曾遇襲右手好返8成畫水墨畫自癒 任達華放手畀18歲愛女入行

華哥表示：「女大女世界，就算係彎彎曲曲嘅路都要自己行出嚟，佢想點行我都會支持佢。」

學咗半年水墨畫的「影帝」任達華，送上自家畫作「生機勃勃」及「涅槃重生」畀所有人，畫中描繪一個穿着粉紅短裙的高妹於雪地上翩翩起舞，靈感來自最愛粉紅色的太太琦琦及擁有逆天長腿的18歲乖女任晴佳（Ella），喻意凡事沒有不可能，事情總有高高低低，艱難日子經已過去，鼓勵大家有正能量要向前。另外，華哥自爆開綠燈畀Ella入行：「個女大喇，有佢自己諗法，交由佢自己決定。」

67歲嘅任達華多才多藝，係活到老學到老模範。

喺繪畫過程中，華哥全情投入走進瘋狂嘅幻想世界。

為畫作「生機勃勃」中枝葉添上色彩。

之前華哥在《滬港水墨藝術巡展2022》中展出兩張以「元」為主題的水墨畫作，畫出自己想像中的外星人模樣。從小喜愛水墨畫嘅華哥，疫情期間畫了約30多幅作品，更打算今年舉行處男畫展。

之前華哥在《滬港水墨藝術巡展2022》中展出兩張以「元」為主題的水墨畫作。

華哥創作中嘅外星人，有眼睛識用眼神同地球人溝通。

華哥全情投入其幻想國度，畫出元宇宙太空世界。

華哥用大半個鐘頭畫出水墨畫「生機勃勃」及「涅槃重生」獲老師黃家偉（Owen）激讚層次感豐富，抽象化同時能突出個人風格，入面肌理相當精彩，尤其最喜愛選用的色彩。華哥說：「繪畫好似打乒乓球咁會全情投入，過程中乜都唔諗，遊走墨與墨之間。」問到家人對其畫作有何評價？華哥強調只要開心就得：「都係自我陶醉啫，繪畫及演戲仲有好大嘅學習空間，世界太大要Keep住增值。」他又笑指先跟外星人溝通，下一步才畫家人。原來華哥是受郭富城感染下畫水墨畫：「其實之前都想畫，但一直冇時間，機緣巧合下同城城拍戲，由佢介紹老師畀我學習技巧，明白最重要係隨意創作。」

華哥受郭富城感染畫水墨畫，兩人請教同一位老師。

華哥說：「繪畫好似打乒乓球咁會全情投入，過程中乜都唔諗，遊走墨與墨之間。」

華哥獲老師黃家偉激讚有創作天份。

華哥於2017年曾自資推出第三本攝影集《香港．別的風景》，表達「我愛香港」訊息。

華哥用咗大半小時畫出水墨畫「生機勃勃」(左)及「涅槃重生」(右)。

提到華哥於2019年7月在中山出席活動時遇襲受傷，右手4指受傷嚴重，需進行兩次手術接駁神經線。問到舊患可有影響畫畫？華哥坦言有，繪畫其中一個原因用來療癒：「𠵱家右手未能夠百份百康復，最多好得返8成，隻手係會比較硬，但我覺得人喺最痛苦，最唔開心嘅時候，可以自娛調整自己，創作一啲屬於自己嘅嘢，之前唔開心嘅嘢要忘記佢，要向前諗。𠵱家我會好積極，用唔同嘅方法令隻右手可以靈活啲，除咗畫畫，仲有自小學後都冇玩過嘅乒乓球，唔止對手，希望訓練到左右腦都可以靈活啲。」

3年幾前喺中山遇襲，華哥右手傷勢仍未百份百康復。

華哥用唔同方法訓練受傷的右手，包括打乒乓球。

華哥好鍾意影相，冇大機喺手都會用手機捕捉靚景。

另外，之前《東周刊》拍到華哥偕琦琦相約內地藝人黃渤飯敍，華哥否認為愛女鋪路入行，但承認會保持開放態度，交畀年滿18歲的Ella決定將來路向：「我對佢係放鬆咗，個女大個有佢自己嘅想法，作為爸爸唔會畀任何意見。」不過，華哥補充指囡囡鍾意讀書，暫時未有具體演出大計。問到可會同愛女約法三章？甚至做埋佢經理人？華哥強調唔使：「女大女世界，就算係彎彎曲曲嘅路都要自己行出嚟，佢想點行我都會支持佢。」

華哥及琦琦舉行生日派對，賀寶貝囡囡18歲生日。

18歲的Ella青春無敵，被網民推舉為「最美星二代」。

18歲的Ella青春無敵，被網民推舉為「最美星二代」。

18歲的Ella青春無敵，被網民推舉為「最美星二代」。

18歲的Ella青春無敵，被網民推舉為「最美星二代」。

18歲的Ella青春無敵，被網民推舉為「最美星二代」。

18歲的Ella青春無敵，被網民推舉為「最美星二代」。

一家三口感情好好！

由羅永昌、劉順安執導，陳文強、馬焱等編劇的劇集《Return關節筋肌配方呈獻：守誠者》，逢周一至周五晚8點半翡翠台播映。領銜主演：陳小春、任達華、李治廷、韓雪；特別主演：何潤東；主要演員：熊黛林、李麗珍、黃嘉樂、張國強等。

