怕影響囡囡發育拒送高跟鞋做生日禮物 陳茵媺開心陳豪有承擔講得出做得到

Aimee透露會改送囡囡喜歡的DIY手作和健康零食。

陳茵媺（Aimee）出席護膚品牌活動，透露4月27日是囡囡Camilla的7歲生日，數星期前已為她搞生日派對，和同學一起慶祝，27日就一家人在家簡單佈置為她慶生，問到送甚麼禮物給囡囡？她說：「她很喜歡公主的東西，很喜歡扮靚，她的公主裙比我的靚裙更多，她有說過想要高跟鞋，平時都已經常穿我的高跟鞋，但Mo（陳豪）覺得不好，生日不應該送鞋，我又覺得會對小朋友的腳發展不好，所以暗地裡拒絕，改送她也喜歡的DIY手作和健康零食。」

4月27日係陳茵媺囡囡生日，數星期前已跟同學一齊舉行生日Party。

囡囡想要高踭鞋，但Aimee怕影響發育已拒絕。

Aimee又說家中有3人都是4月生日，包括她、陳豪和囡囡，所以這個月都很忙，陳豪日前在社交平台發表寵妻宣言，陳茵媺直言覺得開心，最開心是他講完真的會做，又很樂意幫她影相，技術也不錯，「有時他影相的idea會和我不同，我要影某些角度時，他也很有耐性拍我想要的角度，但他拍片拍得很好，之前在社交網看到一個鏡頭很靚，但很難拍，而他又真的能實踐，真的很開心，有時在家看相片就會想起很多快樂回憶。」

Aimee說家中有3人都是4月生日，包括她、陳豪和囡囡，所以這個月都很忙。

陳豪係4月之星。

陳茵媺都係4月之星。

陳茵媺和陳豪早前到韓國二人世界旅行，問到是否兩個去三個返？她笑言三個小朋友已經足夠，雖然夫婦二人都愛小朋友，如果有也不抗拒，但不會刻意去追，笑言之後還想一家五口周圍去玩，如果懷孕就無機會，而且她也想專心照顧三個年齡相近的孩子，並謂上次兩夫婦去旅行冇帶他們，他們都有點扭計，所以之後都想與孩子們到日本或韓國旅行。

早前兩公婆去咗韓國過二人世界。

Aimee透露上次兩夫婦去旅行冇帶仔女，他們都有點扭計，所以之後都想與孩子們到日本或韓國旅行。

陳茵媺笑指母親節收子女砌心形花膠禮物最開心。

自從成為三子女的媽媽，陳茵媺（Aimee）自言對母親節的感受是滿載滋陰養顏的花膠回憶，因為她既是媽媽，也是女兒，每年都要絞盡腦汁親自炮製不同的花膠食譜，務求以自家拿手廚藝，送給家人滋陰養顏、強身健體的無價寶來表達對他們的愛！

Aimee自言對母親節的感受是滿載滋陰養顏的花膠回憶。

Aimee更直言花膠是他們的「家傳之寶」，因為自小媽媽就喜歡以花膠炮製家傳靚湯，令她從小到大的皮膚彈滑緊緻，養顏有術，讓她決意傳承家傳花膠靚湯，亦希望子女長大後也能一代一代傳承下去，感受母親無私的付出，是對家人無價的愛！

Aimee指花膠是他們的「家傳之寶」。

與其說Aimee對花膠情有獨鍾，倒不如說她已把花膠當作是其中一樣愛的禮物！Aimee：「記得細個媽媽總會煮花膠俾我食，話花膠對女仔皮膚好有功效，好養顏，可以令皮膚嫩滑。當時都未係好明花膠對皮膚嘅好處，但每次都會在廚房望住媽媽煲花膠湯呀、燉花膠呀，甚至乎用花膠炮製家常小菜，一邊傾計，場面好溫馨，令我同媽媽嘅關係更加close，到而家我地亦係大家嘅『閨密』！花膠間接令我深切感受到媽媽對我嘅付出和無限嘅愛，也成為我其中一個滿載母愛嘅童年回憶！」

花膠間接令Aimee深切感受到媽媽對她的付出和無限的愛。

已為人母的Aimee，對家人的愛，也傳承了媽媽以花膠炮製靚湯食譜的精神，藉著母親節，更特別希望可親自下廚炮製花膠。Aimee：「我記得細個媽媽好鍾意煲花膠椰子木瓜燉竹絲雞湯俾我飲，算係其中一款家傳花膠靚湯！所以我平時都會煲俾小朋友同老公飲。至於母親節當日，我希望可以炮製花膠靚湯之餘，亦試下用花膠整甜品，咁大家都可以有一個甜到漏嘅母親節！」

藉著母親節，Aimee特別希望可親自下廚炮製花膠。

講到今年最希望收到嘅母親節禮物，Aimee話無論仔女送乜嘢禮物俾佢，佢都會好開心！Aimee：「身邊嘅朋友知道我鍾意食花膠，仲講笑話如果收到仔女用花膠砌個心形圖案送俾我，問我係咪會唔捨得食呢！」

Aimee指母親節無論仔女送乜嘢禮物俾佢，佢都會好開心！