲講稿，見到啲topic就已經唔想睇，我會介意囉。」接住開始Kim全程感受到「死神來了」的壓力。Doniven搶先為好友解畫，但越描越黑︰「節目入面佢講『好仰慕暉哥（林映暉）』，全部係節目效果……」話口未完明顯見到Karina已面色一變，接了說︰「No,no,no，嗰日佢先講完『眼女只有暉哥』，我真係𢲷晒頭……」死神再次降臨，老友Doniven再出招解釋是監製寫舉牌，迫Kim講「我love暉哥」搞氣氛。

Karina不停找男友錯處

Doniven跟Jojo不停為Kim護航。

本以為事件告一段落，豈知臨近節目尾聲，Kim自彈自唱節目插曲，原本以為氣氛會變融洽，不料Karina執住男友寫的歌詞，大興問罪之師說︰「我睇咗啲歌詞想揼佢添啦，『每次返屋企剷訊息，只想關係好一些』，我又問佢你有喺屋企剷訊息咩？」一旁的監製忍不住出手，表示是指嘉賓剷訊息。其後講到歌詞牽涉到「外賣店」，Kim不知死活的解釋「食完住家飯多，得閒都要食下外賣……」，嚇到Jojo同Doniven再度出手拆彈，過程絕對精彩。

Karina質疑Kim寫的歌詞「別有用心」。

Kim一句「眼裏只有暉哥」，令林映暉趟着中槍。

節目剪輯Koba擔任主持的片段。

節目剪輯Koba擔任主持的片段。

節目剪輯Koba擔任主持的片段。