4月14日，大致多雲，日間短暫時間有陽光，日間天氣溫暖。美國周三公布CPI略低於市場預期，雖然聯儲局仍有官員在當晚放鷹，但隔晚公布PPI同比僅上升2.7%，進一步確認通脹正降溫，喺通脹暫無壓力下，美股隔晚做好，三大指數上升。道指升383點，重返34000水平；標指亦成功突破4100阻力，升54點；納指更升236點，升幅接近2%。今晚將有銀行股揭開業績期序幕，即管睇下美國如何渡過今次業績期。
CPI跟PPI公布後，市場樂觀情緒升溫，雖然聯儲局喺5月可能仍會繼續加息0.25%，但利率大有機會見頂，市場更有人預期最快喺7月減息，不過古天后則傾向相信，5月加息0.25%後，只會暫停加息，聯儲局未必會喺咁短時間之內，由加息轉減息，總得只停止加息再作觀察，至少需要三兩個月作為緩衝期，較大機會係至第四季先開始減息。
美國嘅重磅企業自去年第四季開始裁員，唔少分析認為裁員潮下，令民眾變得不願消費，但睇返全球最大的奢侈品供應商LVMH 集團，首季度營收增加17%，遠超預期9%，其中以時裝及皮革製品增幅最大，留意呢啲貨品都非必需品，而係因應喜惡而買入嘅消費品，換句話講，消費市場並未有因為裁員潮受重大影響。呢個亦正正反映，美國實體經濟未見大差，即使坊間不斷有預測指美國經濟今年或陷入衰退，呢一點古天后從不認同，美國經濟確有機會放緩，但就未至於陷入衰退咁大鑊。呢個亦係古天后認為美股可以逢回吐就趁低吸納嘅原因。
美股隔晚氣氛良好，連帶周三晚插水嘅中概股亦見反彈，盤前又見所謂AI概念股作動，知乎(ZH)公布大搞AI「知海圖AI」，盤前股價一度急升17%，不過開市後高位乏承接，最終收市僅升1.6%，升幅大大縮水。其他中概股雖有反彈，只不過反彈力度一般，未能成功收復上日失地。
至於港股噚日低開高走，最終竟能轉燈倒升收市，唔少人認為港股轉強，但全日成交不足1100億元，咁嘅成交叫人點相信港股係真有資金流入推升大市。講到底自3月份開始，港股都只不過係區間上落，個別股份又係好消息出貨，百度(09888)玩ChatGPT，阿里(09988)跟京東(09618)玩重組分拆，通通都係好消息出貨，百度更已跌穿140元，幾乎打回原形，阿里亦未能回復紅底股身份，京東更加係一直跑贏，講到尾就係外資唔信你中概股，尤其經過舊年嘅嚴厲監管，乜嘢都係阿爺說了事，外資怕咗中概股所謂政策風險，同樣係AI概念，倒不如買美股嘅MSFT其至NVDA，畀貴少少都唔願平買中概，呢個亦係港股愈玩愈縮嘅原因，投資者只會捨難取易，港股畀中資大控制，入場屢屢被割韭菜，試問醒目資金又點會原意入場做點心。
摩根士丹利列出29隻受美國關稅影響的中港股份，其中10隻為港股。
港股受影響名單如下：阿里巴巴(09988)、比亞迪電子(00285)、創科實業(00669)、海爾智家(06690)、美的集團(00300)、瑞聲科技(02018)、申洲國際(02313)、ASMPT(00522)、敏實集團(00425)、耐世特(01316)。
圖片來源：阿里巴巴官網
大摩表示，美國對中、加拿大及墨西哥的加徵關稅行動，影響較該行所預測的基本情境壞，未來風險傾向下行 – 風險較高、廣及持久。由於企業盈利、估值及流動性可能面臨逆風，重申對中國股市持審慎態度。
摩根士丹利建議選擇防守性及質優股份。
該行建議避開29隻中港股份，因其受關稅打擊風險較大，又提出8隻環球供應鍊較分散，風險較小的股份。
大摩預測MSCI中國2025盈利增長5% 低於市場共識
大摩稱，由於特朗普的關稅，該行估計在基本情境下，MSCI中國的平均盈利增長為5%，市場共識為9%。
估值方面，由於美國通脹壓力增加，將影響聯儲局政策及環球債息環境，拖累資金成本及估值，MSCI中國現時預測市盈率為10.5倍。該行稱，根據2018至2019的經驗，每次關稅出現壞消息，MSCI中國的估值在未來數月平均降級1個市盈率點子。
該行預測，在基本情境下，2025年MSCI中國的目標為63點，恒生指數目標19400，分別較水平低3.6%及4.2%。
圖片來源：比亞迪電子官網
10隻受影響港股，來自美國的收入及加拿大/墨西哥生產佔比(佔銷貨成本COGS百分比)如下 :
阿里巴巴(09988) : 來自美國收入佔10%，加拿大/墨西哥生產佔比不詳。
比亞迪電子(00285): 來自美國收入佔50%，加拿大/墨西哥生產佔比0%。
創科實業(00669): 來自美國收入佔75%，加拿大/墨西哥生產佔比5%
海爾智家(06690) : 來自美國收入佔30%，加拿大/墨西哥生產佔比10%至12%。
美的集團(00300): 來自美國收入少於10%，加拿大/墨西哥生產佔比0%。
瑞聲科技(02018): 來自美國收入佔58%，加拿大/墨西哥生產佔比少於5%。
申洲國際(02313): 來自美國收入佔16%，加拿大/墨西哥生產佔比16%。
ASMPT(00522): 來自美國收入佔 14%，加拿大/墨西哥生產佔比0%。
敏實集團(00425): 來自美國收入佔18%，加拿大/墨西哥生產佔比11%。
耐世特(01316): 來自美國收入佔54%，加拿大/墨西哥生產佔比23%。
在美國上市的拼多，來自美國收入佔20%，加拿大/墨西哥生產佔比0%。
然而，大摩所列8 隻較受惠環球供應鍊分散的股份中，申洲國際同樣榜上有名。
申洲國際官網
創科來自美國收入高達75%。(圖片來源：創科實業官網)
