林婆婆狂rap菜名一夜爆紅 港鐵宜家齊搞笑靚抽

林婆婆在電台快答問題環節回答「唱歌組合」時，卻因數白欖式狂rap菜名而一夜爆紅，港鐵、宜家甚至淘寶也在fb發帖抽水，笑翻網民之餘也有人展示實力，寫出一串比林婆婆更長的菜白欖——「菠菜西蘭花生菜西芹白菜椰菜花油麥菜小棠菜荷蘭豆甜豆肉豆黃芽白紹菜」。

港鐵「鐵仔極速15秒」。網上截圖

港鐵靚抽林婆婆水：

「【鐵仔極速15秒】記得聽清楚問題先！請喺15秒內，講出附近買到菜嘅車站名～無論係生菜、白菜、芥菜、西洋菜、茼蒿菜、菠菜、定係菜心都得！再重複多次，題目係附近買到菜嘅車站名！（未諗到唔緊要，因為遊戲志在參與喔）#林婆婆陳公公李太太黃小朋友 #大人細路都啱玩 #非常努力咁嘗試 #呢一份努力值得大家學習㗎 #極速15秒」。

有人展示實力，在港鐵fb寫出一串比林婆婆更長的菜白欖。網上截圖

網民認真回答鐵仔提問。網上截圖

雖然網民笑指「竟然抽菜」、「水都被鐵仔抽乾晒咯」，但也認真回答：「長沙灣 荔枝角道（附近有蔬菜统營處）」、「菜意橋輕鐵站」、「香港大學站，車站附近有石塘咀街市」、「沙田站，旁邊係沙田街市」、「中環站，香港站，附近同有中環街市」。更有人銳意和林婆婆比併，數菜白欖「菠菜西蘭花生菜西芹白菜椰菜花油麥菜小棠菜荷蘭豆甜豆肉豆黃芽白紹菜」。

宜家靚抽「任何疏菜組合都啱用」。網上截圖

淘寶靚抽「鍾意種菜嘅就啱晒」。網上截圖

宜家家居靚抽林婆婆水：

宜家家居fb小編則放上「任何疏菜組合都啱用」的脫水器連結抽水宣傳產品，指「菜心、白菜、芥菜、茼蒿、生菜、唐生菜⋯無論你聽啱定聽菜都好，乜菜我都洗得！」，並指「蔬菜脫水最緊要快」。

網民建議宜家「小編，送一個俾林婆婆啦」。網上截圖

宜家貼文招徠到顧客。網上截圖

網民大讚小編「有料到。想笑死人咩」，反問「15秒脫水？」、「依個兜裝到幾多歌唱組合呀？」，並建議「小編，送一個俾林婆婆啦」。貼文也立即招徠生意，被網民問「是否一隻色？」、「幾時會有貨？」。

「極速15秒」片段在網上瘋傳。網上截圖

網民在淘寶fb問「有無杉菜」。網上截圖

淘寶靚抽林婆婆水：

淘寶fb放上種菜盆連結，指「如果你同林婆婆一樣，都係蔬菜組合嘅狂熱粉絲的話⋯呢個種菜盆啱晒你，親。#Taobao #淘寶 #買到買不到的種菜盆」。

主持鄧添樂接聽林婆婆電話。網上截圖

主持讀出「歌唱組合名稱」的問題。網上截圖

網友也大讚小編「跟得好貼喎」，並有人搞笑問「有無杉菜（《流星花園》女主角）？」

林婆婆錯聽成「蔬菜組合名稱」。網上截圖

林婆婆狂rap菜名爆笑重溫

港台節目《香江暖流》「極速15秒」環節，市民可致電玩遊戲，於15秒內答出最多答案即可勝出獲獎。林婆婆連線後，將主持人鄧添樂說出的「請喺15秒之內，講得出最多歌唱組合嘅名稱」，錯聽為「蔬菜組合名稱」：

主持：「預備，三，二，一」

林婆婆問：「係咪菜呀？」。網上截圖

林婆婆：「菜呀，疏菜呀？」

主持：「唔係菜呀，係歌唱組合嘅名稱。」

主持：「預備，三，二，一」

林婆婆：「係咪菜呀？係咪菜呀？」

主持：「拿，聽清楚先，聽清楚先，問題就係歌唱組合嘅名稱。未開始計時嘅。」

林婆婆：「菜心、白菜、芥菜、茼蒿菜、菠菜、生菜、白菜……」

主持：「林婆婆，林婆婆，停一停先，拿，未開始，聽清楚問題先，問題就係講得出最多歌唱組合嘅名稱，預備，三、二、一。」

林婆婆：「生菜、白菜、芥菜、西洋菜、茼蒿菜、菠菜……」

主持：「唔係菜呀！拿，計梗時架啦，仲有5秒。」

林婆婆繼續：「菜心、生菜……」

主持：「好，夠鐘啦林婆婆，唔好意思，條題目呢係歌唱組合嘅名稱，所以頭先係冇分嘅。但係唔緊要，志在參與吖嘛。」

主持叫停林婆婆，指「停一停先，拿，未開始，聽清楚問題先」。網上截圖

林婆婆數白欖：「菜心、白菜、芥菜、茼蒿菜、菠菜、生菜、白菜……」。網上截圖

林婆婆：「生菜、白菜、芥菜、西洋菜、茼蒿菜、菠菜……」。網上截圖

主持：「唔係菜呀！拿，計梗時架啦，仲有5秒」。網上截圖

短片笑爆全城。網上截圖

主持：「好，夠鐘啦林婆婆」。網上截圖

主持：「唔好意思，條題目呢係歌唱組合嘅名稱，所以頭先係冇分嘅」。網上截圖

主持：「但係唔緊要，志在參與吖嘛」。網上截圖

林婆婆爆笑狂rap菜名笑翻網民。網上截圖

林婆婆狂rap菜名爆笑重溫。網上截圖

林婆婆狂rap菜名一夜爆紅 脫水器種菜盆搞笑靚抽