政府完成荃灣和南區「地區服務及關愛隊伍」（「關愛隊」）的遴選工作，今日（30日）公布結果。這些率先成立的「關愛隊」，街坊對關愛隊有咩期望？
民青局在社交專頁上載「民政幫到你」主題影片，聆聽市民需求，亦進一步介紹關愛隊嚟緊會做啲乜。
長者期望關愛隊能幫忙安排義工陪同覆診。
雙老家庭長者芳姐就最期望，關愛隊可以幫到老人家，陪佢哋覆診，開辦活動，俾老人家可以開心吓。
關愛隊如果能幫忙搞嘉年華、運動，小朋友就開心喇。
對於小朋友來講，關愛隊又可以點樣幫到佢哋呢？今年6歲的陳小朋友就許願話，希望關愛隊可以幫到手搞嘉年華同埋運動會，相信當區的小朋友可以共同期待吓喇。
Calvin想關愛隊「幫」自己成為關愛隊義工，一齊貢獻社區幫助街坊。
至於大學生Calvin，他想要關愛隊幫自己的，則是能夠被錄用為關愛隊義工。他說，作為社區的一份子，好希望能夠參加相關活動，貢獻自己的社區，出一分力。
據悉，首批「關愛隊」，荃灣有19個團體獲選，南區則有17個團體獲選。荃灣和南區民政事務處已於今日通知獲選團體，並與其會面，積極準備成立「關愛隊」的工作。荃灣和南區民政事務處稍後會與獲選團體就獲接納的服務計劃簽訂資助協議，以期於4月內起動兩區的「關愛隊」，為各位居民服務。
民青局局長麥美娟介紹，其餘十六區「關愛隊」亦已經開始接受報名，逐步起動。她表示，全新推出的「關愛隊」是基層治理及地區服務的新方向，有三大特色，第一是凝聚資源，結合政商民力量，第二是覆蓋全港，由下至上調動大家互幫互助的積極性；第三是以小區為本，「關愛隊」小隊會視乎區情，為居民提供最合適的幫助。「民青團隊會汲取經驗，不斷完善，期望社會各界一齊支持及參與關愛隊，齊心共建美好社區。」
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
