到底幾多歲結婚比較好?有些人早婚,有些人遲婚,形形色色的人生,似乎沒有一個標準答案,更沒有規律可循。近日一名28歲港女於討論區發文,指自己希望早結婚早生小朋友,但男友不想並因此吵架,朋友都認為28歲還年輕,不需急於結婚,更列出適婚條件,港女又擔心自己將來變高齡產婦,不知如何是好,於是發文問網民幾歲結婚先好?有網民勸告港女「為結婚而結婚,結咗婚都難有幸福」。
該港女於香港討論區以「依家幾多歲結婚先算係適婚年齡?」為題發文,表示她本想與男朋友開聯名戶口儲錢結婚,但男友反對因此起爭執,之後同朋友訴苦,不過朋友們都認為28歲沒必要心急結婚,加上離婚率高,應要好好想清楚。朋友們亦覺得要有經濟基礎才適合結婚「佢地話最小要有樓,成業有成,有好充裕既錢養小朋友先叫適婚」。
但樓主一直希望能夠早點結婚生育,不想與自己的小孩有太大代溝「成日都想30歲前就生,起碼有體力陪佢地周圍去玩嘛」。樓主亦擔心到有經濟條件時,可能已為高齡產婦之列「我話如果我38-9歲先做到佢地講既條件,我係咪唔駛生?做埋高齡產婦啦」。樓主心情複雜,於是發帖問網民「其實幾多歲先叫適婚年齡?」。
網民們對於「幾多歲先叫適婚年齡」眾說紛紜,有的認為28歲已經可以結婚,有的則認為年紀再大一點才合適「你呢個年齡啱㗎喇」、「女人25前,30最後限期」、「我覺得28-32」、「35歲之後先諗,太早未定性」、「男人50歲,女人45歲至成熟」。
不過更多網民認為結婚的重點並不是年齡,是要遇上對的人「適唔適結婚唔係睇年齡,係睇另一半適唔適合」、「適唔適婚主要睇性格,個人思想夠唔夠成熟,仲有能力」、「只有適合結婚的感情,沒有適合結婚的年齡」、「結婚係睇你遇唔遇到令你想結婚嘅人,唔係睇年齡嘅」、「唔係睇幾多歲,係睇你哋心智成熟未」。
有網民亦覺得要有經濟能力才應考慮結婚「冇錢就幾多歲結婚都不適合」、「最基本的是唔洗憂日常生活起居飲食」、「經濟能力差啲,真係唔知幾時可以結婚,尤其香港租都咁貴」、「養得起老婆的年齡」。
帖文來源:香港討論區