月入2萬零資產 人妻欲以「4人家庭」排公屋 卻因奶奶替老公買保險夢碎？

但正當樓主以為自己一家符合申請公屋資格時，才驚悉原來奶奶一直有幫老公買保險「老公d保險現金價值，佢隨便一份已經6萬美金」。於是樓主想問清楚保險詳細內容，奶奶則不勝其煩叫她隱瞞保險一事直接申請「我想再問清楚，我奶奶就話保險你唔填咪得，唔會查到」。

樓主為保險一事感到相當頭痛，怕因此令他們一家不能排公屋，要一直過著捱貴租的日子「D保險全部我奶奶（保單持有人）幫佢買落，有幾多份，供幾多我老公完全唔知情」。

樓主以為自己一家符合申請公屋資格時，才驚悉原來奶奶有幫老公買保險「老公d保險現金價值，佢隨便一份已經6萬美金」。奶奶更叫她直接隱瞞保險一事「我想再問清楚，我奶奶就話保險你唔填咪得，唔會查到」。示意圖

對此，不少網民勸告樓主千萬不要隱瞞保險：

「一定要報足保險裹面所有現金價值同红利，因為一查到即取消資格及會比房署檢控，真實有個案收埋鎖匙同裝修埋，住咗半年房署查到漏報即收屋」

「唔好以為派咗屋就無事！房署而家會嚴厲追查翻申請時有無虛報及隱瞞，有就會收翻個單位及檢控」

「搞清楚晒再考慮下一步，但一定不能隱瞞不報，無得博」

「搞錯就嚇餐死，如果係真，唔填比房署查到即DQ！」

亦有網民叫樓主先弄清楚誰是投保人，如果老公只是受益人而非投保人則不用擔心「保險持保人係邊個呢？如果唔係你老公就唔驚，除非四人申請者你奶奶都係其中之一」。

另外，有網民提醒「投保金額」並不等同「現金價值」：「問清楚你奶奶係保額定現金價值」、「第一次見咁高現金價值，check清楚係咪真係現金價值先啦」。

還有網民亦建議即使保險現金價值超額，大可退保「有賺嘅保單可以取消，取消咗嘅保單可以不報」、「保險紅利應該也不少，有得賺就退保」。

網民都勸告樓主不要隱瞞保險，更提醒「投保金額」不等於「現金價值」。

據房屋署資料，公屋申請者及所有家庭成員（包括未滿18歲而有收入者）均須填報所有扣稅前的每月收入，包括其他收入如股息、紅利、保險計劃收益等，持有保險計劃人士，須遞交已填妥的聲明書，列明所持有的保險（包括年金）現金價值/儲蓄值/積存紅利和利息，以及每月平均獲得紅利/利息/保證每月年金金額。任何人於申請公屋時明知而向房委會作出虛假陳述，即屬違法，一經定罪，可判最高罰款5萬元及監禁6個月。

帖文來源：香港公營房屋討論區