胡定欣藐視悲憤表情完美轉換晒演技 《廉政狙擊》黃智賢變新一代歪理王

對住卓廷光，屠敏「鐵面判官」咁款。

同一場口中，屠敏面對以凡及從後趕來阻止屠敏錯下去的子峰（黃宗澤飾）亦明顯不同。面對以凡，屠敏的激動屬於「痛心疾首」而非暴怒型；面對子峰，屠敏的激動屬於「絕望」但又帶著託付意味。定欣最亮眼的演出，除了是眼見廷光向靈位逐個叩響頭時的「漸進式悲憤」情緒外，當其向子峰激動地咆哮道：「我要佢還番個屋企畀我！」眼淚竟能隨著對白及角色情緒的演變慢慢增量，單看照片都能感受到當中的感染力。

但對住以凡，佢嬲之餘亦忍唔住好痛心，希望對方早日回頭是岸。

呢幕「倒藥戲」，極度符合復仇爽劇所應要帶出嘅快感，而無論係定欣嘅眼神演技，以及鏡頭嘅角度同打燈，都令呢個場口「戲」味倍增。

因為廷光一句挑機，屠敏立馬爆Seed發爛兼大笑，而令人心寒嘅係，屠敏笑完之後又鬧，鬧完之後又喊，喊完再鬧，呢啲「情緒過山車」場口，絕對係演技考牌作，定欣亦處理得十分好，演得扣人心弦；當然黃智賢嘅好戲反應亦應記一功。

除了定欣，結局另外兩位好戲MVP非黎燕珊（角色為群姐）及黃智賢莫屬。在內地被評為劇中第四位好戲之人的燕珊，無論是「瓦礫尋親」一幕、或是探監戲均是「洋蔥擔當」，並演活了天下母親痛錫仔女的心情。「瓦礫尋親」一幕，群姐看到率先被救出的竟是卓廷光時，即呼天搶地並衝出重圍直奔瓦礫堆親自尋找仔女，無論是情緒演繹或是肢體語言，均演繹出母親對於仔女生死未卜的焦急徬徨心情。之後的「探監日曆獨白戲」更是精彩，雖然對白只是屠敏的成長逸事，但燕珊竟能由「開心幸福」讀至涕淚縱橫，甚有功架，加上定欣配合得天然無縫的感動樣，令該幕文戲更見突出。

三大結局MVP之一黎燕珊

胡定欣同黎燕珊呢個涕淚交峰場口相當精彩，黎燕珊仲要由開心幸福講到內疚，唔容易。

而自劇集播出後一直被讚好戲的黃智賢，結尾與定欣的「終極談判」亦憑藉「超級歪理」成功突圍，包括：「你唔可以乜嘢都怪晒我，如果唔係佢哋賴死唔走，我使乜諗咁多嘢嚇走佢哋」、「我冇殺人，你唔好乜都入我數」、「點解你會講極都唔明（明明唔明嗰個係佢）」、「你咁樣講係扭曲咗我嘅原意」等，而黃智賢全程的演繹均恍如鑿了「我有咩問題」五個在額頭，難怪獲封為新一代歪理王「丁蟹2.0」；加上廷光願意為家人放下身段下跪兼狂叩響頭，令卓廷光這個奸角更見立體。

三大結局MVP之一黃智賢

要同「丁蟹2.0」講道理真係極級難，正常人講講吓都應該會爆seed，睇吓黃智賢嘅表情幾咁覺得自己理所當然。