單親港爸網上求短租，網民各出奇謀，去大灣區租？
家家有本難念的經，近日有單親爸爸在FB群組求助，由於「好大機會準備上公屋」，又希望能與兩個女兒團聚，望能以3500蚊短租屯門單位，卻遭網友潑冷水，指是不可能的任務，又有人認為「佢離地賣慘博平租」。
ViuTV《暖男爸爸》劇照
近日，該單親港爸於FB群組「自己物業自己放，租買免佣」發文：「徵屯門業主盤短期租，預3500內，望有基本傢俬，一按一上！（即交各1個月按金及租金）…望得到有心業主街坊幫助可以有個地方落腳，咁囡囡可以得閒返嚟幾日都可！百鬆呎實用都可！」。
網上圖片
帖文曝光後，不少網民直言3500元難以租到理想單位，「$3500仲要有基本傢俬，可以3個人住，都睇怕冇乜可能」、「$3500，幾十尺仔一張床隔籬就廁所廚房掛，廁所同廚房無分離嗰種掛」、「$3500真係難，深水埗嗰啲劏房可能有，建議盡量搵下有冇咩NGO幫手先」。
資料圖片
另有網民質疑樓主欲賣慘博平租，「租屋都要賣慘情」、「3500蚊仲想同兩個女一齊住？博可憐？」。有網民撐樓主說，「啲留言真涼薄，唔幫都唔使踩幾腳…人哋都係求下幫助，香港人真係冷血」、「樓主，幫你打打氣！希望你生活盡快回復正常！」。
亦見到有人陸續貼出符合樓主需求的短租盤，並為其出謀劃策，對於有網民提議向婦女會尋求協助，申請過渡性房屋或申請「光房」、「仁愛居」等，樓主說因自己的家庭處境並不符合申請資格。還有網友提議「講通左關啦，3500都唔洗可以返大灣區住啦！」都收穫不少讚同。
