漢陽和譚嘉荃（Amy）相隔9年再合作開騷，將於本月底舉行《滿漢荃音樂盛宴 漢陽x譚嘉荃演唱會》，他們開心疫情後有單位邀請，決定試更多新形式。除了開場會有勁歌熱舞，還會演繹一段音樂劇，兩人坦認跳舞部份最困難，所以好早已開始排練，雖然兩人有很多舞台經驗，仍會當第一次開騷來準備。
Amy近年因疫情都有長肉，希望今次能減多幾磅。
努力減磅的漢陽，冇刻意睇磅數，只求感覺輕盈啲。
漢陽早前孖Amy出席他有份投資的電影《世上只有爸爸好》首映禮。
漢陽和譚嘉荃經常孖公仔出現，但原來已有9年冇合作過開騷。漢陽認為難得有人邀請，特別開心。早前個人演唱會因疫情被迫改期4次的Amy，感受特別深：「今次好有信心唔會再改期，同埋唔使限制入場人數，氣氛應該會特別好。」
點擊看圖輯
Amy近年因疫情都有長肉，希望今次能減多幾磅。
努力減磅的漢陽，冇刻意睇磅數，只求感覺輕盈啲。
漢陽早前孖Amy出席他有份投資的電影《世上只有爸爸好》首映禮。
漢陽和Amy合作無間，但原來已有9年冇一齊開騷。
漢陽和Amy將於月底假文化中心舉行演唱會。
漢陽和Amy坦認要邊唱邊跳，有一定難度。
漢陽和Amy早在半年前，已開始苦練舞技。
漢陽和Amy合作無間，但原來已有9年冇一齊開騷。
漢陽和Amy將於月底假文化中心舉行演唱會。
花半年時間排練
由於合作機會難得，漢陽和Amy都希望帶俾觀眾更多新鮮感，例如合唱從未合作過的歌曲。漢陽說：「我哋合唱大家都應該預咗，所以會試啲新嘢，好似一開場我哋會有段勁歌熱舞，炒熱氣氛，應該會令到大家幾驚喜。」Amy再補充：「我哋仲會用一批歌串連做一個故事，好似音樂劇咁，相信幾有新鮮感，所以揀歌都幾花時間。」
漢陽和Amy坦認要邊唱邊跳，有一定難度。
雖然兩人有多年舞台經驗，但每次演出都會好緊張，特別今次的新編排，令他們都不敢怠慢，早在農曆年後已開始排練。漢陽解釋：「我每次演出都會當係第一次同最後一次咁做，唔想有遺憾嘛！況且跳舞喎！唔單止對觀眾有驚喜，對我仲大驚喜呀！係驚多過喜，我真係少跳舞，所以首先要減肥，新年後已經戒咗酒，希望輕盈啲跳起嚟好睇啲。」Amy都大讚漢陽有決心：「佢真係冇飲酒，連佢生日搞party，都忍到完全唔飲，都好佩服佢，我都要努力減肥，希望最fit咁見大家。」
漢陽和Amy早在半年前，已開始苦練舞技。
