阿儀經理人到峇里影靚相玩裸背 林寶玉加細碼比堅尼增加視覺效果

林寶玉（Connie）貴為亞洲心動娛樂「一姐」薛影儀的經理人，做經理人已經唔容易，仲要做阿儀的經理人，壓力之大常人唔會明。所以Connie之前跟老友快閃峇里4日，減壓之餘仲瘋狂換泳衣影相大晒32C big爆身材，影到興起索性剝衫玩祼背，32C唔覺意「側漏」，超香艷。Connie承認阿儀經理人唔易做，最嬲被網民狂鬧「消費」阿儀：「其實阿儀好Enjoy做幕前，仲話Fans多過我，不知幾自豪。」

Connie出發前一個月勤做運動，務求影泳衣相冇半滴多餘脂肪。圖片來源：星島日報

穿上低胸裝的Connie，「最索經理人」之名果然名不虛傳。圖片來源：星島日報

林寶玉帶了3套泳衣到峇里影靚相，為計劃推出的寫真集做熱身，換上三點式的Connie大晒32C-24-35噴血身材及靚腹肌，其中湖水綠比堅尼最好睇，因為超少布，包唔晒澎湃上圍，「南北半球」瀉晒出嚟。她大笑說：「呢套泳衣即買即着，女伴抵死建議我買加細碼，結果迫到爆，叫做滿足吓自己。」至於滿唔滿意身材？Connie坦言：「點都會有啲嘢嚟充撐吓，增加視覺效果。」Connie稱為影靚相，出發前一個月勤做運動，Keep住靚body：「原先plan咗今年去歐洲影寫真集，但工作太多真係行唔開，明年再算。」今次峇里之行吸引唔少型男搭訕，嚇到兩女驚青速逃，唔敢交友。

Connie置身泳池享用浮水餐，擺晒Pose影相。圖片來源：星島日報

到峇里影靚相。圖片來源：星島日報

瘋狂打卡。圖片來源：星島日報

到峇里影靚相。圖片來源：星島日報

到峇里影靚相。圖片來源：星島日報

玩得幾開心！圖片來源：星島日報

Connie換上吊帶長裙，仍然咁搶眼。圖片來源：星島日報

身穿加細碼比堅尼，露出火辣「南北半球」。圖片來源：星島日報

影到興起玩裸背，側身漏出豐滿上圍。圖片來源：星島日報

完美身材。圖片來源：星島日報

沙灘相不能少。圖片來源：星島日報

超正身材！。圖片來源：星島日報

仆心仆命幫阿儀挽鞋

Connie早前為阿儀出新歌奔波，不停穿梭香港及大馬，幸好《一加一等於阿儀》MV，上架兩個月點擊率逾170萬，而《爸爸爸爸我愛你》MV見街3周，亦有近36萬點擊，Connie功不可沒，算有個交代。她認為辛苦都係值得，亦道出跟阿儀合作嘅甜酸苦辣：「當日為阿儀出歌，四方八面出現阻力，尤其敲門搵贊助不斷俾人潑冷水，不過，老闆賴彩雲堅持就算自費都要做好佢，最後阿儀拍《一加一》MV街景，我幫阿儀挽鞋，連助手都做埋，𠵱家出第2首歌經已有贊助商搵上門。」雖然阿儀好真性情，遇口臭網友會爆粗狂X，但她對Connie好溫柔，「阿儀都生性，好尊重我，從來唔會喺我面前爆粗，上次陪佢去大馬做Show患腸胃炎，阿儀雖然好依賴我，但仍主動叫我返房休息唔使理佢，仲不停提工作人員『寶玉唔舒服，畀佢休息啦。』見我上線就視像問候我，阿儀竟然識關心人，都好窩心㗎。」

當日阿儀拍《一加一》MV，Connie幫阿儀挽鞋做埋助手工作。圖片來源：星島日報

《一加一等於阿儀》MV推出兩個月，累積點擊率逾170萬。

第2首單曲《爸爸爸爸我愛你》上架3周，收看人次近36萬。

阿儀變身師姐，AMM老闆賴彩雲(中)將力捧女子跳唱組合JARA及來自馬來西亞的劉漢傑。圖片來源：星島日報

Connie同阿儀患難見真情，兩人共同進退轉投AMM賴彩雲旗下。圖片來源：星島日報

阿儀好享受唱歌。圖片來源：星島日報

扮公主嘅阿儀有好多儀粉。圖片來源：星島日報

阿儀好Enjoy見Fans

Connie曾於危難中力「救」阿儀，兩人關係非外人所明白，不過網民就覺得她「消費」阿儀出PO狂鬧令她有冤無路訴：「從來唔會強迫阿儀做啲唔想做嘅事，有時拍攝有難堪位，好似臨時加入用絲襪笠頭，我會第一時間撲出去阻止，我想佢舒舒服服咁拍嘢。」網民以為阿儀係扯線公仔，其實佢不知幾享受做明星。「佢真係好享受唱歌，尤其佢喺大馬見到有咁多fans支持會好開心，仲會好自豪，笑晒口咁同我講：『喂！寶玉，我啲fans多過你喎！』」Connie無奈表示：「其實我另一個身份都係演員，有曝光好正常，呢方面要攞個平衡位，唔好俾人誤會。」她認為做幕後兼顧太多孭好大責任，所以唔可能聽到負評就輕易放棄，暫時她都想接觸幕後層面去學吓嘢先。