任達華帶珍妹遊電車河，好似當年二人拍拖咁。任達華仲回味嗰陣珍妹「靚絕華富邨」！

昨晚（25日）劇情提及，Car 3成員執行任務期間，駐守警車的車長趙紹棠（任達華飾）期間發現妻子紅姐（李麗珍飾）茫然走在大街上，愛妻心切的棠哥不惜違反規定，落車想帶紅姐回家，但沒有按時服藥的紅姐已認不出棠哥，圍觀人群更乘勢起哄，幸何浩輝（陳小春飾）等人及時趕到，為棠哥夫妻解圍。其實自劇集播出以來，任達華和李麗珍這對夫妻相愛的場口一直受關注，紛紛讚賞任達華對珍妹關懷備至，堪稱「絕世好老公」。昨晚（25日）一集亦有二人甜蜜相處場口，任達華帶珍妹遊電車河，兼讓珍妹品嚐二人昔日拍拖時最愛的雞蛋仔。同樣深愛老公的珍妹亦趁機向任達華道出甜蜜話：「唔好成日以為我乜都唔記得啦...我個個都唔認得，都認得你！」𠱁得任達華連讚珍妹三次：「叻嘞！」簡直Sweet爆！

知珍妹鍾意食雞蛋仔，任達華仲專登買嚟𠱁珍妹。

知珍妹鍾意食雞蛋仔，任達華仲專登買嚟𠱁珍妹。

任達華為珍妹預備一個月飯餸
其實任達華在劇中的寵妻行為多不勝數。早前接到護送戈登【Mike隋（隋凱）飾】到機場的任務時，任達華知道任務危險，怕自己若不幸出事，珍妹不能自理，因此預備好飯餸，更貼心提醒紅姐叮熱飯餸和準時服藥。面對紅姐擔心，華哥醒目迴避，只表示怕工作晚了而不能及時回家為紅姐煮飯，貼心照顧紅姐情緒。其後任達華和珍妹前往拜祭亡女，珍妹再次憶起亡女而悲從中來，任達華再次拋出愛妻Bite安慰珍妹：「觀音可憐我，特登留你喺我身邊」。

之前任達華知道自己要做危險任務，驚自己萬一出事冇人照顧珍妹，所以預先煮定一個月飯餸畀珍妹。

之前任達華知道自己要做危險任務，驚自己萬一出事冇人照顧珍妹，所以預先煮定一個月飯餸畀珍妹。

李麗珍放下女神形象  淡妝+花花裙演活顧家師奶
任達華寵妻行為甜到漏之外，在劇中飾演患有阿茲海默症婦人的李麗珍同樣是焦點之一。更獲網民盛讚：「老妝化得好自然」、「細微動作做得好似樣」。事實上李麗珍為呈現師奶Look，在造型裝扮上確是花費不少功夫，淡妝上陣配招牌花花連身裙，將顧家師奶角色完美呈現。

珍妹依然好掛住阿女。

任達華𠱁番珍妹。

留意吓珍妹用力咬雞蛋仔呢一吓，真係好似小朋友食嘢咁。

李麗珍「小朋友表情包」大放送
昨晚一集，珍妹自知因沒有乖乖服藥，令任達華擔心自己，更因此惹禍上身，非常後悔，先低聲下氣詢問任達華有否因此被照肺，然後再表示自己會乖乖地吃掉所有藥。面對任達華如家長般的「訓示」，珍妹像小朋友般扁嘴點頭，然後當聽到任達華表示叫外賣吃晚餐，珍妹即時露出如同小朋友般的純真單純微笑，非常入戲。

珍妹仲有其他扁嘴，猶豫眼神。

任達華家長式「訓示」珍妹要乖乖食藥，珍妹喺任達華面前變咗一個小朋友咁款。

任達華家長式「訓示」珍妹要乖乖食藥，珍妹喺任達華面前變咗一個小朋友咁款。

第9集預告：棠哥向何Sir剖白陪伴紅姐心聲
今晚（26日）播出的第9集，棠哥將向何Sir坦白自己希望多陪伴紅姐的心聲，慨歎紅姐情況只會變得越來越差：因此希望退休後將全部時間用來照顧紅姐：「趁佢（紅姐）記得番我，我可以多啲陪佢」，更乘機勸何Sir：「趁你老婆同阿仔喺度，好好珍惜！」事實上何Sir亦因為見到棠哥對紅姐啲體貼照顧而有所反思，盡力挽回和妻子蔡卓欣（熊黛林飾）的感情。到底何Sir和妻子關係會有什麼改變？棠哥和紅姐又會經歷什麼，萬勿錯過。