家長托起夾公仔機起勢搖 小朋友有樣學樣網民鬧爆

自助夾公仔店近年開得成行成市，幾乎梗有一間喺商場。有家長帶同小朋友到夾公仔店玩樂時大力搖動遊戲機，行為被店內的閉路電視直擊，惹起網友狠批，形容是「完美表演咩叫無家教」。

有家長帶同小朋友到夾公仔店玩樂時，大力搖動遊戲機。網上截圖

有網民4月2日凌晨零時34分，以「愚人節緊係要happy下啦，搖呀搖，推呀推，團體合作~~」、「開心過節日」、「三人之巔節目」為題發帖，將兩段分別長1分30秒和30秒的短片上載至facebook討論區「筲箕灣西灣河關注組」。

網民奇怪「其實佢知唔知CCTV影緊？定係覺得自己咁做冇問題？」。網上截圖

帖文沒有列明地點，也不知道片中人的關係，但從各人的表現估計是一家人。兩段短片的拍攝時間分別為2023年4月1日17時17分07秒至 5時18分37秒，和17時21分36秒至5時22分06秒。

第二段片開始時，女孩、男童和成年男子將目標轉移至店外一部較小型的遊戲機。網上截圖

片中見到一行人入店後，對近門口的一部遊戲機很感興趣，做過疑似投幣動作後，女童作勢搖機，同行男女並無阻止，似乎正打量機件結構。

女孩拍打機頂。網上截圖

各人及後於店內充滿好奇的閒逛，在內走滿一圈後，各人返回原機位置，但見成年男子先是搖動遊戲桿，接著發力推向遊戲機，女童見狀也上前出手合力搖機。首段短片就此完結。

男子把遊戲機托起搖動。網上截圖

而攝於17時21分36秒至5時22分06秒的短片，一開始時見到女孩、男童和成年男子將目標轉移至店外一部較小型的遊戲機，男子正把遊戲機托起搖動，女孩和男童接著出手幫忙加一把勁，並拍打機頂。

遊戲機被愈搖愈低。網上截圖

女童還不時蹲下視察出口位置。女童視察後不久，也見成年女子上前蹲下視察。眾人在店外搖機搖得相當投入，並無理會店內正有兩名青年顧客。

女童不時蹲下視察出口位置。網上截圖

網民：不如成部機搬返屋企慢慢攪

網友看過片段後均批評當中的行為，有人形容「完美表演咩叫無家教」，樓主回應指「各有各家規」、「佢一定會自作自受的」。

成年女子走近遊戲機。網上截圖

另有人指「……不如成部搬反屋企搖啦！身教都無！」、「橫掂都係、不如成部搬埋佢返去啦」、「咁玩法，不如成部機搬返屋企慢慢攪好過啦！喺條街度咁攪咁肉酸」、「不如成部抬走丫！」、樓主則指「抬走就無咁好玩了~~」、「抬走咗日日對住就無興趣玩」。

男童出手幫忙加一把勁。網上截圖

還有網民奇怪，「其實佢知唔知CCTV影緊？定係覺得自己咁做冇問題？」；有人還表示「睇吓，佢自己個女都喺度搖！學得幾快，真係唔好再生 ，生多幾個幾個係咁搖，成間店十幾部搖晒」、「過多廿年仔大女大就打大佬，去推提款機」。

帖文來源：筲箕灣西灣河關注組

西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！

正方形西多士 離奇分為兩塊

網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。

示意圖。《愛回家》劇照

FB圖片

有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。

網友狠批：點解仲可以比客人食

網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。

網友：斬件上冇收多你兩蚊，你賺咗啦

有網民覺得業界應該檢討下「求其到呢.....d業界無生意又賴呢樣賴果樣，就從未聽過講自己問題」、不過都有網民以搞笑理由安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。

示意圖。《愛回家》劇照