為MIRROR現脫粉潮感不開心 呂爵安認同12子難齊人致人氣下滑

Edan透露正計劃MIRROR整團一齊拍綜藝節目，所以大家要等一下。

呂爵安（Edan）於3月29日到太古城出席電影《死屍死時四十四》首映禮，粉絲早早到場並將商場逼爆。

呂爵安（Edan）出席電影《死屍死時四十四》首映禮。

剛由日本返港的Edan表示，今次他首次到外地拍電影《盗月者》，雖然空閒時間不多，但也有趁機逛逛和去吃東西，享受私人空間，本來計劃相約姜濤和Jeremy等吃飯，可惜因28日晚仍要進行拍攝工作而未能成事，反而Anson Lo（盧瀚霆）則可以與隊友飯聚。

粉絲早早到場並將商場逼爆。

對於有指通關後「韓團」再度襲港的影響下，令MIRROR人氣下滑？Edan表示不清楚：「相信大家選擇多了，是一個機會或時候說給我們知道要更加努力，（韓團再次襲港有所影響？ ）我也好想去看BLACKPINK及周興哲，但每次都沒機會看，這樣大家可以看多些不同的東西，但本地的也有不同感覺，說到底要做好些。」

呂爵安對電影有信心。

近日網上「討論區」有網民以「Facebook出現大量鏡粉棄坑」作話題，看到不少疑似鏡粉出售MIRROR CD、應援物及周邊商品，疑似出現MIRROR脫粉潮，甚至有人嘲MIRROR由人氣男團變成「人棄男團」，Edan稱退坑是個人選擇，可能時間長了沒有想像中那麼鍾意，這是個人情感，這問題他們控制不到，但如果因粉絲感到他們做得不夠好、不夠叻，唯有努力做好些。

Edan稱鏡粉退坑是個人選擇。

Edan又說：「若你問我，見到粉絲脫粉，的確有些不開心，那是否我令她失望？為何由鍾意變成不鍾意我？唯有希望她再次鍾意我，因為她鍾意過一定會有些東西是鍾意的，（可有預到IG少了人追蹤的情況？）久不久也見到有人說不追你了， （數字多嗎？ ）他們很善良，不會特別跟你說我不鍾意你，他們很有人性的。」

有指MIRROR 因經常不齊人出活動導致人氣大受影響？Edan也有同感。

與此同時，有指MIRROR因經常不齊人出活動導致人氣大受影響？Edan也有同感，確實齊人出席機會較少，因為各自有不同工作，拍電影及拍劇較難放期，這方面的確有影響。Edan透露，正計劃MIRROR整團一齊拍綜藝節目，也該是遊戲節目，但因他仍有電影工作，所以大家要等一下。

希望努力做好挽回脫粉fans之心。

至於早前與Anson Lo在日本拍攝電影期間分享合照，被罵消費「田牧CP」，Edan罕有地在網上反擊，他解釋：「不是開火，大家理性討論，藝人很難拿到平衡，很容易被人抽秤，藝人也是人，見到一些未必是正確的東西，也要識得保護自己，不是要鬧或要嬲，也不是要引起罵戰，只想帶出一些事實道理，是否需要那麼多負面攻擊呢？」

Edan對在網上反擊被罵消費「田牧CP」，他稱只是理性討論，並不是開火。

Edan覺得藝人也是人，要識得保護自己。

與導演合作愉快。

此外，ERROR成員何啟華（阿Dee）亦有現身首映，談到有有指MIRROR出現「脫粉」潮，阿Dee說：「這是每個人的自由，鍾意便會繼續鍾意，不鍾意則仍會不鍾意，（ERROR驚不驚有同樣情況發生？）我當然不驚，本來都冇人鍾意我，現在多了人鍾意我，已經贏了昨日的自己。」

何啟華笑指這次來支持導演何爵天，並不是捧呂爵安場更說：「Edan不入流啦！」

何啟華稱《毒舌大狀》帶挈工作增加，連馬來西亞的人認識到他。

呂爵安新mv自己有份構思。

呂爵安Edan的E式情歌每次都帶來驚喜，而今次新歌〈油麻地莎士比亞〉，便驚喜地與創作團隊製作了一個很貼地、充滿港式情懷的MV，不過更驚喜（還是驚嚇？）是歌名無意中提早劇透了，就連Edan本尊都嚇親，不過幸好未有影響其他細節。另外，Edan這次有份參與構思MV畫面，事後更坦言希望日後能親自執導MV。

