網上瘋傳旅行團公廁外「立食」杯麵 網民斥失禮：過門都係客

繼網民早前拍攝到有旅行團團友疑在土瓜灣街頭開餐吃兩餸飯後，再有人拍攝到一群疑似遊客在淺水灣公廁對開街頭「立食」杯麵奇景。

有網民拍攝到一群疑似遊客在淺水灣公廁對開街頭「立食」杯麵。網圖

樓主昨日（26日）下午以「兩餸飯團餐都無得食，一人一個杯麵企係淺水灣公廁條街到食就夠晒飽肚，咁玩法香港D茶餐廳會唔會執好多㗎？......」為題，在facebook討論區上載兩幀照片；轉載相片的另一facebook討論區則以「淺水灣深度遊」形容有關情況。雖然事件獲網民熱烈討論，但有人則提醒「是不是真？樓主好似估估下，有冇問一問？咁快下判斷？」。

樓主指「一人一個杯麵企係淺水灣公廁條街到食就夠晒飽肚」。網圖

雖然未知相中的疑似遊客來自何方，已引起網民高度關注，有人指「哈！真係奇觀」、「何其壯觀」，有人則批評「影響市容」，另有擔心影響香港形象「過門都係客，真係失禮人」、「......睇見心都疼」、「好心痛⋯⋯」。

事件引起網民高度關注。網上截圖

另有網友認為「出嚟旅行，飯都無得食咁慘呀」、「窮遊呀」、「有麵食好過食風」。不過回應的網民反指「也不一定窮遊，每個人生活水平不一樣，只能這麼說」、「豐儉由人」、「每個人生活方式不同」，並引述自身經驗「我哋跟旅行團都有自費午餐啦！其實有乜嘢問題啫？！」、「去旅行有時都買定杯麵嘅」、「我係毆洲都會周街攞住個麵包咬。有問題咩？最重要識得收拾乾淨。旅遊嘅嘢，豐儉由人！」。

有眼利的網友還發現另一重點——「遠睇似係食緊滿漢全席喎」。網上截圖

接著有人主持公道地稱，這可能是旅行社安排的問題，並表示「相信啲遊客都想好好坐低食」。愛說笑的網民則調侃「係創新『和式風味』食法：立食！」、「生活體驗團」、「體驗香港風味餐」、「真•街頭美食」、「晚餐是雙餸飯的，放心」、「再深D下次一人派一條魚肉腸（冇較剪）加一包菊花茶」。

網民指是「創新『和式風味』食法：立食！」。網上截圖

提到杯麵，最多人關心還是熱水問題，紛問「熱水邊度攞？咁多杯」、「邊度嚟滾水？」、「去邊度攞水沖面」、「滾水那裏來？」、「何來咁多熱水冲杯麵呢？好奇一問」、「邊度有熱水？自備？」、「啲熱水邊度嚟？」。有熟行情的人回應「入便利店買有熱水沖茶淥麵」、「以前對面七仔有熱水免費供應的，但係現在已經改咗唔係喺七仔嗰到買嘅杯麵就唔俾用七仔D熱水了」、「嗰間七仔俾佢哋拎㗎，但唔好倒水落人哋個水機水槽到囉」。

提到杯麵，最多人關心還是熱水問題。網上截圖

網民指「不一定窮遊，每個人生活水平不一樣，只能這麼說」。網上截圖

有眼利的網友還發現另一重點——「遠睇似係食緊滿漢全席喎」、「已好富貴，食滿漢杯麵，成22元一個㗎」、「滿漢大餐，貴嘢」、「滿漢大餐成$23蚊碗高級嘢嚟」。

帖文來源：香港茶餐廳及美食關注組、大埔 TAI PO

網民形容情況「何其壯觀」。網上截圖

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

（FB圖片）

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

（FB圖片）

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

（FB圖片）

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。

(FB專頁「WWF Hong Kong」圖片）

被評為全球100種最具破壞性的「外星魚」之一

在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。

帖文來源：Facebook群組「大埔 TAI PO」、Facebook專頁「WWF Hong Kong」