王祖藍一家四口首度行紅地氈 囡囡變身「粉紅孖妹」勁搶鏡

兩個小朋友好得意～

王祖藍有份成立的手工藝創作有限公司，日前於東莞舉行春茗，除了公司的戰略合作夥伴及一眾好友外，手工藝香港及內地旗下藝人均有盛裝赴會，當晚踏上紅地氈的香港藝人有演唱嘉賓黎瑞恩及林曉峰，另外還有岑麗香、鄺文珣一家三口、「福祿壽」阮兆祥（祥師兄）、李思捷及王祖藍，當中身兼主人家的王祖藍更攜同愛妻及女兒齊齊現身紅地氈，成為全場焦點。

王祖藍揀喺鄉下東莞搞公司春茗。

黎瑞恩

林曉峰

岑麗香

鄺文珣一家三口

是次是祖藍首度一家四口行紅地氈，當中太太李亞男（Leanne）的悉心打扮、盡顯其完美葫蘆身形，至於二人的囡囡大女Gabby及小女兒Hayley，則以粉紅「姊妹裝」亮相，二人更各有各搶鏡。Gabby全晚拿著「企鵝仔」滿場飛，至於Hayley則在工作人員要求下在紅地氈大走花生騷，不但有姿勢有實際，更醒目地派心心，可愛度爆燈。

王祖藍一家四口首度行紅地氈。

王祖藍一家四口首度行紅地氈。

問到Leanne keep弗之道，她指除了均衡飲食及偶爾吃得清淡點外，還有另外兩大減肥妙法，分別是「萬年牛仔褲」及「湊女」：「因為同阿女玩都消耗體力，仲有一個秘密，就係唔好因為自己肥咗少少，就去買一件大一碼嘅衫，即係我點都要著番以前著開嗰啲牛仔褲，我啲牛仔褲十幾廿年個Size都係唔變嘅。」

李亞男身形弗爆。

談到首度與女兒們行紅地氈，Leanne即冧爆指女兒「可愛」，並感恩著二人向賓客打招呼時，二人表現未有特別害羞，只是其間要花點功夫氹Gabby：「因為佢都好有性格，開始時唔係好願意笑，所以要氹佢、鼓勵佢有禮貌同埋係咁讚佢靚，跟住佢就會笑架喇。」談到Gabby手上的「企鵝仔」，Leanne透露是阿女「新寵」：「佢以前鍾意恐龍，依家鍾意企鵝，佢手上面拎住嘅係佢新嘅企鵝袋，佢好鍾意，去到邊就要攞到去邊。」

Hayley在工作人員要求下表現貓步，勁Cute。

Hayley在工作人員要求下表現貓步，勁Cute。

Hayley在工作人員要求下表現貓步，勁Cute。

Hayley在工作人員要求下表現貓步，勁Cute。

至於祖藍、則聯同好拍檔祥師兄及思捷上台致辭，宣布成立16周年的「福祿壽」今年連串大計及項目，包括全球演唱會及以模仿為主題的綜藝節目。祖藍說：「本身演唱會喺15周年時已經想搞，因為當時有疫情所以就順延到今年先搞，呢個演唱會計劃係全球性，首站應該係我鄉下東莞。另外今年都會喺大灣區度搵模仿達人，希望可以宣揚模仿文化，等大家知道模仿其實係要好認真先做到。」

福祿壽宣布今年開全球演唱會。

祖藍笑言當晚宣布開演唱會後，台下即反應熱烈，當中有份赴會的鄺美雲更事先張揚要包場，祖藍說：「仲有我東莞嘅前輩都話要包場，好多謝大家。」祖藍續指選在東莞為香港及內地公司舉行春茗別具意義：「東莞係我鄉下，我同鄉下啲親戚同埋對呢個地方都好有感情，亦想趁住今次呢個活動順便宣傳吓東莞。」

阮兆祥

李思捷

大合照

郭珮文與陳懿德今次的「奇裝異服」繼續「好爆」！

由阮兆祥、李思捷、王祖藍主持的香港首個扮嘢真人Show《福祿壽訓練學院》自播出後引發不少熱話，據知在內地亦相當受歡迎，根據CSM媒介研究廣東省收視資料數據顯示，《福祿壽訓練學院》第二及第三集在廣東省的平均收看觀眾人數先後高踞綜藝類別TOP 1，成績斐然。昨晚（4月28日）第四集，除了有Professor Fuk（阮兆祥）、Professor Luk（王祖藍）及Professor Sau（李思捷）三隊首度交鋒就「復刻經典舞台」進行首回合扮嘢挑戰對決，兩位主持郭珮文（Juliana）及陳懿德的「奇裝異服」繼續成為討論焦點！

德德今次個「黑面黑板」造型又係勁搶。

Juliana個髮型同副眼鏡都好搶。

德德的「黑面黑板」Jumbo造型更是驚艷全場，網民亦認為德德的「多變造型」幫助其建立特色及風格。思捷則繼續貫徹Style啄住Juliana問到：「你係咪收買咗製作組？上次德德已經好慘，今次仲慘到做黑板，但你就做靚靚miss，到底發生咩事？」

李思捷係咁啄住Juliana。

德德幫口但畀思捷阻止。

未知是否被殺個措手不及，Juliana全程面有難色係咁「Er」，德德見狀即幫忙打圓場，不過卻遭思捷喊停：「Juliana你講句嘢好冇呀？」此時，Juliana即一句KO思捷及全場所有人：「其實Professor Sau，你係咪嬲我呀？」思捷聞言亦醒目接招：「我哋依家做緊節目，我嬲唔嬲你完全無關。」精彩對話贏得全場掌聲。

結果Juliana成功一句KO思捷，即時炒熱全場氣氛。

結果Juliana成功一句KO思捷，即時炒熱全場氣氛。

結果Juliana成功一句KO思捷，即時炒熱全場氣氛。

結果Juliana成功一句KO思捷，即時炒熱全場氣氛。

呢塊黑板原來係咁拍手架。

Juliana原來仲有另一副眼鏡架。