貪平之過！
榴槤屬貴價生果，知名的品種如「貓山王」、「D24」、「黑刺」等售價動輒數百元。近日就有一港女於社交平台大呻，指以100元從生果檔購入一個榴槤，回家後打開只見極少量的果肉，而且全都乾巴巴，有網民見了形容似「榴槤糖」、「舍利子」，亦有人笑言「牙罅都唔夠攝」，港女亦直言「我一開都笑咗」。
港女於社交平台發文，分享買榴槤的中伏經歷。
該港女於Facebook群組「香港榴槤關注組」發文，表示於生果檔選購榴槤，雖然看到有「金枕頭」出售，但最後選擇以100元低價購入另一品種「佢都有金枕，我就係貪平，買咗個唔知乜品種，諗住試吓」。由於她不懂如何挑選榴槤，於是請生果店老闆代勞「我自己唔識啫，我通常叫人揀」，而老闆亦有劏開一邊讓她先看「佢有開令一邊我睇，就咁易開一開最大嚿肉嗰邊我睇」，豈料回家後發現只有極少量果肉，令她哭笑不得「我唔識揀架，信呀叔咋，點知笑料」。
從樓主上載的照片可見，該榴槤外殻呈尖長橄欖型，裡面只有一條幼幼的果肉，另外有兩粒極細的果肉「非常空虛」，令樓主不禁大呻中伏「貪平就出事了」，更表示「交佐學費，下次識揀」。
有網民同樣中伏，買到無肉榴槤。
此帖一出即引起網民熱議，有識食網民教路如何挑選靚榴槤「一定要漲卜卜，裡面才有肉，重身，釘細，用刀敲敲佢d尖，聽聲是實定浮，搖一搖佢，就知熟未離殼未，嗅吓有否香味滲出來，生就青d，開始熟時會轉黃色d囉」、「咁瘦當然未成熟，冇肉啦，一定要求即場叫老闆包開俾你，否則10元個都唔好買，您只會買錯，佢唔會賣錯，下次醒目d喇」、「同揀女一樣要活玲瓏浮凸，長條形無忽好肉，唔會開心」、「要夠圓同飽滿，尖型一定唔要啦」、「見到長形不要買，房越窄，肉越瘦」、「要揀一舊一舊凸起既先至多肉，呢個榴槤咁瘦成粒欖咁，應該係發肉不良，唔會多肉」。
有網民稱同病相連「大家咁話啦，都要廿幾蚊磅架，都唔算平架，冇肉仲要淡茂茂」。
亦有人建議樓主把榴槤殼煲湯，物盡其用「拎去煲返煲靚湯」、「攞嚟煲湯一流」。原來榴槤殼煲湯在傳統中醫中被認為具有清熱解毒、潤肺止咳、改善消化、補益滋養功效。但需要注意的是，每個人的身體狀況和體質不同，因此在食用前最好諮詢醫生或中醫師的建議。
亦有人贈慶，分享超薄殻、多房、多肉榴槤照片
帖文來源：Facebook 群組「香港榴槤關注組」
