瘋傳網購中伏相！黑色靚拖鞋著完「腳底中毒」惹爆笑

衰過沒穿鞋上街！

隨著近年網購的興起，很多人都懶得出街，直接在家動動手指就能夠買到想買的東西，但收到的實物時中伏的事件也很多。最近有民眾曬出一雙聲稱是在淘寶購入的女裝平底鞋，雖然外型美觀，但未料到穿上後鞋子卻嚴重掉色，整個腳板竟被弄成全黑。該網民直言穿上後「腳底就中咗毒咁」，帖文一出，引發眾多網友評論。

事主發文（網上圖）

最近，有網民於FB群組「淘寶開心share」發文並附上幾張圖片，表示「呢款鞋着完，腳板底就中咗毒咁」。由相片可看到，當中有一對女裝平底涼鞋，從外觀上看並無特別，黑色的鞋面是交錯的針織，針織上都配有一行閃石，看起來十分美觀，沒想到穿上後掉色很嚴重，穿上後整雙腳板都被染至全黑，比不穿鞋出門還要髒，相當嚇人。

淘寶買入的女鞋（網上圖）

網民見了也忍不住調侃一番「好彩無落雨，唔係一路行一路漏墨汁」、「丐幫幫主」、「美源髮彩即刻變黑，得咗」、「佢有無Cap帽買？ 帶完唔使染頭髮」、「好似初生BB咁，可以打個腳印紀念下先」、「名副其實嘅黑店」。

淘寶買入的女鞋（網上圖）

亦有遇到類似經歷的網購買家分享，並表示不敢再買黑色涼鞋「我都試過，仲要着去旅行，嗰晚除鞋先發現，即刻掉咗」、「我老公上次淘寶買咗啲襪都係咁」。

網友分享類似事件（網上圖）

惟有網民認出圖片早於去年已在網上瘋傳，甚至曾被越南媒體報道，翻查網上資料，有關照片於2022年1月19日由1名越南女網民上傳至當地FB群組，聲稱在市場看到賣3.5萬元（越南盾，下同，約19元港幣），買回家後試穿結果腳板變黑。同一群照片日前亦被分享到台灣FB群組「爆廢公社」，一樣引起哄動。有網民指樓主只是用其他人的照片及帖「那係唔係po主買了（淘寶）嘅親身經歷？佢點解要咁做」、「樓主偷圖？」、「單嘢上年㗎」，批評樓主只是想博眼球。

網購翻車事件（網上圖）

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」