陳凱琳產後火速修身穿「裸色」瑜伽服拍片騷激凸身材

2023年03月25日 15:12 最後更新：16:21

前港姐冠軍陳凱琳年僅31歲已經是3孩之母，2018年與53歲鄭嘉穎結婚之後四年抱三，先後在2019年誕下大仔Rafael、2020年再添二仔Yannick，細仔Carlos亦在今年1月出生！雖然有不少人都以為女性在產後容易發福，不過陳凱琳卻天生麗質，每次陀B都肥胎不肥人，生完之後上圍升Cup但四肢纖幼，令不少網民羨慕！

近日陳凱琳就分享了一段「瑜伽服放題」的影片，片中陳凱琳在樓梯步行非常活潑，過程中更加不換「自動換衫」，瑜伽服由最初的粉紅色變成藍色再變紫色等等，而過程中瞬間換上的「裸色」瑜伽服時，影像更似陳凱琳「突然變裸體」，嚇窒網民！另一方面，陳凱琳誕B之後極速修身，跳樓梯和向鏡頭大步走時時，視覺上極為衝擊！

點擊看圖輯

陳凱琳與鄭嘉穎2018年完成婚禮。

陳凱琳與鄭嘉穎當年疑似奉子成婚。

陳凱琳與鄭嘉穎年齡相差22年，但完全沒有代溝。

鄭嘉穎和陳凱琳結婚四年半，已育有三子。

去年11月宣佈再度陀B！

今年1月22日宣佈誕下細仔。

陳凱琳大年初一公開孻仔正面照。

Carlos盡得父母優良基因，眼仔睩睩兼鼻高高。

今年1月宣布誕下幼子Carlos。

陳凱琳產後消瘦不少，未知是否照顧小朋友太辛苦。

鄭嘉穎個樣好慈父。

Carlos早前慶祝滿月。

陳凱琳陀第一胎2018年已經是肥胎不肥人！

四肢仍然纖瘦。

第一胎的孕照是小清新風。

生完之後第一次出席活動，已經很瘦，不過就明顯升Cup脹爆。

到第二胎的孕照，在2020年左右拍攝。

當時陳凱琳亦是手腳纖幼，令不少女性羨慕。

陳凱琳喜歡將自己懷孕期間的情況留影。

陳凱琳瑜伽服放題！

露腰挺胸勁活躍！

突然轉做裸色裝勁似「冇著衫」！

露腰挺胸勁活躍！

生完幼子，四肢纖瘦上圍升Cup！

隨著陳凱琳的步伐，上圍「彈彈下」。

正面更加震撼！

引死網民！

陳凱琳短片「突然全祼」錯覺嚇窒網民。

其實陳凱琳一向都喜歡在懷孕期間留倩影，曾經懷過三胎的她，每次影靚靚孕照都不同風格，第一胎大玩小清新沙灘風；第二胎則轉為性感內衣風；去到第三胎轉行高貴淑婦風，每一輯相都凸顯出陳凱琳不同面貌。而多輯靚靚孕照之中，陳凱琳均有一個同通點，是她每次懷孕都總是肥胎不肥人，在陀B期間能夠長期保持四肢纖瘦加面尖尖，令不少女性非常羨慕！

往下看更多文章

衛詩雅有感做父母責任大對生B持開放態度陳凱琳盛讚鄭嘉穎是親力親為好爸爸

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

你或有興趣的文章

陳凱琳產後火速修身 穿「裸色」瑜伽服拍片騷激凸身材