鏡仔AK親回林俊傑彈鐘事件 稱Ian非小器退追係未追蹤過JJ

ViuTV舉辦的《CHILL CLUB推介榜 年度推介22/23》音樂頒獎禮將於5月7日在亞洲國際博覽館舉行。一眾歌手如MIRROR正副隊長楊樂文（Lokman）、江𤒹生（AK）、謝安琪、保錡、許廷鏗、洪嘉豪及COLLAR隊長沈貞巧（Gao）、許軼（Day）、王家晴（Candy）等超過50組歌手於3月28日出席頒獎禮記者會，非常墟撼。

50組歌手出席頒獎禮記者會，非常墟冚。

今年共設立16個項目奬項，當中包括4項歌曲歌、7項個人奬、4項幕後奬及”Genre of The Year”大奬，而今年亦首次以音樂風格劃分奬項，設立「流行歌曲獎」、「搖滾歌曲奬」、「節奏藍調歌曲奬」及「另類歌曲」，而”Genre of The Year”由本地及海外專業人組成的評審團以一人一票形式，透過以上4項歌曲奬得奬作品選出。

大會公布入圍名單。

大會公布入圍名單。

MIRROR及其成員分別有7首歌入圍「年度歌曲奬」，當中包括MIRROR《We All Are》、陳卓賢（Ian）《留一天與你喘息》、《地球上的最後一朶花》、Anson Lo（AL）《永順街39號》、姜濤《作品的說話》、Jeremy 《阿波羅》及Jer《坐看雲起時》。另外，MIRROR入圍「年度組合奬」；王智德、Jeremy分別入圍「新人男歌手奬」、Ian入圍「唱作歌手獎」；至於Jeremy 、王智德、AK、姜濤、AL、Ian、Jer及Edan則入圍「年度男歌手奬」共19個獎項， 問到Lokman及AK會否出現MIRROR成員內部競爭情況，他們指不只MIRROR，其他人也是勁敵，但他們對奬項並沒有看得太重，最重要也是專心做好作品，而AK則指今次頒獎禮的獎項比往年更專業，辛苦評判，問到是否有信心蟬聯組合奬？Lokman說：「希望粉絲愛戴令我哋可以蟬聯。」至於𨍭戰戲劇的AK 就表示看著隊友得奬也沒所謂：「影視都係作品，唔係剩係得音樂，大家行嘅路向唔同，咁我又唔係唔做歌，只係少啲，我自己冇乜所謂。」

大會公布入圍名單。

Lokman及AK。

MIRROR親回應林俊傑演唱會彈鐘事件

提到早前林俊傑（JJ）演唱會上發生「彈鐘」事件，Lokman指是溝通上的誤會，詳情與製作單位講的是一樣，至於是否需要安撫Ian？AK指對方沒有嬲，提到Ian unfollow對方的IG，AK說：「有時好難follow得晒，可能唔係unfollow，而係未follow，有好多行內嘅人，我都未follow，有時可能係合作過先follow。」至於有人在Ian的IG中留言攻擊，Lokman就認為大家是放大了事件：「事實擺咗出嚟，講咗俾大家聽，當然有權選擇唔信，但的而且確係製作單位出現咗溝通上嘅錯誤，Ian又冇唔開心，期待下一次，再準備好啲，希望下一次成事可以幫其他歌手做嘉賓。」問到會否影響他們與JJ 的關係？Lokman說：「罵戰都係出於大家對大家嘅愛，愛得太深，但有時要愛得開心，但有時為咗自己激氣就唔好，將愛扭一扭，令自己開心啲，就唔好針對喺對方上面，傷和氣。」而AK亦重申只是出現溝通上的錯誤：「我哋真係去到先知道溝通上出現錯誤，準備嘅歌唔同咗，令到表演唔能夠達成，就係咁簡單。(佢哋想你哋全部人上台？）係，中間嘅溝通錯誤。」他笑指自己當日也有帶JJ的CD到場打算找JJ簽名，所以最不開心的才是自己，希望下次能有機會再給JJ簽名。

另外，稍後姜濤、AL、Edan及Jer將會到馬來西亞出席音樂節賺外快，Lokman指他們一向也分小組行動，也開心他們能先行一步賺錢，更指已叮囑他們在那邊幫手播歌為他們宣傳。至於推出MIRROR商品時，因AL與姜濤的簡介中分別寫「Co - Star」與「Star」出事，Lokman指這是廠商寫的簡介，而兩人亦認為這兩個名詞的解釋是差不多，還呼籲大家不要為這件事而鬧交。

大量Lokman粉絲撐場。

還有其他MIRROR成員的粉絲。

Lokman及AK。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。