遊戲節目《優質服務100 Fun》4月15日晚10時30分翡翠台播映最後一集，由森美及陳敏之擔任主持。節目以經典遊戲節目《15/16》作藍本，發掘各種趣味問題拍成短片，並邀來不同藝人接受考驗，分成兩隊競猜片段內答案是15還是16。
今集大合照。
「以禮待客隊」有黎諾懿（左起）、朱凱婷和戴祖儀。
吳若希：我同老公都唔摺衫架喎
4月15日晚一集，嘉賓有「Q嘜智醒隊」的洪永城、吳若希（Jinny）和楊潮凱，對戰「以禮待客隊」的黎諾懿、朱凱婷和戴祖儀（Joey），關楓馨及阮嘉敏繼續擔任「100分鑒定專員」，走訪不同的商店或食肆負責出題。是集熱身遊戲玩鬥快摺衫，見Joey摺得有文有路，森美又玩踢爆：「因為佢本身屋企多衫。」Joey則直認不諱：「係呀，全部都係我自己摺架。」另邊廂Jinny摺到姐手姐腳，森美忍不住問：「平時你摺定老公摺衫呢？」Jinny不假思索笑言：「我同老公都唔摺衫架喎！」引來全場大笑。
點擊看圖輯
今集大合照。
「以禮待客隊」有黎諾懿（左起）、朱凱婷和戴祖儀。
戴祖儀（左起）、黎諾懿、朱凱婷
「Q嘜智醒隊」有洪永城（左起）、吳若希和楊潮凱。
楊潮凱（左起）、吳若希、洪永城
吳若希自認平時唔摺衫。
森美手上嘅開瓶器AH-SO點解係長短腳設計呢？
吳若希話唔會相信森美講嘅嘢。
戴祖儀好似嘴Gel Gel咁，但畀人拋兩拋就笠水。
戴祖儀話自己升呢做咗皇后。
戴祖儀（左起）、黎諾懿、朱凱婷
「Q嘜智醒隊」有洪永城（左起）、吳若希和楊潮凱。
楊潮凱（左起）、吳若希、洪永城
今集第一條片段，關楓馨走訪紅酒專賣店，店員拿出專開舊酒的開瓶器AH-SO出來，問大家AH-SO為甚麼是長短腳設計？15是量度酒塞長度，16則是避免酒塞跌進酒瓶內，認為是15的森美扮晒專家說：「如果酒塞係長嘅話，代表係靚酒，短嘅就唔係靚酒，用呢個塞落去就知係咪靚酒。」Jinny聞言即唔畀面柴台說：「森美大哥都唔飲酒嘅，點會信森美啫，係咪先？」至於答案是否如森美大哥所說？4月15日晚會揭曉。
吳若希自認平時唔摺衫。
森美手上嘅開瓶器AH-SO點解係長短腳設計呢？
吳若希話唔會相信森美講嘅嘢。
第二條片段，阮嘉敏去到電器店探索一部神秘機器，該機器屏幕顯示出不同手機的型號，並連接着三條手機充電線，問題是該部機器究竟提供甚麼服務？15是手機特快充電站，16是自動手機買賣服務，牙尖嘴利的Joey說：「用呢個逆向思維，反轉再反轉，正常人係會揀16，但係呢個答案太普通喇！」森美聞言即拋窒她：「你小心啲答呀，你咁樣得罪晒我哋寫稿、監製同埋編審。」Joey即高八度笠水說：「但係呢…」同隊的黎諾懿亦睇唔過眼說：「講嘢唔使咁高音嘅。」Joey即改以老牛聲謂：「但係充電咁普通，所以有機會係16，都係交畀黎諾懿決定！」名副其實聲大大無貨賣。
戴祖儀好似嘴Gel Gel咁，但畀人拋兩拋就笠水。
戴祖儀話自己升呢做咗皇后。
去到最後一條片段，阮嘉敏走訪刀具店，店中有一個造工精緻的湯婆子，問題是湯婆子除了用作取暖外還有甚麼用途？15是溫熱牛皮膏藥貼，16是燙絲巾，向來搞笑的Joey答問題時上演小劇場化身妃子，又笑言自己升呢皇后，並「下旨」命令對手選擇相反的答案，場面搞笑。
