港女投訴男友鍾意食「壓扁菠蘿包」網民反應不一有人笑：不如食餅

香港招牌美食「菠蘿包」價廉味美，圓碌碌的外型，加上金黃脆皮層，外面鬆化入面軟綿，深受眾多人歡迎，不過大家食法或有不同？近日一港女於討論區發文抱怨男友把菠蘿包壓扁後給她吃，她表示自己食菠蘿包從來不會壓扁吃，完全不能理解這種食法，更罰男友「買多個菠蘿包畀我食」。帖文引來網民關注，不少人認為壓扁後容易入口，支持男友壓扁食法；亦有不少人稱絕不會壓扁食，指會破壞菠蘿包鬆軟口感。

菠蘿包是經典下午茶餐點。示意圖

該港女於香港討論區以「有幾多人會壓扁個菠蘿包」為題發文，指日前男朋友買了兩個菠蘿包作早餐，當男友吃菠蘿包時她才發現男友喜歡把菠蘿包先壓扁才吃「話壓扁左易入口啲，唔會跌到啲碎周圍都係」。

而最令樓主崩潰的是男友竟然把她的菠蘿包也壓扁後才遞給她，但樓主喜歡的是菠蘿包鬆軟的口感，不習慣壓扁吃「仲幫我壓扁埋我個菠蘿包，我食菠蘿包唔鍾意壓扁嚟食，明明個包整到咁鬆軟，壓扁左口感咪冇左」。於是樓主罰男友再買一個菠蘿包給她，亦表示無法理解為何要把一個鬆軟的包壓實吃「唔知有幾多人會壓扁個菠蘿包食？咁食好食啲咩？你地會點食菠蘿包？」

港女於討論區發文表示不理解為何男友喜歡把菠蘿包壓扁吃。

帖文引來不少網友親身分享食菠蘿包的喜好，不少人也同樓主男友一樣喜歡壓扁「壓左d碎唔會跌到周圍係」、「我會，壓扁咗係另一種口感」、「我會，有啲鋪做得太大個太鬆，我唔係整碎佢，壓扁少少易入口好多」、「最近我都開始壓扁黎食，又好似幾好噃，無乜跌碎出來，大大啖食，正」、「個人鍾意壓扁因為口感變得實正d」、「鍾意攞叉禁扁佢，用叉食」。

但亦有很多人表示不習慣壓扁吃，怕影響鬆軟口感「我接受唔到壓扁來食，無哂鬆軟感，D皮又跌哂」、「我都接受唔到！就算壓扁食都係會跌碎碎」、「一定唔會壓碎，唔明你男友邏輯」、「聽到嬲左，食菠蘿包壓扁黎食咁點唔直接食餅」、「你男友唔好侮辱左d菠蘿包」。

「壓扁」、「不壓扁」各有各支持者。示意圖

有網民亦表示各有各喜歡的吃法，認為樓主男友雖然喜歡壓扁，但也應問問女友想怎樣吃以示尊重「你鍾意食扁嘅菠蘿包冇問題，口味嘅嘢唔係個個一樣，但做乜要整扁埋人哋個菠蘿包，口味唔同可唔可以尊重下」、「每個人食法喜好唔同姐，但做之前問吓嗰個人想唔想先，咁會好啲」。

網民意見紛紛，各抒己見。

帖文來源：香港討論區

近日有網民上載照片，展示其所住屋苑特別製作的聖誕樹，與一般以燈飾、掛球裝飾的聖誕樹不同，這棵樹全由住戶捐出的毛公仔拼砌而成，充滿社區共融的溫暖感覺。

「公仔聖誕樹」充滿社區共融的溫暖感覺。Threads截圖

靚過好多大商場的聖誕樹

該網民分享自己所住屋苑特別製作的聖誕樹，與一般的以花花草草、波波燈和吊飾裝飾的樹不一樣，這個屋苑的聖誕樹用上多隻公仔拼砌而成，而樹上所有公仔均由「住戶捐出嚟」！難怪樓主自豪表示「我覺得自己屋苑棵聖誕樹靚過好多大商場嘅聖誕樹」。

樓主自豪表示：「我覺得自己屋苑棵聖誕樹靚過好多大商場嘅聖誕樹」。Threads截圖

驚現提子聖誕樹

帖文在Threads引起熱議，有網民隨即分享自己所住屋苑的聖誕樹，發現不少屋苑有同樣做法！其中有屋苑的聖誕樹更是掛滿警方的防騙吉祥物「提子」，十分趣緻。

「提子」聖誕樹十分趣緻。Threads截圖

「提子」聖誕樹十分趣緻。Threads截圖

網讚「有意義」

樓主補充，節日過後屋苑事會將聖誕樹「捐出去俾小朋友」，不會造成浪費。不少網民大讚「靚之餘又有意義」、「係住戶們凝聚既感情&力量」。