陳凱琳為細仔搞百日宴 二哥Yannick錫錫細佬好有愛

一家人好sweet～

現年31歲的陳凱琳（Grace）自2018年與鄭嘉穎結婚後「努力造人」，幾年間為丈夫誕下大仔Rafael、二仔Yannick及細仔Carlos。一向纖瘦的她雖然已為三子之母，但身形依然Fit爆，上圍更明顯升Cup，可謂得天獨厚！轉瞬間已是Carlos百日宴的日子，陳凱琳於5月1日在社交網上載多張照片，可見Carlos眼仔睩睩，十分可愛，更特別得二哥Yannick歡心！

陳凱琳與鄭嘉穎2018年8月結婚，翌年情人節誕下大仔Rafael，轉眼間已經4年抱3！

Carlos盡得父母優良基因，眼仔睩睩兼鼻高高。 ​

盡得父母的遺傳。

次子Yannick親吻弟弟Carlos。

陳凱琳上載一家五口全家福等照片，只見其三位公子都遺傳父母藝人的優良基因，全都眼大大精靈可愛，二仔Yannick對弟弟非常有興趣，既親他又逗他玩，十分溫馨。整個百日宴以熊啤啤為主題，除有多個巨型公仔，連三層高的蛋糕都有三隻熊仔。網民都大讚他們三個都非常得意靚仔，更稱Carlos最像爸爸，難怪鄭嘉穎抱著他時也露出招牌「好好笑」笑容。

網民大讚Carlos最像爸爸！

陳凱琳在配文中寫道：「親愛的Carlos 100天快樂，我們希望有一天你能讀到這篇文章。自從你出院回家和你的兩個哥哥們見面，我們已經感受到你對我們家是多麼大的祝福。我們愛你溫柔、善良、充滿好奇心和快樂的個性，希望你可以在一個健康快樂、充滿鼓勵和支持的環境下成長，寶貝我們都好愛你，100天快樂！」鄭嘉穎亦在其社交網稱：「雖然這已經是我們第三次迎來小生命，但還是想給足儀式感，讓你在成長的每一步中都能感受到自己被父母和親人的愛包圍。」這充滿愛的一家，必定能讓三位兒子健康快樂成長。

錫錫細佬。

似乎次子Yannick對弟弟Carlos十分有興趣。

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

陳凱琳及衛詩雅盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓。

Merz Aesthetics®️ 香港區總經理Candice Wong與兩位品牌大使擔任頒獎嘉賓

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

擔任Belotero® 品牌大使多年的衛詩雅對產品非常有信心。

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

衛詩雅

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

Xeomin® 品牌大使陳凱琳十分信賴德國製造的Xeomin®️零雜質_純淨+配方。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

陳凱琳