港媽投訴奶奶太黐身「同仔仔親子樂次次都跟」網民咁教路……

同埋意見又多多！

婆媳關係自古以來都是令人談之色變的大難題。近日有一港媽於討論區發文抱怨奶奶，表示自己一家三口與奶奶同住，平時已日對夜對，然而每次她放假陪囝囝去玩，奶奶都要求同行，而且每次也是不愉快收場「非常無癮」。

港媽表示很想擁有自己與囝囝獨處的時光，不希望所有節目也要預埋奶奶，於是發文申訴兼問問網民對策。有網民覺得溝通最重要，應該坦誠告訴對方；有人則認為要叫老公出馬解決；亦有人認為搬出去住才為上策；亦有網民教路令奶奶知難而退。

有港媽於討論區抱怨，表示想和囝囝享受親子時光，但奶奶總是「痴到實一實」。

該港媽於親子王國討論區以「同阿仔去玩，奶奶次次都join埋一齊」為題發文，指平時自己因工作關係少陪囝囝，難得放假時，會悉心安排節目帶囝囝去玩，但奶奶總是「痴到實一實」。樓主希望有更多時間同囝囝相處，不想每次活動都要預奶奶一份「我唔想佢每次join 我同阿仔節目」、「平日返到屋企已經日日對住奶奶，放假真係想有自己空間」。

港劇《寶寶大過天》

另外，樓主又稱每次一起外出，奶奶總是意見多多「下下都受奶奶管制，佢做左我個角色，阿仔要聽佢話」。奶奶對囝囝的態度又差，常常發脾氣，令難得的家庭樂不歡而散「因為我奶奶乜都管，好煩，我都頂佢唔順，同埋佢對住我個仔好勞氣，佢出到去都係用鬧或者語氣差對我仔，我超唔鍾意咁，完全冇開心氣氛，眼係比佢搞到D節目玩得唔愉快」。

樓主指奶奶「乜都管，好煩，我都頂佢唔順」。示意圖

此帖一出引起網民熱議，有人叫樓主不妨坦白同奶奶講「兜口兜面同佢講唔方便，你唔俾佢嚟佢都唔會黎，你可能平時乜都話好，完全一啲反抗都冇，先會搞到佢咁黐身」、「真係唔鐘意的話就要決絕d，對他人仁慈就係對自己殘忍， 對大家關係都唔好」、「咁你同佢講，我唔想你參與。直接，堅定咁講」。

有網民則建議可找老公出面調停「叫老公出聲啦，老公講會好啲」、「叫老公出聲話想自己一家三口出去玩，同時會安排啲時間俾奶奶同孫仔去玩」；不過樓主卻指老公是名「媽寶」，不介意奶奶黐身，甚至當初結婚渡蜜月奶奶也跟「佢都要跟嚟，真心覺得佢完全唔識做！世上最痴身既人只有佢，奶奶真係好恐怖」。

有網民建議樓主叫老公出面應付奶奶。

有人則認為同一屋簷下，樓主又要靠奶奶幫手照顧小朋友，很難拒絕奶奶，唯有搬出去才可解決難題「要解決問題就需要從根源去解決，如果再一齊住落去，只有產生更多嘅問題，到時關係惡劣咗就唔好，趁依家大家都和平相處就盡快搬開」、「最好自己一家搬開住，各自有自己空間，關係更加和諧」、「長遠來講都係要搬開自己住，如果唔係將來仲會有其他生活上嘅問題」。

有網民安排一些消耗體力的活動，讓奶奶吃不消，知難而退。

有網民提議樓主反其道而行，讓奶奶知難而退「不如你地自己辛苦幾次，逢星期六日帶小朋友唔係去海馬公園就迪迪尼，連續幾個星期都去，逼佢去，去多幾次老人家冇體力慢慢就唔跟喇」、「如果你去行郊野公園、踩單車、去西貢游水之類，佢咪唔去囉，下次去邊洗乜同佢講，一問就話行八仙嶺郊野公園」。

帖文來源：親子王國討論區

九龍灣有司機疑無視車場出入口高度限制，強行將貨車駛入慘被「開罐頭」剷頂，網民笑「開蓬貨車」。

(FB圖片）

司機疑未有留意出入口車輛高度限制

有網民於Facebook群組「馬路的事討論區」發文，表示同事轉發他兩張照片，事發地點為九龍灣一貨運中心車場出入口，一輛貨車司機懷疑未有留意出入口車輛高度限制，導致貨櫃頂部與出入口上方牆壁發生碰撞，造成嚴重損壞。

貨車慘遭「開罐頭」車頂被鏟飛

照片顯示，貨車的橙色車頂被車場出入上方的石屎牆剷起，貨櫃的側面也被擠彎變形，入面的貨物飲品甚至被撞到東歪西倒，一名穿紅衣的男士正狼狽地整理。

(FB圖片）

網民認出涉事地點是三湘九龍灣貨運中心

照片曝光後，有眼利網民認出，涉事地點是三湘九龍灣貨運中心「好似係三湘落地牢位喎」、「三湘地下樓底好矮」、「下面最多入貨VAN，可樂車邊有可能落倒去架？」、「密斗可以入，不過有高度限制」、「個條石屎邊已經好多戰績」、「個樓底充滿歲月痕跡」、「我之前渣個架係5.5入到去，個西客係要指定交入邊個間UPS，出來個下要慢慢開」。

(FB圖片）

網民笑似「開蓬貨車」

有網民不但不同情，更取笑表示「開蓬貨車」、「可能司機昨晚開罐頭，未回魂」、「車爛咗唔緊要，貨要送埋先」、「司機：我只係識揸車，有路就行有窿就捐，其他理得你！」、「好明顯同公司有仇」、「只能怪自己冇睇高度提示牌」、「公司故意俾架比平時高啲嘅車佢揸，等佢出意外，整蠱司機」、「打工最多賠$300」。

（Google截圖）

帖文來源：Facebook群組「馬路的事討論區」