夾餅多醬，加多5蚊，你認為合理嗎？
格仔餅作為街頭小食代表之一，一直都有許多擁躉。每次吃格仔餅，大家也都會按照自己口味囑咐店家多醬或者少醬。不過最近澳門就有一家小食店，就因為格仔餅多醬要加錢而被網友鬧翻。
網上圖片
近日，澳門某食店於FB發文：「為滿足客人需要，夾餅可以要求多醬！加多5蚊就得啦！」，只見圖片中的夾餅醬料份量十足，煉奶幾乎佈滿每一個格仔，花生醬滿瀉，確實有誠意。
網上圖片
不過賣相歸賣相，對於要額外收費一事，網友一面倒大鬧餐廳貪心！ 因為格仔餅多醬是應該，不用額外加多$5， 更笑言要是食客叫少醬，可否減5蚊。也有網友認為「多醬有鬼用，咪滴到周地都係」，指出其實醬料不用多，正常份量就夠，而且一食「命都短幾年。」。
網上圖片
也有網友指出：「無改名做窩夫收你八十蚊唔算貪。」 而且有人指出其實花生醬成本也不平，更以麥當勞為例「加大餐薯條都係多少少，汽水更加唔值錢」，認為合理。
網上圖片
最後餐廳亦覺得這個話題糾纏了太久，忍不住再出Post講解，唔多醬咪唔駛加$5囉！而經過此次討論，似乎小店生意更紅火，格仔餅六點半就售罄，令人懷疑是否另類營銷？
