不堪鄰居嘈音滋擾 港男出奇招走廊貼滿大字報終解決

你又有無遇過麻煩鄰居?

香港人煙稠密，鄰居與鄰居之間很多時只有一牆之隔， 要是遇著麻煩鄰居作出滋擾，日常生活必定大受影響。近日就有一網民於社交平台發文，指樓上鄰居經常發出嘈音，他曾嘗試登門勸喻，但沒有效果，於是他於樓上走廊及門前貼滿大字報提醒，及後該鄰居真的沒有再發出嘈音，令事主找回「深層次優質睡眠」。網民都對事主此舉讚口不絕，惟有人亦擔心事主觸犯法例。

網民於Facebook群組「樓上嘈音大聯盟（香港）」發文表示自己被樓上鄰居嘈音滋擾。

該網民於Facebook群組「樓上嘈音大聯盟（香港）」發文表示自己被樓上鄰居嘈音滋擾，事主曾「上去做個家訪」，並「同佢講你哋好嘈可唔可以靜啲？」，豈料「靜咗一排，早兩日開始又來料」，於是他事先預告「今晚收工上去同佢寫大字」，及後他再發一文上載兩張相片，相片顯示走廊及鐵閘上均貼上數張以A4紙製的大字報，內容為「xxxx室，11點後，請勿製造噪音」，更形容此舉為「LV1」即level 1第一步。事主更補充指「本身我想用黑色底紅色字，仲加上請安靜勿誤」，後來又改變主意「但係為咗啲無聊人偏彩色，有啲唔合乎經濟環境效益」。

事主於走廊及鐵閘上均貼上數張以A4紙製的大字報。

網民紛紛留言，有人問八卦問道「LV1 係呢招， LV2,3,4,5,6 …係？」；不少網民表示同情及讚賞樓主的行動「一定係好乞人憎！嘈得好緊要」、「支持樓主，一d都唔過份，比人嘈過既一定知有幾慘」、「做得好，全層樓知道，全區知道」、「勁，呢d就真係做野喇」；不過就有網民擔心樓主觸犯法例「小心，屈你刑事壞都得」、「咁樣貼紙，如果對方報警，會唔會犯法？對方有鏡頭影到 」；然而樓主一於好少理「我呢啲溫馨提示」、「影到仲好㖭呀」。更揚言「做咗衰人太耐，我想用正當嘅手法去玩謝佢」。

大字報內容為「xxxx室，11點後，請勿製造噪音」。

事隔一天樓主再出文指「琴晚冇噪音發出深層次優質睡眠」，看來樓主的行動頗有成效。網民都紛紛表示恭喜，希望樓上鄰居不再擾人清夢「恭喜晒」、「希望日日如此」、「掂啦，但留意多幾日」、「有啲人硬係要全世界都知先肯收手，不過肯收手已經算好」。

事主終於有覺好瞓「琴晚冇噪音發出深層次優質睡眠」，網民表示恭喜。示意圖

帖文來源：Facebook群組「樓上嘈音大聯盟（香港）」

有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！

示意圖。AI生成圖片

樓主驚覺險跌「掉錢包陷阱」

網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。

地上有一個銀包，卻似是被人刻意地展露了一大鈔票，當中有幾張500及100元港幣。FB圖片

銀包刻意展露了一大疊鈔票

於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。

示意圖。AI生成圖片

網撐：建議見錢銀一律唔好掂

帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。

網上圖片

跌錢黨原來已有三十年歷史

亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。

網笑：一腳就踢銀包落櫃底

有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。