行街都要小心為上！
時下有不少「借錢黨」、「食飯黨」攔截行人以尋求「幫助」意圖不明令人困擾。而近日竟出現一種「做功課黨」，要求路人幫她們做聖經功課。日前，將軍澳一名女街坊在社交平台稱在坑口行經厚德商場時被2名女子攔住去路，問道「我地有聖經功課？可否幫忙？」，女子拒絕後對方仍不死心，繼續跟著她，無奈之下，女子用1「絕招」將對方嚇走，事件曝光後引來網民熱議。
GETTY示意圖
早前，將軍澳一名女街坊在Facebook群組「將軍澳主場」發文稱當日行經厚德商場時，突被2名女子攔住去路，走近她身邊詢問「我哋有聖經功課？可否幫忙？」，事主當場拒絕並離開，然而對方「不停跟蹤」，她心想 「唔好阻住我返工」，於是大聲呵斥對方「唔好騷擾坑口居民」，2人才被嚇走。
網上圖片
事後，樓主拍下對方的照片上載在網上，從相片可見，2名女子戴著口罩，身穿白色上衣，其中1人穿及膝裙，1人穿長褲，正在商場內行走，似是在尋找行人幫忙做「功課」，貼文曝光後，引來網民熱議。
網上圖片
不少網民表示2名女子的行為擾人「聖經功課返教會做就可以，周街搵人好有問題」、「多謝資訊」、「傳教都唔會係咁跟住人」，又質疑是否「邪教」。也有不少網民稱和樓主一樣，曾遇過相片中的女子，相信是在傳教「呢兩條友多年前已經喺度搵人做功課，真係唔知到底做咩功課要做咁多年」、「曾經遇過呢兩條友幾次，佢哋專捉一個人自己行嘅人，你唔理佢，佢會係咁跟住你，仲會問你攞電話，個人資料等」丶「頭先經過先俾佢問完嚟」。
非當事人（GETTY示意圖）
不過，亦有街坊認為對方可能是熱心傳教，應該沒有惡意，若是覺得煩擾可以不理會，毋須惡言相向，同時亦提醒街坊不要透露個人資料，並告知家人小心提防即可。
有男子於尖沙咀玩具店內以「一陽指」篤穿盲盒逐盒揀，店家公開CCTV緝兇。
中年男子用手指篤穿盲盒
近年流行「抽盲盒」，而當中的「隱藏版」更令消費者趨之若鶩。近日尖沙咀一玩具店於Facebook公開CCTV緝兇，影片顯示，一名穿藍色長、戴粉紅色口罩的中男子，於店內以右手從貨架上取下一個玩具盲盒，並搖晃一番，然後又用左手取下另一個盲盒，重複相同的動作。
男子在搖晃間借故用左手手指篤穿其中一個盲盒，再窺看盒內的款式。顯然盒內款式不是男子所想要的，隨後店家發現貨架上有受損的盲盒，於是翻查CCTV，揭發事件。
（FB影片截圖）
店家公開CCTV片段緝兇
男子以為神不知鬼不覺，誰知篤穿盲盒的過程全被拍下，店家公開片段緝兇「究竟係邊一門派絕學？！本店近日發現貨品有圖中情況，翻查分店閉路電視後，清晰見一男子以絕學破盒弄穿以窺探款式，現請當事人迅速與本店聯絡，傳授其武功心法得以傳承，否則報警求助。」
店家也指「本店再次強力譴責以上事件，當事人肆意踐踏和傷害店鋪與客人間感情，嚴重遺反基本準則，如再發現同類事件，客人後果自負；本店或成最大贏家。」
（FB影片截圖）
網民鬧：丟假
帖文引熱議，不少網民大罵涉事男子「乜仲做埋D咁肉酸嘅嘢㗎？！丟假」、「睇佢個款都有成6張野，仲要做d咁X街既行為」、「頭髮都甩咗一大半，做人做到咁西。買曬返去自己慢慢拆喇」、「一百幾十都偷，垃圾，幾十歲人重偷玩具冇用，大大個衰樣出哂黎，快d返去比錢啦」、「盡快報警。不能姑息」、「唉，上網買咩款都得啦，點解要咁整小店既貨，成本好貴架」。
（FB影片截圖）
網民歪樓笑：失傳已久「一陽指」
有網民笑言「係紙飲筒嘅天敵」、「這是失傳已久的《一陽指》神功，沒想到如今還能在fb上看到」、「壽司盲盒天敵」、「如果識量子力學xfing法就唔洗咁攪la」、「咁叻呀？摸下搖下就知係咩，佢應該發咗達好耐」、「呢個咪失傳已久嘅大力金光子」、「我哋應該佩服佢練到咁犀利嘅神功，雖然佢冇用喺正途方面」。
（FB影片截圖）
帖文來源：facebook
