大家點睇？
如果凌晨三點人在西貢街頭，幸運地遇著一架的士，你還會試圖講價嗎？近日就有一位的士司機於社交平台發文表示凌晨時分於西貢遇到一位中年漢截車，豈料他開門後竟然想講價，樓主一怒之下立即關車門揚長而去，中年漢獨留原地。雖然有網民質疑樓主拒載，但有很多網民支持樓主做法，認為中年漢有錯在先，不應要求司機定額收費。
該的士司機於Facebook群組「的士司機資訊網Taxi」發文並上載一段車cam片，指某日凌晨三點駕駛著的士到西貢碼頭碰碰運氣，見到的士站對面「有個生意失敗樣既男人揮手」。雖然樓主不明為何他不過馬路去的士站截車，但仍不厭其煩把的士駛去對面街載客，豈料那中年男人開車門後卻試圖講價「百三蚊去大圍走唔走？」，樓主默不作聲立即關車門駕車走「我無俾反應佢，即時俾油走」。
樓主更稱「隱約仲聽到佢話：我以前百二蚊咋」，認為自己只是直接走人已算厚道「起碼我無講：行路啦XX」。更批評中年漢坐的士講價之舉「揸得的士我就預咗好多時都吉車走，喺呢啲地方你仲要同我講價？有交通工具隨處走果個係我，我唔會接少你呢張單就無飯開囉，你係咪傻咗？」。
樓主稱「轉過頭入咗西貢老麥，嘆返個餐，準備收工，唔知條友等到N巴未呢？」。
帖文曝光後，有同行的士司機指出如果由西貢去大圍大概需要$180「我做過西貢的士站去大圍要$180」、「未加錶前名城入巿中心都差唔多160」、「落到烏溪沙都一零幾」、「我只係知百三蚊可能七折都無」，可見中年漢提議付$130是非常不合理的。
有司機亦分享遇過類似經歷「佢比百三大圍已經好好，上次零晨兩點條xx同我講百五出老尖，我同你一樣唔講嘢開車！」、「上次有條友喺大埔墟街市拉門問八五折出秀茂坪，結果我由鄉事會街街頭xx到佢落街尾」。
有其他司機分享曾經亦遇個坐的士想講價的乘客。
雖然有網民質疑「咁樣算唔算拒載?」，但更多人讚揚樓主的做法「做得好，杜絕折頭客，你我有責」、「做得好。個個咁堅持就好。唔好寵壞啲好客」、「咁先有骨氣，寧棄勿縱」、「做得啱，寧願吉車都唔益班xx又唔係欠佢一張單開飯」。
亦有很多人負評中年漢「窮就坐小巴啦」、「呢個世界上好多無賴」、「無錢學人截的士」、「面皮夠曬厚」。有人教路「其實對呢d 窮X還可以咁玩，遞手示意佢上，照落錶，去到目的地照按錶收，咁佢一定唔肯，OK，即報警，睇佢可以點，投訴我囉」。
很多網民批評截的士講價的行為。
帖文來源：Facebook群組「的士司機資訊網Taxi」