林寶玉好錫「亞視一姐」薛影儀。圖片來源：星島日報

林寶玉及薛影儀齊齊過槽AMM。圖片來源：星島日報

由國際名模教母徐濤（Murine）創辦「徐濤專業模特兒學校」主辦的《Hong Kong's Next Top Model》，日前假西九龍中心一樓廣場盛大舉行初賽。今年賽事吸引了超過300位來自世界各地的參賽者報名參加，當中包括大陸、香港、泰國、汶萊、歐洲、菲律賓、德國及美國等地，當中共有120位晉級初賽，展現模特兒夢想的國際風采。

徐濤、高靖

評判團與大熱合照。

評判團與兒童組。

評判團與青少年組。

徐濤與熟齡組。

比賽分兩大環節 四大年齡組展現多元魅力
大賽設有四個年齡組別，涵蓋兒童、青少年、成人及熟齡四大階段，參賽者年齡由2歲至68歲不等。評審陣容方面更是星光熠熠，除了主辦人徐濤老師外，還包括模二代導師高靖（Chantel）、最索經理人林寶玉（Connie）、I.B.H. 國際美容健康總聯合會創會會長 Dr. Carmen Pang，以及2024年《第二屆國際超級模特兒大賽2025》冠軍 Deniz，還有星級導師 Alwyn Chan。專業評審團將從台風、自信、服裝表現力、創意及整體印象等層面全方位評分。

比賽分為兩個環節，第一環節是中式服裝的才藝表演；第二環節則為晚裝Catwalk秀，是次比賽不僅是時尚的競技舞台，更是一場跨年齡、跨地域的文化盛典。

徐濤與18歲雙胞胎兄弟(左)蔡鴻彬Lincon與(右)蔡鴻森Watson

徐濤、模二代高靖與14歲雙胞胎姊妹費雲帆Isabella 及費雲霓Isadora

徐濤與大熱芬蘭姊妹(左)15歲家姐Anki Karppinen ; (右) 12歲妹妹Viivi Karppinen

徐濤與同時參選《全民造星VI》的大熱18歲盧駿諾

大熱7歲的梁凱睎Andrea Rose Hansen

今年大賽備受矚目的17位來自不同背景與國籍的大熱選手名單亦已曝光，其中芬蘭姊妹15歲家姐Anki Karppinen與12歲妹妹Viivi Karppinen專程由芬蘭飛來香港參選；還有18歲的盧駿諾，同時參選《Hong Kong's Next Top Model》大賽及《全民造星VI》，其他大熱包括兒童組的7歲梁凱睎Andrea Rose Hansen、7歲汪瑩翎Blaire、8歲雷鄢綺Fiona、；青少年組的10歲孫𤦍晴Puccini、10歲謝芷琪Cherrelle、11歲Ninnara Delamarche、14歲戴悠Judith、14歲張惠淋Vivian、14歲雙胞胎姊妹費雲帆Isabella及費雲霓Isadora；成人組的18歲雙胞胎兄弟蔡鴻彬Lincon與蔡鴻森Watson，與及熟齡組48歲張麗琼Jojo與43歲吳延燕Lucy。

大熱8歲的雷鄢綺Fiona

大熱13歲的李美萱Aniya，身高165cm

大熱14歲的戴悠Judith，身高178cm

評審團（左起）模二代高靖、《第二屆國際超級模特兒大賽2024》冠軍 Deniz、國際名模教母徐濤、I.B.H. 國際美容健康總聯合會創會會長Dr. Carmen Pang、林寶玉、星級導師Alwyn Chan

泰國電影童星Ninnara越洋參選 將直入總決賽現身香港
值得一提的是，來自泰國的青少年組選手、年僅11歲的 Ninnara Delamarche擁有151厘米身高，是賣座泰國電影《關於我和鬼變成家人的那封利是》中的演員。因在泰國有工作在身，而未能參加初賽，但她將專程由泰國飛來香港參加6月29日的總決賽，勢必成為矚目焦點。徐濤老師表示：「今年的參賽者來自不同國家，我期待6月的兩場賽事中，看到更多明日之星誕生，讓天橋上的光芒繼續延續下去。」

全場總冠軍將獲港幣一萬元現金及價值十萬港元的超模訓練課程、多個海外時裝周演出機會
至於總決賽將於6月29日假尖沙咀唯港薈（Hotel ICON）舉行，屆時將頒發全場總冠軍、四大年齡組別的冠亞季軍，以及Facebook、Instagram及小紅書三個平台的人氣大獎。總冠軍將獲得港幣一萬元現金，今年更特別增設「全球國際超級至尊大獎」得獎者獲得五千元現金；另外，主辦單位送出價值十萬港元的超模訓練課程、前往日本時裝周演出的機會（含來回機票）、三年模特兒合約，以及代表香港出席International Next Top Model in Malaysia、並參與及泰國和韓國時裝表演。