姚嘉妮赴首爾開30場直播帶貨 創銷售額記錄超過6位數

藝人姚嘉妮（嘉嘉）一向喜歡嘗試新事物，所以近年除了拍劇，也跳出框框加入直播帶貨行列。日前她便與Mixx Collection直播帶貨女王ViVi首度衝出香港，到首爾瓹窿瓹罅，為網民搜羅各款人氣產品，涵蓋美妝、護膚品、個人護理、衣飾、波鞋手袋、零食及內衣等，並即場開Live分享，結果吸引大批粉絲收看及支持，創下銷售佳績。

姚嘉妮加入帶貨行列。

今次合作可謂雙方一大突破，因兩位靚媽要暫時放下家中子女，飛到首爾進行連續7天的馬拉松式海外直播帶貨。行程雖然緊密，但二人寓工作於娛樂，一邊玩一邊開了近30場直播，平均每場更有近千人收看，估計總銷售額超過六位數字港元。

行程中，姚嘉妮與ViVi二人獲邀出席韓國人氣護膚品牌ELT的全亞洲新產品發佈會，與當地KOL合力宣傳及交流護膚心得。只見兩位凍齡美女打扮脫俗優雅，氣質不輸身邊的年輕KOL，Charm到爆！二人在直播中一邊品嘗韓國人氣糕點，一邊介紹和示範品牌全新星級產品—素顏霜。除了介紹產品，又即場玩網上直播有獎問答遊戲，令世界各地粉絲都能即時感受現場歡樂氣氛。

姚嘉妮與帶貨女王ViVi首度聯手衝出海外，玩轉首爾。

二人在首爾連續七日開了接近30場海外直播，平均每場吸引近千人收看，估計總銷售額超過十萬港元，認真厲害！

發佈會結束後，進擊二人組又勇闖仁川零食倉，大手一車購入兼介紹各款香港未入口的零食，相當誇張！嘉嘉與ViVi邊試食邊直播，大性大情的表現睇得各路姊妹心花怒放牙癢癢，更瘋狂下單，炸爆二人手機。除了現場直擊新品發佈會外，兩位靚靚星媽又走訪首爾其他地方做直播，介紹更多好物，包括時裝、護膚品及髮型用品等，每一場直播都吸引超多網民留言及下單爆買，反應十分踴躍！

姚嘉妮與ViVi邊試食邊直播。

零食倉試食直播成功掀爆買潮。

正所謂民以食為天，一場來到首爾這個美食之都，自然要一試地道美食！因此嘉嘉與ViVi在百忙中也抽時間與工作團隊品嚐6年米芝蓮推介的新鮮牛肉刺身及人氣火爆店的醬油蟹，並乘機到各特色景點打卡。

雖然今次的7天直播帶貨行程緊湊，每天更要由朝做到晚，只有數小時休息，但兩位的出色表現屢獲商家及觀眾粉絲讚賞。有網民大讚兩人靚女之餘，合作得好好，好有新鮮感，更特別讚揚姚嘉妮好稱職！連ViVi都感動表示：「嘉嘉真係好勤力，唔怕辛苦又學得快，雖然佢係女神級Artist，但夾落發覺完全冇架子，勁nice同好照顧人，成個Trip好好玩，好開心佢將最真實、最可愛嘅一面喺直播中呈現俾大家！」

兩位靚媽到北村韓屋村打卡！

姚嘉妮變身吃貨，大嘆韓國美食。

姚嘉妮亦連番感謝ViVi：「好多謝ViVi佢教咗我好多網上世界嘅知識呀，邊學邊做，好似上咗堂進修班咁！同ViVi合作好有默契，團隊又好好，成日都驚我肚餓食唔飽，準備咗好多嘢飲嘢食，等我哋做好每場直播。」姚嘉妮又衷心感謝商家及網民支持，並笑言知道好多靚靚姊妹「密密買但又怕老公知」、「發夢都打緊關鍵字搶貨」，所以好期待下一次再與ViVi合作，再去更多更遠的地方做介紹，分享好嘢畀大家。

ViVi生食香蕉皮。

而ViVi完成了韓國之旅後，即緊接飛去日本與當地上市公司有機農場合作，介紹好多嘢食，包括「生食香蕉皮」，突破再突破！

為了幫暗戀已久的人妻Miranda解決小三Fiona，Louis向林信獻計

由徐正康夥拍新鮮人陳萍 April 擔任監製、麥世龍擔任編審的《妳不是她》，逢周一至五晚八點半翡翠台播映，主要演員包括丁子朗（丁丁）、馮盈盈（Fyy）、黃庭鋒、張頴康、車婉婉、姚嘉妮、馬貫東、郭柏妍（Rosita）、林景程、彭慧中及黃婧靈（波波）等。8日一集笑中有淚，為了幫暗戀已久的人妻Miranda（姚嘉妮飾）解決小三Fiona（葉蒨文飾），Louis（張頴康飾）向林信（丁子朗飾）獻計，除撰寫超肉麻道歉宣言並逼阿信讀給Fiona聽，又代阿信前往夜店安撫Fiona。自稱「將軍澳梁朝偉」的Louis，原以為勝券在握，豈料反遭Fiona落藥整蠱，更被拍下及公開在夜店除剩孖煙囪及背心狂舞的窘態，淪為全城笑柄…最終夏莉（馮盈盈飾）用美人計從Miranda老公柳生（袁文傑飾）身上套取重要資訊，令Miranda終鼓起勇氣當眾爆柳生大鑊之餘，亦成功撮合了Louis與Miranda。

