有人認為多此一舉
有些公司會為加班或外勤的員工支付的士費，卻有貪心的員工為圖差價錢，叫85折的士後再以正價單據向公司報銷。近日有的士司機於社交平台發文，表示為防止乘客以正價收據報銷折扣車費，而製作「85折印章」，豈料第一次使用已成功令乘客主動付正價。雖然不少網民讚賞司機之舉，但亦有人認為司機根本不應該提供折扣服務。
點擊看圖輯
有些貪心的員工為圖騙取差價錢，會叫85折的士，然後以正價單據向公司報銷。示意圖
有的士司機為防止乘客以正價收據報銷折扣車費，而製作「85折印章」。
有司機亦整作了類似印章。
有人認為司機做法多餘「直接正價先出單咪得囉」。示意圖
有些貪心的員工為圖騙取差價錢，會叫85折的士，然後以正價單據向公司報銷。示意圖
該的士司機於Facebook群組「的士司機資訊網Taxi」發文，表示以$100訂製了一個紅色原子印章，上面印有「的士85折、Taxi 15% OFF」的字樣。當遇到乘客要求85折的士服務及單據時，司機便會在單據上蓋上該印，以杜絕乘客「食夾棍」的行為。
司機憶述首次使用印章時，有客人電召85折的士從大埔上車「接呢張單嘅時候佢張單冇表明要收據」，至到達時客人要求司機出單，於是司機便在單據上蓋上印章，明確標明車費已獲折扣。怎料客人見狀後立即「黑面」更主動要求付全額車資，及從新列印單據「俾完收據客人之後，客人話要俾返正價，真奇怪，係咪冇得賺，索性唔同公司慳呢」。
有的士司機為防止乘客以正價收據報銷折扣車費，而製作「85折印章」。
司機沾沾自喜，覺得這個方法能有效打擊乘客食差價「咁至少我會覺得佢哋唔會利用到個漏洞俾機會去呃十幾蚊先」，亦可能令一些乘客寧願付正價，能賺多點車資「至少今次個客會俾返正價，要返張正價收據」。
此帖一出引起網民熱議，不少人讚賞司機的做法「擺明食夾棍啦，下次折頭要單學下師兄咁蓋印先」、「咁又正路喎！做85吸印係好事，等呢D西客吾敢再叫85叫正價，整返個先」、「嘩！樓主呢招真係絕」。
有司機亦整作了類似印章。
不過亦有人笑司機五十步笑百步，收85折本來就不對「雖然呢招好似糯米治木蝨，其實唔應該接呢啲單，西客等到天荒地老都冇車時，要車就要比正價」、「又要接又要做小學雞嘢」、「自己做折頭黨但又眼紅人哋claim公司數」、「食得鹹魚抵得渴，做得85就唔好搞咁多嘢啦，咁有骨氣見到85就唔好接，只做街客咪所有都正價囉」、「又要搵大旗同流合污，又要喺污水中做一滴清泉」。
亦有人指樓主此舉存在風險「你扱呢個印簡直係捉蟲，公司會問邊個主動、邊個被動？再交畀交通投訴組，職員可能口頭警告，司機不按錶收費，後果難料」、「唔跟咪錶收費有機會係犯法，你一係唔做，一係唔好俾人知，而家即係攞把刀俾人去插自己，自己提供證據去鋤自己」。
有人認為司機做法多餘「直接正價先出單咪得囉」。示意圖
樓主則回應指雖然提供85折的士服務並不被鼓勵，但想杜絕乘客騙取公司差價「我唔係要將呢個85折嘅行為洗白！但係，當客人拎咗85之後再拎返張正價收據，咁就真係犯法，你可以唔認同我嘅做法，我亦冇興趣逼你接受」。
亦有網民指出，若乘客騙取差價而被公司發現報警，司機有機會被連累「據我所知，乘客要求八五折，司機接受，並不犯法，樓主單據給了八五折印章，應該是好事，因為乘客的單據，給公司claim錢，如果公司發現是八五折找數，報警的話，司機和乘客就是（串謀行騙）聽講曾經有司機中招要坐監」。
帖文來源：Facebook群組「的士司機資訊網Taxi」
