港女投訴男友鍾意食「壓扁菠蘿包」網民反應不一有人笑：不如食餅

香港招牌美食「菠蘿包」價廉味美，圓碌碌的外型，加上金黃脆皮層，外面鬆化入面軟綿，深受眾多人歡迎，不過大家食法或有不同？近日一港女於討論區發文抱怨男友把菠蘿包壓扁後給她吃，她表示自己食菠蘿包從來不會壓扁吃，完全不能理解這種食法，更罰男友「買多個菠蘿包畀我食」。帖文引來網民關注，不少人認為壓扁後容易入口，支持男友壓扁食法；亦有不少人稱絕不會壓扁食，指會破壞菠蘿包鬆軟口感。

菠蘿包是經典下午茶餐點。示意圖

該港女於香港討論區以「有幾多人會壓扁個菠蘿包」為題發文，指日前男朋友買了兩個菠蘿包作早餐，當男友吃菠蘿包時她才發現男友喜歡把菠蘿包先壓扁才吃「話壓扁左易入口啲，唔會跌到啲碎周圍都係」。

而最令樓主崩潰的是男友竟然把她的菠蘿包也壓扁後才遞給她，但樓主喜歡的是菠蘿包鬆軟的口感，不習慣壓扁吃「仲幫我壓扁埋我個菠蘿包，我食菠蘿包唔鍾意壓扁嚟食，明明個包整到咁鬆軟，壓扁左口感咪冇左」。於是樓主罰男友再買一個菠蘿包給她，亦表示無法理解為何要把一個鬆軟的包壓實吃「唔知有幾多人會壓扁個菠蘿包食？咁食好食啲咩？你地會點食菠蘿包？」

港女於討論區發文表示不理解為何男友喜歡把菠蘿包壓扁吃。

帖文引來不少網友親身分享食菠蘿包的喜好，不少人也同樓主男友一樣喜歡壓扁「壓左d碎唔會跌到周圍係」、「我會，壓扁咗係另一種口感」、「我會，有啲鋪做得太大個太鬆，我唔係整碎佢，壓扁少少易入口好多」、「最近我都開始壓扁黎食，又好似幾好噃，無乜跌碎出來，大大啖食，正」、「個人鍾意壓扁因為口感變得實正d」、「鍾意攞叉禁扁佢，用叉食」。

但亦有很多人表示不習慣壓扁吃，怕影響鬆軟口感「我接受唔到壓扁來食，無哂鬆軟感，D皮又跌哂」、「我都接受唔到！就算壓扁食都係會跌碎碎」、「一定唔會壓碎，唔明你男友邏輯」、「聽到嬲左，食菠蘿包壓扁黎食咁點唔直接食餅」、「你男友唔好侮辱左d菠蘿包」。

「壓扁」、「不壓扁」各有各支持者。示意圖

有網民亦表示各有各喜歡的吃法，認為樓主男友雖然喜歡壓扁，但也應問問女友想怎樣吃以示尊重「你鍾意食扁嘅菠蘿包冇問題，口味嘅嘢唔係個個一樣，但做乜要整扁埋人哋個菠蘿包，口味唔同可唔可以尊重下」、「每個人食法喜好唔同姐，但做之前問吓嗰個人想唔想先，咁會好啲」。

網民意見紛紛，各抒己見。

帖文來源：香港討論區

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！