港公路驚現兩黑牛激戰 網民開心睇免費鬥牛騷：千載難逢！

香港出現鬥牛奇觀，兩頭大黑牛在公路上角力，左右兩邊行車線出現難以置信的超現實「塞牛」情況。網民以「呢位先生，唔好打交」、「麻煩兩位唔好打交」為題上載一段長約27秒的大戰短片，網民都牛咁眼觀戰。

香港出現鬥牛奇觀，兩頭大黑牛在公路上角力。網上截圖

左右兩邊行車線出現難以置信的超現實「塞牛」情況。網上截圖

短片見到兩隻流浪牛在馬路中心角力，兩牛以角互推較勁，各不相讓，到片段第24秒，左牛蓄力爆發，將對手撞後兩三個牛步，繼續於右邊行車線爭持。樓主在回應網民查詢時指，「前邊砵咗，（牛）照打」、「佢地打打下打咗去對面線，我同前邊白色車即刻地板油走」，觀戰為時約「兩三分鐘到」。

網民牛咁眼觀戰。網上截圖

兩隻流浪牛在馬路中心角力，兩牛以角互推較勁，各不相讓。網上截圖

兩牛大戰阻著兩邊行車線造成長長車龍，現場剛好有一輛停於牛前的紅色私家車，網友特別為這車擔心，指「紅色車果位朋友情況好危險」、「整花㗎車真係冇仇報」。

網民聯想起能量飲品「紅牛Logo噃」。網上截圖

網民聯想起能量飲品「紅牛Logo噃」

因應這單牛牛界的「街頭MMA」，識睇真是要睇網民生鬼回應，眾人的第一反應是「去咗西班牙？」、「免費鬥牛show」、「免費鬥牛比賽睇千載難逢！」，並聯想起能量飲品「紅牛Logo噃」，接著難免要講番句廣告經典口號「Red Bull 送你一對翼」。

有網民指「去左西班牙？？」。網上截圖

有網民稱「免費鬥牛比賽睇千載難逢！」。網上截圖

對於這場因「牛脾氣」而起的「公路上的鬥牛」、「真•鬥牛」，有網友估計「兩位牛哥係咪爭女打交呀」，並爭相做和事佬勸交，指「好牛唔攔路」、「牛先牛先唔好打交」、「牛大哥，萬事有商量」、「有咩事慢慢講，唔好郁手郁角」，還有人獎門人上身，指「你只要開窗講一聲super，佢地就會走開架啦」，並問「點解冇人勸交」、「搵個著紅衫嘅引走佢倆位」。

有網友稱「牛大哥，萬事有商量」。網上截圖

有網友形容是「最可愛嘅塞車原因」。網上截圖

另有人維持秩序，不斷呼籲「打還打，上翻行人路打」。見到牛牛踩著雙白線埋首角力，網民一方面吶喊「扯大攬，過界就贏架」，也替馬路之友擔心，指「分不到高低所有車都行唔到」、「可能係2023最無奈的塞車原因」、「最可愛嘅塞車原因」。。還有財經敏感人士感應到「股票大升」、「牛市呀」。

帖文來源：車CamL（香港群組）、屯門友

網友預視「股票大升」。網上截圖

有網友表示「可能係2023最無奈的塞車原因」。網上截圖

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」