Lucy請食特製「加料」早餐 張敬軒主動唱歌慘被「派檸檬」

Lulu真係好可愛～

《軒公敲碗》第二季第三集找來深受網民歡迎的星二代李元元（Lucy）任嘉賓。軒仔大宅頓成「託兒playgroup」，軒仔亦化身「Lucy sitter」，二人互動笑料百出，影片上架未夠二十四小時，便瞬即登上熱門影片第一位。

《軒公敲碗》第二季第三集的喜賓是Lucy李元元。

觀看相關影片按連結：https://youtu.be/jtwwCIAfdgk

軒仔為「Lucy一日託兒服務」設計了多項活動，包括化妝、襯衫、由Lucy親自為軒仔設計的早餐、Bedtime Story及吹氣球。為了盡快跟Lucy混熟，一切由女孩子至愛的扮靚開始，雖然Lucy表示自備了指甲油及眼影，但亦嘗試用軒仔預備了玩具化妝套裝為Lucy化妝，軒仔先用Lucy自備的粉紫色的眼影，不過顏色作淺，Lucy便選擇軒仔化妝盒的綠色閃閃眼影，一望塗上綠色眼影的Lucy，軒仔即忍不住笑，「我擔心你阿媽以為我虐待你。」隨後又謂不如再塗上一層藍色眼影，塗完後一望鏡，軒仔再次忍不住大笑，軒仔問Lucy喜歡這個色的眼影時，一臉天然呆的Lucy小聲說：「都鍾意。」十分搞笑。

影片截圖

影片截圖

影片截圖

影片截圖

到襯衫環節，軒仔又準備了多條公主裙，見到Lucy挑選衣服時，軒仔大讚，「佢係好知道自己想要啲乜嘢，我覺得佢都幾成熟，同埋好有手尾，佢係自己會執番整齊啲嘢，呢啲真係好少見呀而家啲小朋友。」

影片截圖

去到整早餐環節，台上擺滿各式各樣的食物，包括橡皮糖、薯片、粟米粒、菠蘿、麵包、茄汁豆、蛋、益力多、爆谷等，軒仔問Lucy會為他弄一個怎樣的早餐，Lucy立即指着橡皮糖，隨後再加多一次橡皮糖，然後再把薯片、粟米、蛋全都混在一起，Lucy一邊興奮地「加料」，旁邊的軒仔邊搖着頭邊笑道：「我同早餐都係冇乜緣份。」

影片截圖

當Lucy指着要加益力多及茄汁豆時，軒仔立即「眼都突」，更說：「食完肚屙都似。」又問Lucy：「你知唔知我陣要食咗佢㗎？」Lucy點頭並謂：「特登。」軒仔立即失笑並邀請Lucy跟他一起吃，Lucy反應超快地拒絕：「唔駛。」全場立即爆笑，不過最後他亦十分「俾面」，瞇着眼吃了一口「Lucy早餐」，絕對勇氣可嘉。

影片截圖

影片截圖

最後，輪到Bedtime Story，軒仔耐心地說了多個小故事，不過活潑的Lucy卻騎着玩具獨角獸跑跑跳跳，一動一靜的畫面相映成趣。節目最後播出二人閒聊片段，軒仔問十分喜歡MC的Lucy喜歡自己還是喜歡MC，Lucy表示兩個都喜歡，軒仔便對着鏡頭擺出自信滿滿的表情，隨後他又謂唱歌給Lucy聽時，Lucy再度呆呆的說：「唔駛啦。」當眾請軒仔「食檸檬」，難怪一眾網民表示：「軒公遇上對手了! Lucy完全無面俾」、「應該無乜人係咁派檸檬俾軒公，好好笑」、「竟然張敬軒出到聲話唱隻歌畀佢聽，都會有人話唔好。」

影片截圖

網民留言

網民留言

洪嘉豪演唱會來到尾場，張敬軒現身做嘉賓

洪嘉豪《保誠保險呈獻 洪嘉豪 Kaho Live 2024》演唱會來到尾場，張敬軒現身做嘉賓，並且送上大禮，為他報讀了美國知名音樂學院 Berklee College of Music 一年的音樂線上課程，令嘉豪(Kaho) 又驚又喜，坦言會努力去修讀，不令軒公失望。

洪嘉豪《保誠保險呈獻 洪嘉豪 Kaho Live 2024》演唱會來到尾場

14日晚演唱會來到尾場， Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動，氣氛是由一開場已經hit爆，當軒公升台出現時，更把全場氣氛推上最高潮，叫喊聲核爆紅館，兩人合唱了《青春告別式》 +《 逆時車站》之後互相擁抱， Kaho 向軒公表示，「軒哥，我真係好多謝你，做人嘅嘢，講得出做得到，上次我話我上到紅館我會請返你，我做到啦！」軒公 :「  我從來冇質疑過！」全場即報以熱烈歡呼及掌聲。

Kaho 經過第一場的經驗，第二場狀態大勇，全晚表現非常精彩，又跳又唱又跟歌迷互動

與fans互動！

氣氛是由一開場已經hit爆

張敬軒現身做嘉賓

上次我話我上到紅館我會請返你，我做到啦！」軒公 :「 我從來冇質疑過！」

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了，「嗰個放左學嘅波牛，來搵佢媽咪(軒公前經理人)收工，同我一齊食飯嘅佢，今晚已經係男神一樣。今日重同我講話自己好驚好震，但一升台佢就已經Prince Charming 咁啦，係咪？」全場報以熱烈歡呼認同聲音。

