外賣將軍漢堡驚見「走包兼漏汁」 網民估：跌過落地再執返？

都有人試過魚柳飽走「魚柳」！

每個人飲食喜好各有不同，到麥當勞買飽可能會選擇走醬、走酸瓜、走洋蔥、走芝士，但鮮少人會連「包」都走埋。近日一網民於社交平台發文抱怨，指近日在麥當勞買了漢堡套餐，回家卻發現漢堡飽少了一片麵包且嚴重漏汁，十分不滿。有網民見了笑言「似跌過落地，執翻之後冇咗底嗰塊包咁喎」。事件引來不少網民分享類似中伏經歷，有些甚至比事主的遭遇更誇張。

有網民笑言「似跌過落地，執翻之後冇咗底嗰塊包咁喎」。

該網民於Facebook群組「香港茶餐廳及美食關注組」上載一張照片，只見當中一個購自M記的將軍漢堡竟少了一片包，而包裝紙則沾滿醬汁，生菜都飛了出來，賣相認真麻麻。事主稱該將軍漢堡購自新蒲崗某麥當勞「今晚系m記買左個包餐，返到屋企拎出來食，竟然無左一半包皮」。

對此，網民們議論紛紛有人戲言「有人肚餓偷食」、「你係咪用機買個option 剔走左半個包皮啊」、「店員有D肚餓幫你食左半邊包」、「抗通漲縮皮」、「減碳套餐」、「將軍甩底」。

很多網民都試過中伏「好過包皮夾住夾兩粒煤炭屎」。

此帖文也引來不少網民分享自己中伏經歷，相當爆笑：

• 「試過食板燒雞腿包入面唔係雞肉係蘋果批」
• 「我就試過幾次買套餐，果D薯條走哂路，兩次兒童餐無玩具！條靚仔係咁喊！」
• 「我叫玉子將軍漢堡，無玉子添呀！！嬲到我丫」
• 「菠蘿蝦堡走醬。結果連菠蘿都走埋」
• 「今日麥當勞買餐叫杯熱朱古力，返到來打開係熱檸檬水」
• 「我女試過豬柳漢堡冇左件豬柳，又係返到屋企先發現，又要行10分鐘返去攞」
• 「我有次魚柳包冇魚柳添啦，我以為自己眼花」
• 「你仲未算離譜，我試過買麥辣雞漢堡返到屋企打開發現走左块雞只得齋包一個」
• 「我叫外買入安格斯牛肉飽，個入面係無牛肉，得青菜絲和酸瓜片」

網民稱「千算萬算，都估唔到魚柳都唔俾」。

原來不少網民也試過「魚柳包走魚柳」。

帖文來源：Facebook群組「香港茶餐廳及美食關注組」

大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！

大媽反駁：燒咁多年都冇人投訴

這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。

示意圖。AI生成圖片

網斥：5知死字點寫？

不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。

資料圖片

網民提議影相報警話疑火燭

有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。

網上圖片

房委會或被終止租約及收回單位

房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。