呂爵安與創作團隊製作了一個很貼地、充滿港式情懷的MV

如果有留意Edan Instagram account，都會一早知道歌名叫做〈油麻地莎士比亞〉，Edan回想這事也自覺失策，他說：「喺錄音最後一日，好興奮想同大家Share劇透少少，影咗歌詞Share Story，點知Post完好快就見到有人講〈油麻地莎士比亞〉，我都即刻嚇親，究竟乜嘢事？點解講咗歌名？然後都肯定自己唔小心Post咗出嚟。」Edan自爆歌名後，原本都有想過刪除Story，但都知大遲了，更說：「反正都Seven咗，咪俾大家知道囉！其實都冇乜所謂，係命運安排先發生咗呢件事情。」

說回歌曲，今次再有〈E先生連環不幸事件〉的班底：溫瀚文加上李俊緯作曲，黃偉文填詞、Edward Chan監製參與，Edan形容是一個很神奇的合作，他說：「Edward搵啲作品返嚟，通常我都唔會知邊個作，純粹聽Demo 俾我感覺，同埋Base On 旋律，係去到好後期先知溫瀚文有份寫，所以都好Surprise，因為〈E先生〉之後都冇唱過佢寫嘅嘢，所以一知係Raymond寫，就覺得好奇妙，有一種Connection喺度。」歌詞方面，Wyman這次也寫了一個很有意思的題材，Edan十分喜歡，他回憶歌詞誕生過程道：「我同Wyman、Edward有個Group，俾咗Demo Wyman聽之後，某日佢話諗到條橋，叫我聽下鍾唔鍾意，條橋就係〈油麻地莎士比亞〉。」而歌詞概念，其實就是講述一個中文水平很低的男生，每日都寫一首詩送給喜歡的女生，大眾可能會覺得男生寫的內容很奇怪、字體核突，用字又唔夠靚，但其實這已是男生認識的字裡面最靚的用字。歌曲想表達誠意同心意，比出來成品有多好來得緊要。

mv有不少Edan寫詩追女仔畫面

mv畫面截圖

mv畫面截圖

mv畫面截圖

Edan透露，其實自己過去都試過用類似方法追女仔，他回憶道：「求學階段試過想追一個女仔，有一個好好朋友嘅中文補習阿Sir就教我每日寫篇文俾對方，佢話自己都係用呢招，用誠意打動咗個女仔，叫我不如都試下，咁我都每日Send Message，打篇文俾佢，都持續咗百幾日，但最終係失敗咗。所以聽完Wyman講，都覺得現實中真係有男仔會咁做。雖然呢件事唔一定Work，但就好Sweet。」不過Edan亦提示大家：「呢招唔可以亂用，有時有啲嘢冇得夾硬嚟，係真係打動緊人還是煩緊人，兩睇。」

Edan透露，其實自己過去都試過用類似方法追女仔

mv畫面截圖

因為歌曲背後的有趣想法，來到MV裡，Edan變身成為了茶餐廳外賣仔，他喜歡了一個經常嗌外賣的女生，而故事就由這裡展開。Edan表示：「角色塑造成貼地啲嘅男生，但鍾意一個藝術少少嘅女仔，想追佢，於是用佢唔擅長嘅方法，就係寫詩寫字，寫得好核突好奇怪，但用心意誠意打動佢。」為了呈現這個充滿港式情懷的故事，MV裡設計了很多可愛的畫面，他說：「裡面有啲好可愛嘅畫面，例如放到成枱外賣盒，要諗寫啲乜嘢俾佢，喺茶餐廳練習點樣喺高級餐廳向對方表白，寫喺手掌向對方表白等等，呢啲都係好可愛，又青春又貼地嘅故事情節。」

MV裡，Edan變身成為了茶餐廳外賣仔，他喜歡了一個經常嗌外賣的女生

mv裡面有啲好可愛嘅畫面

青春又貼地嘅故事情節

其實MV裡一些有趣的畫面，Edan都有參與構思，他解釋道：「今次參與度又比以往多少少，因為同導演已經合作過好多次，好多謝佢哋願意俾我去嘗試一啲我想像、覺得可能好睇嘅畫面。老實講，我冇學過任何有關導演嘅嘢、拍攝上嘅嘢，但係入行耐咗，漸漸地會有啲想法，平時冇機會嘗試，今次可以即席創作。佢哋都會俾專業意見話俾我聽可唔可以，然後再試。」Edan坦言都唔肯定出來效果如何，但這是難得的經驗。那麼日後可會嘗試做導演？Edan道：「都有咁嘅念頭，但我未必係一個可以由零開始生一嚿嘢出嚟嘅人，我比較鍾意喺有條橋嘅情況下，喺上面再生啲嘢出嚟。如果有機會，我都想第時有隻歌我真係同佢哋一齊玩，但係我做導演的話，大家從旁幫助我，都希望日後有咁嘅作品，因為平時都冇咁嘅機會嘗試，自己MV就可以自肥試吓！」