搞事留言變合唱 泳兒周國賢合唱《同歸於盡》

早前，泳兒（Vincy）推出今年以「祝福」為命題嘅首部作品《同歸於盡》，獲外間好評，更引來周國賢（Endy）於其MV下留言：「好好聽。」見Endy留言，Vincy便趁機邀請對方合作，將《同歸於盡》變成男女對唱的《同歸於盡 之三生三世版》。

周國賢（Endy）於其MV下留言：「好好聽。」

Vincy便趁機邀請Endy合作

錄音當日，Vincy表示這次合作是緣份使然，「呢幾年我轉咗風格之後，一直好想出一隻男女嘅合唱歌，但一直遇唔到，直到《同歸於盡》呢隻歌，我覺得隻歌嘅意思係可以做一個男女嘅對唱。」但她又一直懊惱應該找誰合唱，直至粉絲告知她Endy於其MV下留言，「我係勁開心啦！係喎！我覺得Endy好啱呢隻歌個vibe，我一直好想搵一個男嘅聲音係好有感染力，因為你本身好多歌都講關於你對呢個世界嘅一啲感受，都係一啲好deep嘅嘢。可能我哋同場嘅機會唔多，所以一直冇諗起。你呢個留言我覺得係好magical嘅一樣嘢發生咗，所以我就膽粗粗就叫咗我嘅監製幫我問你。」

Vincy表示這次合作是緣份使然

Endy好啱呢隻歌個vibe

Endy則自言搞事，「我搞事呀，哈哈。」坦言Vincy十分適合暗黑風格，「同埋我明你嘅歌多過以前，唔係話你以前啲歌我唔明，但而家覺得你好似係唱緊裏面嘅嘢，一路挖緊裏面嘅嘢出嚟。」他又將Vincy推出的暗黑大碟《Dark Light Of The Soul》的歌如數家珍，卻說錯歌名，十分搞笑，「《荊棘海》等嗰一系列嘅歌，《「渠」溝暢泳》（Vincy：《溝渠暢泳》呀）sorry，哈哈哈哈！嗰個系列開始，我覺得：『咦？可能可以合作喎。』」

Vincy十分適合暗黑風格

隨後Vincy好奇問Endy：「我想問你一樣嘢，你留咗言話隻歌好聽，我一直好想問你，你鍾意隻歌乜嘢呢？」Endy則謂：「同歸於盡喎！有邊個夠膽用呢四個字？佢唔係好negative嗰種，但有一種好淒美嘅感覺，大家個美學觀有啲相似。」

同歸於盡有一種好淒美嘅感覺

問到獨唱版跟合唱版的分別，Vincy自行解構，「solo版我相信或者我希望有一個人係會願意等我一生一世、或者三生三世；但當去到有把男聲嘅時候，就會再堅定啲，因為已經有呢個人出現咗。」而Endy則說：「因為份詞涉及一世、兩世、三世，生與死，我有睇佛經、哲理，我一路唱一路諗，有啲乜嘢人會穿插你嘅生死、幾世會見呢？一定係屋企人、或者係爭你錢嘅人，哈哈。我就有好多畫面浮過，能夠做到屋企人都係緣份，所以或多或少我都有閃過屋企人、擺咗好多自己屋企人嘅情緒入去唱。」

相關影片可以按以下畫面觀看：

影片連結： www.youtube.com/embed/pWL9VJWC6Bw

miffy 70周年掀起全球慶祝熱潮！亞洲巡迴慶祝活動最終站更於將軍澳東港城壓軸展開。由2025年11月10日至2026年1月1日期間，將軍澳東港城舉行壓軸生日盛典「東港城．miffy星河祈願之旅」，以既神秘又浪漫的星河之旅為主題，打造８大miffy夢幻打卡場景。東港城特別邀請到新鴻基地產（銷售及租賃）代理有限公司董事鍾秀蓮小姐、實力唱將泳兒（Vincy）、胡鴻鈞（Hubert），率領4位出爐《聲秀》冠軍馮熙燮（Ryan）、亞軍柯雨霏（Ophelia）、季軍胡子貝（Matt）及殿軍穎喬（Ziva），為「東港城．miffy星河祈願之旅」擔任揭幕禮嘉賓。