軒公向大家表示，由細睇到 Kaho大，剛係台下看著他演出，人生第一次感覺由細見到大的小孩子，真的長大了

軒公又話，「唔知幾時開始，去紅館做嘉賓，呢幾年興送禮，今日我都帶咗份禮物嚟，既然你成日話我似你哥哥，做哥哥就梗係要供書教學，所以我幫你安排咗個學位！」此語一出，不單 Kaho嘩然，全場亦跟著嘩嘩聲。軒公繼續道，「喺我人生之中，我覺得最大最大遺憾係我冇好好讀書，讀唔到大學或者一啲我鐘意嘅藝術課程、平面設計呀咁，所以我幫你報讀咗... 呢間學院嘅online課程！全場即報以大笑及掌聲歡呼， 軒公: 「我從來冇諗過呢個係笑位....哈哈，呢件係真事嚟㗎！」你哋唔好笑，我好認真㗎，呢個課程係有証書㗎！上堂時間係2024年秋天！亦都唔會擔誤到你幕前工作，因為上堂時間係美國時間，香港凌晨！」然後把報讀課程的報名認證文件給Kaho看，又說，「你睇下個銀碼，係咪似八位數字....」Kaho及全場都即時嘩嘩聲，軒公就笑道，「唔係 ，我blur 左個報讀價錢啦，我一共同你報左五個課程，全個證書上堂上到 2025年冬天。你望下我用咗個咩名幫你註冊埋學校個網站？」Kaho望著讀出來 :「  kaho study great great great …」，軒公即時笑道，「你做咩讀晒出嚟，一陣比佢地炸爆你個email 啦！佢真係好天真架！」繼而全場大笑，他再叫 kaho，「你睇下我幫你set 左個咩 password先.... 都係有意嘅....你讀出嚟....」kaho今次學乖了笑道，「我唔讀出嚟啦！password喎.....」軒公「怕咩，password你可以自己再改嘛。」kaho對著軒公笑道: 「我依家一講完，就即刻俾人改左啦，你真係天真呀你！軒哥！」引爆全場笑蛋。

為他報讀了美國知名音樂學院 Berklee College of Music 一年的音樂線上課程

然後把報讀課程的報名認證文件給Kaho看

Kaho 及後認真向軒公感謝及承諾，「我會好好讀書，祝我學業進步！」又反問軒公，讀完有冇畢業帽？軒公就話，「呢個課程同真係去大學返學係一樣，甚至讀嘅嘢比去波士頓讀更多，你讀哂嘅頂畢業帽，我送俾你！」全場又即報以熱烈歡呼聲。之後，軒公獨唱了「 隱形遊樂場」才返回觀眾席繼續欣賞kaho的演出。

Kaho 及後認真向軒公感謝及承諾，「我會好好讀書，祝我學業進步！」

此外當晚Kaho與戰車一同升台唱《黑玻璃》，唱到大半，突然情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。事後他於台上向觀眾解釋，「頭先個哭泣，你哋唔明，我要講下， 其實噚晚第一場，大家睇片可能覺得冇乜嘢，但係我覺得自己做得好差好差， 去到《黑玻璃》之後，我簡直係唔想再唱，唔想再上台， 但係今日我覺得自己唱得好好，點解尋日我會咁，好激氣。 

Kaho與戰車一同升台唱《黑玻璃》

情緒失守大哭，而且一直喊足三首歌才識停，歌迷更是貼心，見他喊到唱不到，馬上全場助他大合唱，場面感人。

第二，點解我寫咁多歌，《黑玻璃》會咁紅？我唔知咩運氣，令我出到呢首歌又再接紅館演唱會、我想要架車上台，又俾我做到.....我想講今晚《黑玻璃》我想好好哋唱，但係我真係忍唔住....尋晚我返到屋企，我同阿媽講，個個都叫我 enjoy，但係我冇一刻enjoy到！我好失望，成個騷唔知自己做緊乜嘢，我媽同我講，「Enjoy？你返緊工呀！」所以我真係要好多謝我屋企人，我父母，我細佬。」因為觀眾熱情 Kaho一共encore兩次，為滿足歌迷訴求，他終於唱了《自問自答》和自己改詞惡搞的《 黑司機》，令歌迷興奮萬分最後欲罷不能，又再一次出來跟歌迷一齊大合唱《主角光環》演唱會才結束。

又再一次出來跟歌迷一齊大合唱《主角光環》演唱會才結束。

不少圈中好友也有前來捧 Kaho場，繼有 : MC 張天賦、周柏豪、Dear Jane 、Gareth.T、Kiri T 、Nancy Kwai、張蔓姿、Zpecial、moon tang、Byejack、 陳健安、Serrini 、Fatboy、Marf、Ka Ying、細貓、Gordon Flanders、姚卓菲Chantel、Beanies 、阿Gi 樊沛珈、米媽及Mic 周卓盈等等。

姚焯菲Chantel

Marf

Dear Jane

大合照！