安達臣道奪命工業意外 死者姨仔：姐夫為家庭任勞任怨

朱太胞妹馮女士(右一)扶着姐姐離開，她指姐姐痛失丈夫以淚洗面。

馮女士又訴說見證森哥一家四口的難忘事，去年疫情嚴峻，森哥一家四口染疫，當時四人輪流中招發高燒，兩兒子又痾又嘔，「我家姐當時好驚，因為當時死亡率好高，佢哋發燒超過40度，但好彩一家互相支持，互相打氣，堅強面對，總算捱過呢個難關。」捱過疫情，卻避不過意外橫禍，令人唏噓。

工人面部滿佈污泥和血漬送院。

事發於安達臣道一地盤。

馮女士眼中的姐夫對家人好負責任，對太太與兩兒很有耐性，「佢唔返工放假嘅時候，就帶兩個仔去釣魚、行山、游水，好有耐性的陪伴，返工嘅時候，就好準時，因為知道要負上家庭責任。」在她眼中，姐夫非常好人。「佢唔計較，任勞任怨，好負責任，好nice，對同事、對朋友都唔計較。」

事主從15樓墮下受傷。

她坦言現時胞姐痛失丈夫，心情低落，「我哋依家24小時陪伴佢，喺佢旁邊一齊瞓，佢昨晚激動過頭暈倒入院，佢血壓太高，醫生要佢留醫，但佢擔心兩個仔，唔肯留醫，夾硬掹走晒啲喉出院，返屋企之後又唔食唔瞓唔飲，係人都捱唔住！」她透露22日約晤瑞安建築及房署人員，商談恩恤金問題，但長遠的生活及教育費，盼有心人能予以資助。

朱二森妻子(中)認屍後傷心過度，一度攤軟暈倒，現時一家經濟陷入困境，盼各界伸出援手。