清明節臨近阿媽禁趕入屋飛蛾 港女：佢話係先人返嚟探我哋

春回大地萬物甦醒，昆蟲活躍之時又恰巧碰上清明節，有港女近日在facebook討論區發帖指「一到清明，阿媽見到昆蟲就話係先人返嚟搵我哋......」，驅趕不得，她與胞姐便被飛蛾嚇破膽，希望母親能夠「理智少少」。結果，有網民提供了一個兩全其美又「安全」的活捉方法......

春回大地萬物甦醒，昆蟲活躍。

樓主原文指，「阿媽本身都幾迷信，早幾日有隻都幾大隻嘅飛蛾飛咗入屋，之後係個廳上面盞燈飛咗好耐都唔肯走，因為我同家姐都幾驚呢啲識得飛嘅昆蟲，於是我就諗住去廁所拎起枝殺蟲水一嘢噴死佢。點知阿媽就叫我千祈唔好咁做，仲話呢d昆蟲一到大時大節飛入屋，肯定係你個爺爺返嚟搵我哋，仲叫千祈唔好噴死佢，如果唔係到時清明去拜山對d祖先真係大不敬咁話......」

有網民提供了一個兩全其美又「安全」的活捉方法......資料圖片

樓主續稱「呢個時候家姐已經驚到癲咗仲要衝埋入房，阿媽叫我哋由得佢係度飛咪算囉，仲話佢真係唔肯走嘅就拎個拍趕佢走算啦。聽到呢句我真係搲晒頭，如果日日都有昆蟲飛入屋，係咪全部都係我哋d阿爺同阿公返嚟探我哋？最後我哋睇住隻嘢係個廳度飛咗成晚佢終於都肯飛走，但係真心覺得阿媽好迷信，真心想問可唔可以理智少少？」

飛蛾曾驚現車廂。資料圖片

有回應的網民附和樓主母親大人看法，指「寧可信其有」、「每年拜山嘅時候，老人家都係咁講」；有人還講及自身經歷，「我屋企從來冇飛蛾入屋，我家姐結婚果晚係唯一一次。阿媽話係阿婆。信不信自己決定」。

樓主原文。網上截圖

網民獻計，「用膠袋捉到，放生」。網上截圖

另有網友則指「當然要順從媽媽的意思，不過佢有佢信，你有你不信。而我當然係唔信喇」、「以佢嘅邏輯，仙人成遊魂野鬼，冇得輪迴」。有人則反問「屋企成日都有蚊有曱甴，係咪唔好理佢？」、「如果有隻大曱甴入屋咁點？」。

有網民指「每年拜山嘅時候，老人家都係咁講」。網上截圖

最終有精明網民提供了個兩全其美又「安全」的活捉方法——「其實，任何冇謂殺生，可免則免。多，冇計。少，用膠袋捉到，放生」。

帖文來源：香港討論區

清明節前禁對付入屋飛蛾？ 港女：阿媽話係阿爺返嚟探我哋

有網民在社交平台分享，苦候近七年後終於獲派心儀單位！網民見到單位照片都紛紛祝賀，並讚「好過中六合彩」！

有網民在社交平台分享，苦候近七年後終於獲派心儀單位！FB圖片

無敵海景冇得輸！

新居位於華富二邨華泰樓，屬四人單位。從樓主上傳的照片可見，單位景觀開揚，可遠眺蔚藍海景，採光充足，獲網民形容為「無敵海景」。

單位景觀開揚，可遠眺蔚藍海景。FB圖片

網民紛道賀

帖文引來大批網民留言祝賀，不少人直呼「好過中六合彩」、「人生勝利組」，更有留言指「對住個海超級靚」、「有露台向海仲想點」。樓主表示已視察單位並決定接受編配，笑言「終於畢業」，喜悅之情溢於言表。

華富二邨。房署照片

網民溫馨提示勿大裝修​

由於華富邨已納入重建計劃，有網民溫馨提醒樓主「簡單裝修便可」，並建議「盡量少傢俬」、「唔好大裝，好快要搬」、「重建後又有新樓住」、「住一陣就拆唔好裝修啊」，建議以實用為原則佈置新居。

華富二邨。資料圖片