《幻影》當年原來唔係主打歌 譚校長分享歌詞出貓大法：基本上成個舞台都係

客席主持係區瑞強。

校長喺節目中會分享珍貴報導同照片。

校長同Albert老友鬼鬼，二人無所不談之餘，更一再話當年，觀眾們耳仔有福了。

開了接近200場紅館演唱會、自言推出歌曲超過1,000首的校長，閒談間遭馬時亨突如其來一句「咁多隻歌，你有幾多隻記得歌詞？」殺個措手不及，並笑不攏嘴憶述當年開演唱會各式各樣「出貓」大法：「寫地下呀、地氈呀、基本上成個舞台都係（歌詞），仲要寫埋邊隻歌到邊隻歌。」校長更笑言當年曾因搞亂唱歌次序，引發起歌危機，更一度全場「靜晒」！Albert聞言大爆校長當年開演唱會前，曾捉著他瘋狂打桌球，原因除了舒壓，更是為了「記牢歌詞」，到底校長如何以桌球幫助記憶？敬請留意節目。

馬時亨到底引唔引到校長喺節目入面清唱經典歌曲呢？

無所不談的校長，續指當年全靠一首歌奠定「情歌」為其主要音樂路線，豈料當校長揭曉是哪一首歌曲時，馬時亨竟一臉錯愕表示沒有聽過，更逼令校長清唱兩句以示「確認」，到底校長會否就範？校長另外還暢談了當年與好友張國榮在東京音樂節的趣事、94年在香港大球場舉行的「細細聲演唱會」風波、及當年如何最後一刻才告訴身邊人決定退出頒獎禮的細節，萬勿錯過。

《幻影》當年爆紅原來有段故。

經常忘記歌詞係校長特色之一。

校長開創咗演唱會四面台先河。