周國賢麥浚龍Solo歌單保密互不知情　台上台下期待度更高

由Live Nation Hong Kong主辦，《852FES Awaken Music Endy Chow • Juno Mak》，將於2023年7月8日假赤臘角亞洲國際博覽館Arena舉行，首次讓麥浚龍及周國賢聚首一堂舉行演唱會，有關詳情如下：

《852FES Awaken Music Endy Chow • Juno Mak》
日期：2023年7月8日(星期六)
時間：晚上8點
地點：亞洲國際博覽館Arena
票價：$899 (企位及座位) / $699 (座位) / $499 (座位)
2023年6月5日（星期一）早上10時至6月6日（星期二）晚上11時59分Citi 信用卡優先訂票
2023年6月12日（星期一） 早上10時至晚上11時59分Live Nation 會員優先訂票
2023年6月13日 （星期二）早上10時起於www.cityline.com⁠公開發售

首次讓麥浚龍及周國賢聚首一堂舉行演唱會

其實Endy與Juno早在2008年就成為好友，Endy道：「2008年一齊拍旅遊節目《日本東北咁過祭》，嗰陣相熟咗，有好多好無聊嘅話題。麥先生本身都好認真，但唔知點解撞落我度就好無聊，大家有一個好神奇嘅化學作用喺度。」Juno亦回憶道：「身處外地一段長時間，變咗好容易培養一份感情，做完旅遊節目先正式第一次音樂上合作，做咗〈從此世界多了一分鐘〉。」

Endy與Juno早在2008年就成為好友

如果要追溯二人同台演出，已經要數到在2015年Endy開Show時邀請Juno做嘉賓，今次二人再次同台，原來是Endy發起，他說：「一路以嚟都好想同Juno合作 ，但好似時機未到，到今次有呢個演唱會發生，同製作團隊開會時候不約而同有個共識，想嘗試搵Juno參與，結果真係好似上天安排，令到我哋終於可以喺同一個台上面有一個演出，我自己都好期待。」Juno他亦分享道：「之前做嘉賓喺台上合作時間唔係好長，今次Endy邀請我時，一來因為之間嘅友誼，二來又剛做完另一個Show，音樂風格上有新體會，係天時地利，佢一打俾我已經好有畫面。」

如果要追溯二人同台演出，已經要數到在2015年Endy開Show時邀請Juno做嘉賓

今次二人再次同台，原來是Endy發起

Juno好期待

今次二人同台演出，但將會有很多新驚喜帶給觀眾，其中Solo的部份，二人將會有各自的樂隊演繹作品，而開Show前，他們亦不會知道對方的歌單內容，Juno描述了他腦內的畫面道：「應該要有兩隊唔同嘅band，甚至要有兩邊唔同嘅台，喺當中搵磨合點，但今次演唱會唔係唱幾多自己或對方嘅歌，而係年紀唔同，而家重新編製歌曲，呢個觸發點已令大家想做呢件事。」Endy亦認同兩隊Band的構思，說：「如果一隊Band玩晒，各自唱一首，又互相唱下大家嘅歌係意料中事，但我哋好想有對壘嘅感覺，同時亦表現出一種惺惺相惜嘅音樂交流。」Solo歌單為兩位歌手帶來新鮮感、刺激感，Juno今次將會揀選從未公開獻唱過的歌曲，亦提升了觀眾對《852FES Awaken Music Endy Chow • Juno Mak》的期待度。

二人將會有各自的樂隊演繹作品

周國賢前助手捲入借錢風波！

歌手周國賢（Endy）近年被周姓前男助手藉其名義到處借錢，據指周姓前男助手先後向多位圈中藝人、幕後工作人員及粉絲埋手，以周國賢之名借錢，每次要求借出數千元至數萬元。

周國賢前助手到處借錢

經理人公司貼出離職啟示

周國賢為富二代歌手

周國賢更新了IG限時動態

周國賢

周國賢於IG限時動態分享了其公司三大文化的一則離職啟示：「周劍雄先生（Mr. Chow Kim Hung, Anthony）前為本公司兼職宣傳人員，已於2022年10月1日離任，今後周劍雄先生在外之一切華洋轇轕，概與本公司及歌手藝人（林一峰、周國賢、糖妹）無關，本公司將不承擔任何責任。如有損害本公司及歌手藝人的聲譽，本公司將保留法律追究權利。特此聲明。三大文化啟 2024年3月27日」

三大文化貼出一則離職啟示

消息指，周國賢的周姓前男助手曾以家人患病的名義向他及其經理人公司借錢，成功借獲6位數字的金錢。其後，經理人公司得悉周姓前男助手對外宣稱自己被拖欠薪金後，便於2022年將他解僱。