港男做Marketing 狠批合作KOL耍大牌 網民：That’s why佢唔出名

如今，不少KOL網紅都擁有龐大的粉絲群，連廣告商都喜歡與他們合作，利用高人氣來宣傳品牌或產品。近日一港男於討論區發文指自己做Marketing，經常有機會與不同KOL合作，但有感一些名氣越低的KOL態度越差，有人甚至簽了合約也會違約失蹤，令他頭痛又生氣。有網民揶揄「That’s why 佢唔出名」並異口同聲叫樓主「開名」，表示想知是哪個KOL「咁無品」。

港男於Dcard討論區以「做marketing先發現有啲KOL真係好X大牌」為題發文。

日前，該港男於Dcard討論區以「做marketing先發現有啲KOL真係好X大牌」為題發文，表示自己於一化妝品牌公司當marketing一職，經常有機會接觸不同的KOL，而KOL的代言費則視乎他們的名氣而定，但樓主工作一段時間之後就發覺不是每位KOL都表現專業，有些KOL非常不合作「做得耐咗就發現啲越唔出名嘅KOL越大牌」。

KOL網紅擁有龐大的粉絲群，廣告商都喜歡與他們合作，利用KOL的人氣宣傳品牌或產品。示意圖

樓主分享與某KOL合作的不快經歷「明明傾好咗前晚要出個post，前一日提佢，直接已讀（不回）。琴日提佢，完全0反（應），琴晚問佢係咪要postpone 都0反（應），簽曬合約完全唔知點解可以no show 」，而令樓主更不氣忿的是該KOL明明一直在線但就偏偏不回覆「睇佢ig 都仲有po story，但係唔覆機」。

樓主工作一段時間之後就發覺不是每位KOL都表現專業，有些KOL非常不合作「做得耐咗就發現啲越唔出名嘅KOL越大牌」。示意圖

網民們都紛紛表示想知是誰態度這麼差「想知邊個，有冇啲特徵講下呀」、「開名」、「你唔想同行出事最好開名」、「有冇貼士」。

亦有網民分享類似經歷：

• 「男友做幕後都講過唔少啲kol＆有啲臨演都好串好無禮貌，仲會耍大牌」
• 「又大牌又唔專業，聲稱acting畢業，未cut機就出戲都見過」
• 「同個KOL傾好哂，寄哂Sample俾對方，點知一推再推，之後消失左」
• 「marketing公司有勁多Kol都好西，R完著數（餐廳試食、美容服務）之後會遲到勁多/no show 去完之後再拖稿」

網民異口同聲叫樓主「開名」，亦有網民分享類似經歷。

帖文來源：Dcard討論區

聖誕節就到，不少人都忙緊準備交換禮物。有網民就在社交平台分享了一份極具衝擊性的聖誕禮物，震撼到他即刻想「報警」！

樓主在Threads出帖呻爆。Threads截圖

收禮嚇到想報警

事緣有網民在社交平台發帖，呻爆同朋友交換聖誕禮物的「慘況」。只見該網民上載了相片並留言：「同frd交換聖誕禮物，收到呢個想報警。」相中見到，份禮物竟是一個印有熱爆全城的「何伯」同「新何太」深情咀嘴大特寫的咕𠱸！兩公婆閉目陶醉的樣子佔滿整個咕𠱸，畫面極之「奪目」。

有網民就分享了一份極具衝擊性的聖誕禮物，震撼到他即刻想「報警」。Threads截圖

網笑：係咪都可以叫做算有心思呢？

這個「世紀之吻咕𠱸」一出，網民即刻笑到飆眼水，留言話「全threads最Kam（戇居）嘅聖誕禮物頭十名非你莫屬」。不過，都有人佩服送禮者諗頭，笑稱：「諗到整呢個咕𠱸嘅人，係咪都可以叫做算有心思呢？」有網民就關心樓主同朋友「絕咗交未」，樓主就大方回應：「未，笑到傻咗。」

何伯何太一直是網民熱話

約77歲的何伯同年輕逾30年的「新何太」，早前因為在TVB節目《東張西望》訴苦，指450萬積蓄被子女「攞走」而成為全城焦點。兩人高調曬恩愛，加上何太頻頻爆出「你七街瞋，帽再根治我」等「金句」，一直是網民熱話。

何伯和何太因接受《東張西望》訪問而成為網絡紅人。資料圖片

一山還有一山高

正當眾人以為「接吻抱枕」已是極致時，留言區竟有另一位網友分享去年在公司抽獎獲得的「升級版」禮物，並上傳了照片與影片。這款「暗黑機關版」抱枕有兩種設計。其一與前述的接吻版類似，但「升級」為使用珠片材質。另一款則更為「瘋狂」，抱枕表面鋪滿銀色珠片，乍看之下閃閃發亮，充滿節日氣氛。

一山還有一山高。Threads截圖

一山還有一山高。Threads截圖

一山還有一山高。Threads截圖

然而，其暗藏巧思：只要用手輕輕拂過珠片表面，何太的大頭照及其經典金句「你七街瞋，帽再根治我」便會逐漸浮現，設計極具巧思。此「精巧」設計令網友大開眼界，形容其為「繼阿儀抱枕後的又一力作」，更有人笑言此抱枕「有助減肥…每次吃飯前看一看」。

聖誕交換禮物靈感來了

這兩份以「何伯何太」為主題的「驚喜」禮物，似乎為今年的聖誕交換禮物活動，立下了一個難以超越的「新標竿」。許多網民看後表示獲得啟發，留言稱：「D人問可以送咩X嘢我終於識答」、「今日有idea了，多謝你」。