倪晨曦3年抱2灣仔補辦喜酒 大仔Virgil陪媽媽跳舞勁可愛

倪晨曦與金融才俊老公Vincent於2020年在夏威夷舉行婚禮。

唯因疫情問題，令喜席一延再延，26日兩人終於可以補辦喜酒。

Elva拖住大仔Virgil進場。

眼見太太花了很多心機籌備婚禮，一向細心的Vincent和經理人悄悄為Elva準備了一份驚喜禮物，約了Elva身邊的朋友一齊拍條片送給她，當Elva看到時也感動落淚；完成婚禮後Elva笑言：「最大感受是好累，需要放幾日假休息一下，哈哈！」倪晨曦表示：「婚禮大概花了一個月時間籌備，延續大自然風格，以綠草白花為主題，帶番夏威夷嘅感覺俾大家。」除了親戚之外，也有不少圈中好友前來到賀，如文詠珊、湯洛雯、蔡穎恩、沈卓盈、湯怡、陳爽、黃婉曼、朱韻韻（Angel Chu）、鍾浠文（Zelia）、簡幗儀（Lilian Kan）等等。

笑到見牙唔見眼。

梗係要咀嘴！

一家四口好幸福。

《中年好聲音》的支嚳儀一家三口均有到賀，其後更在IG Story分享婚宴場面，片中見到倪晨曦一家四口合照，穿上一條白色簡約款長裙的倪晨曦抱住細仔，老公Vincent和大仔Virgil則以西裝襯煲呔示人，一齊站在6層大蛋糕前影相。

靚媽！

Vincent當然不忘在講愛的宣言：「老婆多謝你，估唔到我哋三年抱兩，多謝你為我哋生咗兩個咁可能嘅小朋友。」他又稱婚後人生變得好歡樂：「我覺得好好笑，但估唔到原來唔係講笑，結婚都真係...好正，但我都仲係咁愛你，你真係好好，你帶畀我哋屋企好多歡樂，呢樣係我點都做唔到嘅，好多謝你！」

陳爽同沈卓盈都有出席。

陳爽KEEP得好好。

KEEP得好好！

個個都KEEP得好好。