六人挑戰反應力動作遊戲「miffy舞蹈教室」，眾人手舞足蹈、比手劃腳，十分落力

胡鴻鈞、泳兒、陳㦤德

兩位導師親自帶領《聲秀》學員與幸運粉絲組隊，近距離大玩經典遊戲「大電視」1

兩位導師親自帶領《聲秀》學員與幸運粉絲組隊，近距離大玩經典遊戲「大電視」2

商場特別預備神秘禮物給上星期新鮮出爐的《聲秀》四強

陳懿德

實力唱將泳兒、胡鴻鈞率領《聲秀》出爐4強馮熙燮、柯雨霏、胡子貝及穎喬出席賽後首個商場活動

女生代表Ophelia和Ziva甫到場，馬上被超巨型「星願守護使者」miffy吸引，頓時化身小粉絲爭先擺出甜美POSE狂打卡，少女心爆發；另一邊廂，Matt率先參觀miffy 70週年珍藏展覽廊，Matt有感而發希望仿效miffy「以簡單線條配搭鮮豔色彩選擇獲得大眾喜愛」的創作初心，專注做好音樂；而澳洲回流的唱家班Ryan竟大呼miffy是童年回憶，更大呼可惜不是小孩，很想乘搭只限小童乘坐的「miffy星願小船」，展現反轉魅力！

吸引逾400名粉絲圍觀逼爆全場

商場特別預備神秘禮物，送上可愛的miffy公仔給上星期新鮮出爐的《聲秀》四強，恭賀Ryan、Ophelia、Matt及Ziva在《聲秀》中過關斬將，脫穎而出！大熱奪冠的Ryan指：「今次係我哋比賽完之後嘅首個公開活動，收到東港城送俾我哋嘅驚喜禮物，同埋Fans們面對面嘅祝福，真係受寵若驚！希望我哋四個未來可以帶好作品，以唔同面貌同大家見面。」

而比賽路上一齊從旁指點、勞苦功高的兩位導師，更獲贈70cm高的特大miffy公仔。Vincy收到後立即心心眼，愛不釋手，她表示：「細個時有一隻miffy床邊公仔，晚晚陪住我瞓，意想不到今日出席活動竟然有禮物收，希望呢隻miffy都會成為Batman（愛犬名）嘅好朋友，陪住佢長大，成為我哋嘅共同回憶！」而Hubert剛拿著miffy公仔擺出可愛甫士，現場粉絲立即尖叫！

大合照

兩位導師親自帶領《聲秀》學員與幸運粉絲組隊，近距離大玩經典遊戲「大電視」；又挑戰反應力動作遊戲「miffy舞蹈教室」，眾人手舞足蹈、比手劃腳，十分落力！Hubert在遊戲後更展現幽默本色，笑稱：「下次要熱定身先可以出活動！好彩我『寶刀未老』，睇嚟可以認真同公司討論吓下一次出歌挑戰跳唱。」話畢粉絲立即報以熱情尖叫，逼不及待Hubert下一首派台歌登場！

活動吸引超過400名粉絲到場支持，逼爆全場。為答謝粉絲及現場觀眾的支持，Vincy、Hubert、Ryan、Ophelia、Matt及Ziva更與台下觀眾影大合照，一同在《東港城．miffy星河祈願之旅》提早歡度miffy夢幻聖誕！接著，由Vincy率先獻唱《無糖可樂》和《葉落冰川》，四位《聲秀》準歌手都加入演唱，每人獻唱兩首歌曲。最後由Hubert壓軸送上兩首親自參與作曲作品《凡人不懂愛》和《謝謝你的應援》。６人馬拉松式接力獻唱一小時猶如一場小型演唱會，現場粉絲大飽「耳」福！