親自挑選4首歌向張國榮致敬 炎明熹素顏眼鏡Look上陣清唱具穿透力

Gigi好認真咁同工作人員研究啲歌應該點好。

其間仲要眼仔睩睩，好可愛。

談到素顏上陣，Gigi受訪時透露原來是其本人意願：「因為See Saw先嘅觀眾睇得最多就係我呢個樣，我同工作人員都覺得咁樣出鏡可能對佢哋嚟講更有親切感。其實我都唔係好鍾意化妝出鏡，呢個係我最舒服嘅狀態。」

Gigi表現非常認真。

Gigi對每個細節都好有要求。

工作人員又指對自己「精益求精」的Gigi，曾主動要求「重錄」致敬獻唱片段：「原本上星期拍咗一次，但Gigi覺得自己當時把聲爭咗啲，因為嗰日做完嘢有啲攰，佢就主動要求過幾日再錄過，好有誠意、對自己好有要求，亦都希望以最好嘅狀態向哥哥致敬。」在今晚播出的片段中，大家將會見到Gigi為每首歌錄音前，都會認真研究最適合清唱的Key、人聲及音樂聲應如何配合，甚至只是「兩個字」的歌詞，Gigi也會認真地研究出最圓滿的演繹方法，試key時又會眼仔睩睩邊錄邊諗點fine tune。

Gigi每錄一首歌之前，都好似整裝待發咁。.

Gigi唱起歌時七情上面。

Gigi唱起歌時七情上面。

此外，Gigi對工作人員態度亦相當友善，全程與大家有商有量之餘，於錄畢所有歌曲後亦有禮貌地向工作人員道謝：「感謝大家，辛苦晒！」錄音期間又一再為自己認真打氣：「我可以嘗試嘅！」，盡顯有禮可愛一面，難怪工作人員都封她做「幕後開心果」。

Gigi為自己打氣個樣好可愛，而佢對工作人員亦都好有禮貌。