港媽投訴奶奶太黐身「同仔仔親子樂次次都跟」網民咁教路……

同埋意見又多多！

婆媳關係自古以來都是令人談之色變的大難題。近日有一港媽於討論區發文抱怨奶奶，表示自己一家三口與奶奶同住，平時已日對夜對，然而每次她放假陪囝囝去玩，奶奶都要求同行，而且每次也是不愉快收場「非常無癮」。

港媽表示很想擁有自己與囝囝獨處的時光，不希望所有節目也要預埋奶奶，於是發文申訴兼問問網民對策。有網民覺得溝通最重要，應該坦誠告訴對方；有人則認為要叫老公出馬解決；亦有人認為搬出去住才為上策；亦有網民教路令奶奶知難而退。

有港媽於討論區抱怨，表示想和囝囝享受親子時光，但奶奶總是「痴到實一實」。

該港媽於親子王國討論區以「同阿仔去玩，奶奶次次都join埋一齊」為題發文，指平時自己因工作關係少陪囝囝，難得放假時，會悉心安排節目帶囝囝去玩，但奶奶總是「痴到實一實」。樓主希望有更多時間同囝囝相處，不想每次活動都要預奶奶一份「我唔想佢每次join 我同阿仔節目」、「平日返到屋企已經日日對住奶奶，放假真係想有自己空間」。

港劇《寶寶大過天》

另外，樓主又稱每次一起外出，奶奶總是意見多多「下下都受奶奶管制，佢做左我個角色，阿仔要聽佢話」。奶奶對囝囝的態度又差，常常發脾氣，令難得的家庭樂不歡而散「因為我奶奶乜都管，好煩，我都頂佢唔順，同埋佢對住我個仔好勞氣，佢出到去都係用鬧或者語氣差對我仔，我超唔鍾意咁，完全冇開心氣氛，眼係比佢搞到D節目玩得唔愉快」。

樓主指奶奶「乜都管，好煩，我都頂佢唔順」。示意圖

此帖一出引起網民熱議，有人叫樓主不妨坦白同奶奶講「兜口兜面同佢講唔方便，你唔俾佢嚟佢都唔會黎，你可能平時乜都話好，完全一啲反抗都冇，先會搞到佢咁黐身」、「真係唔鐘意的話就要決絕d，對他人仁慈就係對自己殘忍， 對大家關係都唔好」、「咁你同佢講，我唔想你參與。直接，堅定咁講」。

有網民則建議可找老公出面調停「叫老公出聲啦，老公講會好啲」、「叫老公出聲話想自己一家三口出去玩，同時會安排啲時間俾奶奶同孫仔去玩」；不過樓主卻指老公是名「媽寶」，不介意奶奶黐身，甚至當初結婚渡蜜月奶奶也跟「佢都要跟嚟，真心覺得佢完全唔識做！世上最痴身既人只有佢，奶奶真係好恐怖」。

有網民建議樓主叫老公出面應付奶奶。

有人則認為同一屋簷下，樓主又要靠奶奶幫手照顧小朋友，很難拒絕奶奶，唯有搬出去才可解決難題「要解決問題就需要從根源去解決，如果再一齊住落去，只有產生更多嘅問題，到時關係惡劣咗就唔好，趁依家大家都和平相處就盡快搬開」、「最好自己一家搬開住，各自有自己空間，關係更加和諧」、「長遠來講都係要搬開自己住，如果唔係將來仲會有其他生活上嘅問題」。

有網民安排一些消耗體力的活動，讓奶奶吃不消，知難而退。

有網民提議樓主反其道而行，讓奶奶知難而退「不如你地自己辛苦幾次，逢星期六日帶小朋友唔係去海馬公園就迪迪尼，連續幾個星期都去，逼佢去，去多幾次老人家冇體力慢慢就唔跟喇」、「如果你去行郊野公園、踩單車、去西貢游水之類，佢咪唔去囉，下次去邊洗乜同佢講，一問就話行八仙嶺郊野公園」。

帖文來源：親子王國討論區

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」