Louis向Miranda主動示愛，仲連環大叫「I Don’t Care」展現Man爆面，好震撼。

呢對ML CP，其實都幾浪漫。

呢對ML CP，其實都幾浪漫。

昨晚是張頴康Solo之夜，不但在廁所與丁丁讀信一幕默契十足、一凹一凸連放笑彈，向Miranda大膽說愛你兼連環大叫「I Don’t Care」亦相當經典，誇張討喜表情配以趣怪動作，獲網民大讚：「張頴康做傻傻地角色弗晒」、「演技真係掂」、「醉酒示愛好感動，兵唔易做」。角色自信過籠但又撞板多多的張頴康，夜店被落藥後熱舞一幕亦同樣精彩，單是手腳像抽了筋般瘋狂大跳「硬軚迷幻舞」已令人笑破肚皮；更爆的是，Chok到盡頭的張頴康驟眼看竟有幾分梁朝偉影子！其實現年42歲的張頴康，早前與太太麥雅緻玩直播時，已曾被指與《新紮師兄》時期的梁朝偉有點相像，當時麥雅緻亦大表認同。問到劇中「將軍澳梁朝偉」是否為了呼應事件，張頴康笑言相關封號只是大家臨場即興度出來，並沒任何特別寓意：「都係講笑改出來，仲有尖沙咀古天樂架。」對於獲網民讚逆齡有道，張頴康笑言全靠老婆：「我出名唔化妝又懶落妝，但我老婆應該有趁我瞓覺時幫我搽面，同埋日日畀好多Supplement我食，個盒嘅Size好大架。」

張頴康嘅誇張演繹勁有喜感，亦都好配合佢呢個矯情嘅角色人設。

張頴康同丁丁喺劇入面勁有默契，呢吓Louis嫌棄林信都幾盞鬼。

Louis話諗到對付Fiona嘅絕世好橋。

原來係一篇又老土又骨痺嘅道歉宣言，睇吓Louis對於自己嘅「傑作」幾咁陶醉，仲要林信喊添。

林信雖然嚇到大細眼，但依然違心地依足Louis吩咐去做，令到場口爆笑度一百分。

張頴康呢幾吓Chok到盡頭嘅樣，真係好偉仔。

呢個「將軍澳梁朝偉」只係台前幕後貪好玩臨時度出嚟。

呢Part跳到好似成身搽晒收縮水嘅「硬軚迷幻舞」真係好經典。

葉蒨文全情投入演出亦應記一功。

張頴康可以放到咁盡，真係好專業同好有功力。

至於與丁丁劇中的「廁所棟篤笑」火花四濺，張頴康大讚丁丁乖仔：「嗰時拍《解決師》已經覺得佢好乖仔，今次再同佢夾，發現佢依然好乖，好願意接受意見，合作起嚟確係好開心。」對於與姚嘉妮首度正式合作對手戲，張頴康則笑言：「初頭我都有少少驚，話晒前輩嚟，唔可以太失禮。但拍落發現佢好易話為、點都得，大家私下都會交換吓家長經咁。」劇中飾演女強人Miranda的姚嘉妮，角色亦甚有發揮，在公司鐵面無私、決斷力十足的她，對於老公連環出軌束手無策，最後要靠夏莉幫拖才成功與渣男老公斬纜。在劇中多以高貴OL形象示人的姚嘉妮，雖然已婚兼育有一子一女，但無論身段及樣貌均保養得宜，獲網民大讚「依然迷人」。

最後全靠夏莉出動美人計埋柳生身，Miranda先夠證據爆呢個渣男老公大鑊。

最後全靠夏莉出動美人計埋柳生身，Miranda先夠證據爆呢個渣男老公大鑊。

姚嘉妮獲讚保養得宜。

來到結局周，不少觀眾依然關注性情大變的夏莉真身到底是甚麼，昨晚仍有不少網民認為夏莉與愛貓Nana交換了靈魂；但隨著劇情發展，當網民發現夏莉手持的是7G電話時，即偵探頭腦大爆發，推斷「不一樣的夏莉」是未來人。想知最終真相？密切留意大結局周劇情發展。

因為呢部7G電話，夏莉真身