憂燒紙紮手機先人唔識用？ 網民笑言：下面可能用緊冥通pay

愈來愈多市民在清明節選購潮流紙紮祭品，希望給先人送上智能手機、手表及食品等。有網民近日卻反映「拜山買新式衣包，阿爸話先人唔會識用……」。回應的網友反指「iPhone個Steve Jobs（喬布斯）都係下面啦......怕下面先進過我哋就真」、「下面可能已經有『冥通pay』」。

愈來愈多市民在清明節選購潮流紙紮祭品。資料圖片

樓主日前在網上「香港討論區」發文，表示「以前每年都係阿爸買衣包啲嘢，今年阿爸叫我幫手買諗住買啲新款嘢。見以前阿爸唔會買電話電腦嗰啲，我驚先人太悶咪買咗新版iphone同埋新電腦燒畀佢哋，買完返去阿爸問我做咩要買呢啲電子嘢？呢啲新款嘢佢哋邊識用？喺下面都要學用新嘢咁攰？」

紙紮電子產品。資料圖片

樓主續指「結果阿爸叫我手寫份說明書燒埋畀佢哋，如果唔係驚佢哋唔識用報夢搵我哋就唔好……」。

紙紮金表。資料圖片

回應的網民卻看好地府科技發展一日千里，指「分分中地府仲先進過我哋」、「可能地府已經有無人駕駛汽車」、「下面可能已經有『冥通pay』，只要有智能電話不需要實體冥通鈔」。另有人還一語中的，指「iPhone個Steve Jobs都係下面啦......怕下面先進過我哋就真」、「下面開緊Steve Jobs新iPhone發布會」、「下面可能用緊蘋果20了」。

紙紮口罩。資料圖片

見到樓主提到要手寫說明書，有人好心提醒「iphone無跟說明書好多代了。寫條link畀佢自己上網睇」。另有人指，「過咗咁耐，一早投晒胎轉世啦，仲地府」，還有人建議樓主「同你老豆講，佢地唔會用，你會用嘛，依家燒定，將來咪唔使燒囉......」。

帖文來源：香港討論區

市民在紙紮鋪選購衣包。資料圖片

紙紮金表。資料圖片

新加坡紙紮貓山王榴槤。資料圖片

Steve Jobs。資料圖片

有港女在社交平台Threads發布影片，指在旺角GU分店的服裝貨品上，發現一隻紅色蟲子在衣袖來回攀爬。該女網民大感震驚，即時驚呼「呢隻會唔會係日本直送床蝨？」

有港女發現一隻紅色蟲子在衣袖來回攀爬。Threads截圖

過程令人心有餘悸

該港女指，那天因天氣寒冷想買件衣服即時穿着，見到蟲子後嚇得立刻走開，直言過程令人心有餘悸。她也補充，離開店鋪後已透過電郵向GU反映事件。

網民憂「跟返屋企」

帖文迅速引發網民關注，不少人留言直呼「可怕」。有網民提醒「好彩你有影到，跟咗返屋企就大鑊」，亦有人擔心「會唔會有人拎完嚟試，喺身上跳咗去件衫度」，更有網民直言「惹到床蝨真係食得屎」，呼籲大家轉發提醒，避免更多人受影響。

不少人留言直呼「可怕」。Threads截圖

GU回應：全面檢查並滅蟲

事後，GU方已在該女網民的影片帖文下留言回覆，指高度重視事件，已對旺角分店展開全面檢查。品牌強調今次事件屬「個別情況」，為保障顧客購物體驗，店舖將於日內進行全面滅蟲，同時正調查相關商品來源，並計劃加強入貨及陳列前的檢查流程。

GU方面已在該女網民的影片帖文下留言回覆。Threads截圖

真身比床蝨更棘手

翻查資料，事件中「怪蟲」可能並非床蝨，而是蟎蟲，且以殺滅難度而言，比床蝨更棘手。蟎蟲體長僅0.2至0.3毫米，肉眼難以察覺，常藏身室內灰塵中，尤其偏愛床褥、地毯、梳化等軟墊環境。

蟎蟲比床蝨更棘手。資料圖片

對塵蟎過敏者接觸後，可能出現呼吸困難、胸悶、喘息、咳嗽等症狀，嚴重時更會引發哮喘。預防蟎蟲需定期清潔家居、保持室內乾燥，並可適當使用除蟎產品。