由文偉鴻（Jazz）監製、林麗媚、梁恩東編審的《大棧秘魯黑瑪卡呈獻：隱形戰隊》，逢周一至五晚八點半翡翠台播映。3日一集再有新個案，主角為大力（郭子豪飾）及大力中學師妹詩婷（林凱恩Iris飾）。憑《愛‧回家之開心速遞》Bonnie成功入屋的Iris，是次角色相當有發揮，由學生妹開始演起的她，無論性格或是造型均十分多變。先說造型，Iris的學生妹造型雖然滿臉痘痘，但由於傻更更又帶點純真害羞，入屋度高。學生時期已是大力頭號「迷妹」的詩婷，曾當眾向大力示愛，可惜因臉上暗瘡慘遭還未懂事的同學們取笑；當時滿臉委屈的Iris喊得楚楚可憐之餘，演技亦十分自然；網民大讚她的眼鏡Look可愛，角色設定亦很新鮮。
呢個學生妹造型雖然唔係行女神路線，但都好可愛。
Iris嘅喊戲自然得嚟楚楚可憐。
除了學生妹造型，疑似捲入神秘組織及有吸毒惡習的詩婷，不時會被指示作性感打扮及濃妝亮相，與平時侍應的清爽有禮Look截然不同。另Iris角色遭遇亦甚有故事性，更會與郭子豪有一段刻骨銘心的愛情故事。談到詩婷這個角色，Iris坦言有難度：「今次角色最大挑戰，係要將馬詩婷呢個悲劇人物經歷嘅所有嘢，喺短短幾集表達晒出嚟，既要畀人感受到佢遇番以前愛人嗰種喜悅同夢幻，亦都有好多其他唔同程度嘅複雜情緒要處理，所以要事前做好多功課。」Iris續指單是學生妹造型，已花了不少心思：「我自己最鍾意學生Look，因為同以往嘅靚女造型唔同，想做到一種宅女迷妹嘅感覺，事先都參考咗好多唔同角色，好似野田妹，造型上係特登設計得老土少少同埋化多啲痘痘，令到馬詩婷感覺更加冇自信。」
點擊看圖輯
呢個學生妹造型雖然唔係行女神路線，但都好可愛。
Iris嘅喊戲自然得嚟楚楚可憐。
林凱恩嘅侍應Look勝在笑容燦爛，好GFable。
謎之女郎Look
性感女郎Look
詩詠嘅火辣Mode
正當二人打得火熱之際，寶寶整跌咗當年同Ocean嘅「愛的信物」。
因為知道Ocean一直keep住兼默默修補好二人嘅「愛的信物」，寶寶由火辣mode進入咗感動mode。
可惜因為嬌姐嘅亂入，突然又變咗尷尬甩碌mode。
詩詠喺劇入面其實都有唔少喊戲，但佢每次嘅演繹都有唔同，好考演技，今次佢唔單止喊得委婉，仲有啲楚楚動人。
呢間「浪漫小屋」，劇組花咗唔少心思照住原裝模型去搭建，淨係搵相似度高嘅配件同陳設，已經搵咗好耐。
O寶終於有情人終成眷屬了。
林凱恩嘅侍應Look勝在笑容燦爛，好GFable。
謎之女郎Look
性感女郎Look
3日晚另一焦點劇情則為寶寶（唐詩詠飾）及Ocean（馬國明飾）復合。之前《隱形》記招因率先播映了詩詠與馬明的「激烈床戰」引發迴響。昨晚劇集相關部分正式出街後亦惹來熱討，原來該幕「火辣」床戲不但加插了「浪漫小屋」感人戲碼，最終卻因為嬌姐（程可為飾）亂入搞笑收場，原本被感動至落淚的寶寶，眼淚都還未乾掉，便要趕著穿回衣服，忙亂間更著錯Ocean外套，場面尷尬。該幕詩詠絕對過足戲癮，皆因當火辣床戲如箭在弦之際，竟先後爆出洋蔥及搞Gag戲碼，而詩詠的尷尬搞笑樣亦交足功課，再度搶焦成功。
詩詠嘅火辣Mode
正當二人打得火熱之際，寶寶整跌咗當年同Ocean嘅「愛的信物」。
因為知道Ocean一直keep住兼默默修補好二人嘅「愛的信物」，寶寶由火辣mode進入咗感動mode。
可惜因為嬌姐嘅亂入，突然又變咗尷尬甩碌mode。
詩詠喺劇入面其實都有唔少喊戲，但佢每次嘅演繹都有唔同，好考演技，今次佢唔單止喊得委婉，仲有啲楚楚動人。
其實「浪漫小屋」已非首次閃現劇集，背後更有超感人故事，事緣當年寶寶向Ocean提分手時，曾親手毁掉Ocean為求婚專誠砌建的「浪漫小屋」；為了補償被錯怪多年的Ocean，寶寶獨自一手一腳重建「真‧浪漫小屋」，欲向Ocean展示道歉誠意，當中的陳設及裝修更與原本的模型有八成相似，場面甚是壯觀浪漫。據知劇組為了相關場口，花了半個月時間尋找「浪漫小屋」模型及與模型相似度甚高的陳設及裝修，相當有誠意。
呢間「浪漫小屋」，劇組花咗唔少心思照住原裝模型去搭建，淨係搵相似度高嘅配件同陳設，已經搵咗好耐。
O寶終於有情人終成眷屬了。
